Се обеси Гери Спид!

Квалификациските групи за ЕП 2013 година што ќе се одржи во Словачка за фудбалери до 17 година беа извлечени денеска во Нион.

Македонија ја доби организацијата за 10-тата квалификациска група во која ќе игра со селекциите на Р. Ирска, Романија и Шведска. Натпреварите ќе се играат од 29. септември до 4. октомври наредната година.

Според пропозициите по две првопласирани селекции од 13-те формирани групи заедо со уште две најдобро третопласирани (според резултатите со првите две во групата) ќе патуваат во елитната рунда каде 28 селекции ќе бидат поделени во 7 групи. Победниците во елитните групи заедно со домаќинот Словачка ќе играат на ЕП 2013г .

Репрезентацијата до 19 година ќе игра на квалификациски турнир во Луксембург заедно со Германија, Р.Ирска и домаќинот Луксембург. Турнирот е на програмата од 11-16 октомври наредната година.

ЕП за фудбалери до 19 година ќе се одржи во Литванија.

ПСЖ се откажа од Тевез, Хулк следна желба

Пари Сен Жермен се откажа од Карлос Тевез и своето внимание го насочи кон доведување на Бразилецот од Порто, Хулк.

Според пишувањето на France Football, ПСЖ после неколку неделните преговори со Сити за Тевез се откажа од доведување на проблематичниот аргентински напаѓач.

Тие сега ке се обидат да го доведат Хулк од Порто, играч за кои се заинтересирани уште оддамна.

Бразилскиот напаѓач има откупна клаузула во договорот од 100 милиони евра, но парижаните се надеваат дека ке ги убедат челниците на Порто да го продадат за пониска сума.

Ферхан Хасани фудбалер на годината

Иван Тричковски најдобар фудбалер кој настапува во странство, Ќатип Османи најуспешен тренер

Фудбалерот на Шкендија и репрезентативец на Македонија Ферхан Хасани е прогласен за најдобар фудбалер на Македонија во домашното првенство за 2011 година во конкуренција на Крсте Велковски од Работнички и Филип Ивановски од Вардар, на саботниот состанок на Управниот одбор на Фудбалската федерација, чии членови ги верификуваа предлозите за најдобрите од страна на комисиите на ФФМ.

Иван Тричковски ја освои титулата најуспешен македонски фудбалер во странство со своите настапи за кипарскиот Апоел. Тој беше еден од најзаслужните што овој клуб ќе игра во завршните борби во Лигата на шампионите.

Најуспешен тренер е Ќатип Османи под чие раководство Шкендија ја освои титулата шампион на Македонија за 2011 година, нашиот најдобар судија, интернационалецот Александар Ставрев немаше сериозна конкуренција во изборот за најдобар во годината што изминува.

Најдобра фудбалерка е Гентјана Рочи, најперспективен млад фудбалер е Дарко Велковски од Работнички. Голгетерот на Металург Блаже Илиоски е најуспешен стрелец во изминатата година, а Благој Истатов, претседателот на Општинскиот сојуз Гевгелија, најуспешен фудбалски работник, додека Зоран Велески е најдобар фудбалер во футсал.

Најдобар фудбалски клуб е Шкендија од Тетово, најдобар женски „Наше такси“, додека на Ренова и' припадна титулата најуспешна во младинска категорија.

Најфер екипа е Силекс од Кратово, а клубот Железарец е прогласен за најуспешен во футсал. Беа доделени и две посебни признанија, на судијата Љубомир Крстевски од Битола за успешното судење во 2011 година како и на спортскиот новинар Миодраг Мицковиќ за неговиот придонес во афирмација на фудбалот во Македонија во неговото 50-годишно спортско новинарство. 

Зимскиот преоден рок од 2 до 31 Јануари


На состанокот на Управниот одбор на ФФМ беше донесена одлука зимскиот преоден рок за фудбалери да биде од 2 до 31 јануари, а летниот од 10 јуни до 31 август. Вујадин Станојковиќ беше избран за претседател на Комисијата на фудбалски тренери во Македонија.

УО го одби барањето на ОФС Карпош за прием во членството на ФФМ поради неисполнувањето на критериумите на ФФМ. Членовите на УО го усвоија предлог-буџетот за 2012 година и упатството за вршење пререгистрација на фудбалери и клубови.

Македонскиот амбасадор Пандев не е веќе фудбалер на годината

Италијанските медиуми го проследија изборот на Фудбалската федерација на Македонија за фудбалер на годината, изненадени што по петгодишно владеење на Горан Пандев, овојпат наградата отиде во рацете на Иван Тричковски.

Тие потенцираат дека успехот на Тричковски со АПОЕЛ во Лигата на шампионите, каде што кипарскиот првак се квалификуваше во нокаут-фазата, бил пресуден признанието да отиде во негови раце. Сепак, медиумите од "чизмата" се убедени дека ако македонскиот амбасадор во Италија, како што го нарекуваат Пандев, ја задржи сегашната форма, нема да има проблем да се врати на тронот.

Чави е сеуште најдобар плејмејкер

По четврти пат по ред, Чави Ернандез, фудбалерот на Барселона, е прогласен за “најдобар креатор на играта во светот“

Интернационалната федерација за историја и статистика го прогласи Чави Ернандез за најдобар креатор на играта во светот и тоа четврта година по ред.

Интересно е и тоа што 16 најдобри фудбалери на листата се од најдобрите европски лиги. Од Примера има 7, Премиер лигата и Серија А по 3, Бундеслигата 2 и француската Лига 1 има 1 претставник.

Исто така е интересно што на оваа листа на организатори на играта има и двајца напаѓачи, и тоа најдобрите, Лео Меси и Кристијано Роналдо.

Топ 10 најдобри организатори на играта на светот според ИФИС изгледа вака:

1. Чави Ернандез (Барселона)

2. Лео Меси (Барселона)

3. Андрес Иниеста (Барселона)

4. Месут Озил (Реал Мадрид)

5. Кристијано Роналдо (Реал Мадрид)

6. Давид Силва (Манчестер Сити)

7. Весли Снајдер (Интер)

8. Чаби Алонсо (Реал Мадрид)

9. Диего Форлан (Интер)

10. Сеск Фабрегас (Барселона)

Бразилскиот суперталент Нејмар беше избран за најдобар фудбалер во Јужна Америка за 2011 година во традиционалната анкета на весникот "Ел Паис".

Деветнаесетгодишниот напаѓач лани го предводеше Сантос до титулата во Копа Либертадорес, кадешто беше прогласен за најдобар играч на сезоната. На второто место заврши Чилеанецот Едуардо Варгас, кој во овој преоден рок ќе му се придружи на Горан Пандев во Наполи