АНГЛИЧАНИТЕ ЗАРАБОТУВААТ НАЈМНОГУ ОД РЕКЛАМИ НА ДРЕСОВИТЕ

Премиерлигата ја престигна Бундеслигата

Англиската Премиерлига ја престигна германската Бундеслига во привлекувањето реклами на дресовите, открива студијата на "Спорт+Маркт". Дванаесеттиот извештај за фудбалски дресови на германската компанија покажува дека 20-те премиерлигашки клубови инкасирале 128 милиони евра сезонава, што е пораст за 44,5 милиони евра. Осумнаесетте бундеслигашки клубови стигнаа од 108,6 до 118,5 милиони евра сезонава, од кои 22 милиони евра отпаѓаат на договорот на Баерн Минхен со "Дојче телеком".
Германија беше симната од врвот, најмногу благодарение на новите договори на Манчестер јунајтед со осигурителниот брокер "Аон" и на Ливерпул со банката "Стандард чартерд". Според "Спорт+Маркт", двата договора вредат по 23,6 милиони евра.
Остатокот од Европа заостанува многу. Клубовите од Серија А имаат приходи од само 65,9 милиони евра и е единствената лига што забележа намалување приходите, бидејќи Лацио и Фиорентина се уште се без спонзори. Франција ја престигна Шпанија на четвртото место со 58,8 милиони евра. Шпанија, која е актуелен европски и светски првак, привлече само 57,5 милиони евра, од кои речиси половина (23) отпаѓаат на договорот на Реал Мадрид со обложувалницата "Бивин". Сепак, Барселона никогаш нема реклама на дресовите, а од 2006 година, каталонскиот клуб му плаќа 1,5 милиони евра на УНИЦЕФ за да го носи логото на организацијата.

Иако во средата ги демантираше гласините кои се појавија, Роберт Пирес, синоќа сепак потпиша договор со премиерлигашот, Астон Вила...

Францускиот ветеран се обврза на верност кон клубот до крајот на актуелната сезона. Вила моментно се наоѓа на деветтото место во Премиер лигата.

Сеуште е неизвесно дали Пирес ќе дебитира на гостувањето во Блекбурн викендов, додека сосема е извесно дека Французинот ќе биде во составот против својот некогашен клуб, Арсенал, кој веќе следната недела доаѓа на "Вила Парк".