Осветлување во домот!

 

 Главното светло, т.е. осветлувањето на таванот (лустер или висечко светло, плафоњерка или рефлекторот) треба да биде поставено на тој начин што нема да создава преголеми сенки. Ѕидните светилки што фрлаат светлост кон таванот допринесуваат за попријатна атмосфера. Светлоста секогаш е во нијансата на бојата на ѕидот на кој е поставена.

 Позади фотељата може да се постави, стоечка подна лампа која ќе фрла светлина кон таванот.

 За романтична атмосфера искористете ги ѕидните светла заедно со запалени свеќи.

 

Доколку дневната соба има прилагодлива шема на осветлување, многу лесно можат да се создадат различни амбиенти за секоја активност.

А знаеме дека дневните соби денес претставуваат повеќенаменски простори во кои се гледа телевизија,  се јаде, се комуницира или се чита.

Истакнување на предметите со осветлување е најсоодветно токму во овој дел од домот, како на пример, истакнување на растенија, книги, слики или мебел.

Но кога станува збор за фиксното осветлување, не треба да се претерува со негово поставување бидејќи еден ден можеби ќе се определите за промена на распоредот на мебелот, па тоа веќе нема да биде во потполност функционално.

 

Препорачливо би било да се употребат, волфрамови светилки доколку сакате помек и попријатен амбиент. Искористете ги столните светилки и поставете ги на рабните делови на собата, на комодите или на полиците. На овој начин ќе се создаде впечаток на пространост и пријатен амбиент...

Распоредот на расветните тела треба да биде доволно флексибилен за да може да се создадат различни амбиенти во различни периоди од денот. Различната насоченост на светлата може да го менува и изгледот на просторијата, особено кога станува збор за нејзините димензии, како и изгледот на боите.

 

 Ако сакате собата да ви изгледа попространа, тогаш искористете ги ѕидните светилки кои ја насочуваат светлоста кон таванот. Доколку таванот е обоен со некоја посветла боја и ефектот ќе биде поинтензивен.

Ако пак сакате собата да ви изгледа повисока... Употребувајте највисоки вертикални зраци на светлост.Спуштете ги светилките на таванот ниско (лустерот или висечките светла).

 

И ако сакате собата да ви изгледа попријатно,  поставете неколку мали столни лампи за да создадете низа од мали и ниски извори на светлина што ќе допринесе собата да делува потопло и попријатно, но не го осветлувајте таванот.