Инспирирана од играта на модерното и класичното, материјалот и формата, компанијата „Teuco“ ја креира серијата елегантни кади „Accademia“. Модерните кади се во класичен стил, внесувајќи на тој начин дел од класичниот елегантен стил во современите домашни ентериери.

Како дел од колекцијата „Accademia“, кадата „Pop Accademia“ беше прогласена за добитник на наградата за најдобар дизајн-производ – Red Dot Best of the Best 2014“. Грациозните, меки облини, впечатливиот принт и масивните димензии ја прават кадата доминантен елемент во бањата.

Колекцијата има неколку различни дезени на класично-модерните кади. Од елегантно бела, мермерна во пепелави нијанси, луксузно бела со златни линии, игрива во ведри сини тонови, колекцијата одговара на различни ентериери и карактери, од посериозни до поразиграни.

„Accademia“ цели кон тоа да постави нови трендови при дизајнирањето елементи за бањата, давајќи ѝ значење речиси на уметничко дело на кадата преку елегантните, речиси луксузни модели. Кадите се изработени од иновативниот материјал „Duralight“, кој е цврст композит, 100% модуларен и свитлив, лесно обновлив и одржлив, создаден од производителот „Teuco“.

Колекцијата „Accademia“ е дел од една поголема колекција „Autoritratti“, која првпат вклучува софистициран мебел за бања и санитарија со декоративен отпечаток. Eдноставната форма, совршената текстура на мермерот и чешмите  со позлатен финиш, во комбинација со збогатениот дизајн на авангард, го прават секој елемент уникатен дел од ентериерот на модерните бањи.