Вести

ЕДЕН ДОБАР НАТПРЕВАР И ГЕРМАНЕЦОТ СТАНА НАЈПОСАКУВАН ФУДБАЛЕР ВО ЕВРОПА

Арсенал и Милан по Швајнштајгер

Одличната игра на дуелот против Португалија минатиот четврток направи од Бастијан Швајнштајгер, еден од најбараните фудбалери во моментов во Европа. Фудбалерот на Баерн Минхен речиси сам ги победи "евро-Бразилците" со тоа што постигна еден, а асистираше при постигнувањето на два погодоци за својата селекција во триумфот од 3:2, па по него тргнаа неколку врвни клубови од Стариот континент.

Први и засега најконкретни се седумкратниот европски првак Милан и актуелниот англиски вицешампион Челзи, чиј нов менаџер Луис Фелипе Сколари го посочи Швајни како топ-приоритет за летниот преоден рок. Швајнштајгер уште одамна изјави дека има голема желба да настапува во Премиер-лигата на Англија, за него во еден период беше заинтересиран и Арсенал, но до трансфер с$ уште не дошло, најмногу поради тоа што фудбалерот е релативно млад, има само 23 години, а и е врзан со договор со Баерн. Сепак, со доаѓањето на Франк Рибери на Алијанц арената минатото лето и Швајнштајгер го загуби местото во стартната постава, па неколкупати во текот на сезоната тој се закани дека ќе си замине. На Челзи очајно им е потребно освежување во средниот ред по слабата сезона на Шон Рајт-Филипс и Флорен Малуда, а неофицијално Сколари за Швајнштајгер е подготвен да плати околу 15 милиони фунти.

"Премиер-лигата е најсилна во Европа и отсекогаш сум сакал да играм таму. Ќе видиме што ќе се случува летово", изјави "седумката" на германската репрезентација.

Во исто време во трката за еден од најперспективните германски фудбалери се вклучи и Милан, кој ја разгледува можноста наскоро да испрати официјална понуда за трансфер. "Росонерите" одат и подалеку од Челзи бидејќи нудат 17 милиони фунти во обидот да дојдат до потписот на Швајнштајгер. Сепак, дали Милан ќе остане до крај во трката за Германецот зависи и од тоа што ќе се случува со Емануел Адебајор за кого исто така постои интерес.

ПОД СОМНЕЖ ТРАНСФЕРОТ НА СРБИНОТ ВО ТОРИНСКИОТ КЛУБ

Навивачите на Јуве не го сакаат Станковиќ

Италијанскиот претставник во Лигата на шампионите, Јувентус, ја продолжува трката за потписот на Дејан Станковиќ, но навивачите почнаа кампања за стопирање на преговорите со репрезентативецот на Србија. Новиот тренер на Интер, Хозе Мурињо, не смета на Станковиќ за претстојната сезона од Серија, па 30-годишниот играч од средниот е принуден да си бара нова средина во летниот преоден рок. Неофицијално Јувентус испратил понуда од девет милиони евра иако раководството на "неро-азурите" бара најмалку двојна отштета.

Сепак, парите, најверојатно, нема да бидат главен фактор за евентуалниот трансфер на Станковиќ во торинскиот клуб, туку тоа ќе бидат навивачите на Јувентус. Тие веќе почнаа неколку акции на интернет-страниците и форумите со цел да запрат преговорите меѓу клубот и фудбалерот.

Прва причина за такво нешто е фактот што Станковиќ досега играше во Интер, клуб со кој Јувентус има најголем ривалитет, па фановите на "Старата дама" отсекогаш го сметаат како непријател. Второ, минатата сезона беше една од најслабите во кариерата на српскиот репрезентативец, па навивачите сметаат дека неговите најдобри години се поминати за што потврда е одлуката на Мурињо да го исфрли од тимот. Поради ова навивачите се закануваат дека ќе направат с$ што е во нивна моќ да го запрат трансферот на Станковиќ, а ако, сепак, дојде до него, на натпреварите на домашен терен ќе го исвиркуваат при секој негов контакт со топката.

НИШТО ОД ТРАНСФЕРОТ НА ХРВАТОТ НА ВЕСТФАЛЕН

Борусија се откажа од Класниќ

Борусија Дортмунд вчера официјално се откажа од идејата да се ангажира хрватскиот репрезентативец Иван Класниќ во летниот преоден рок. "Милионерите" пред една недела во фудбалерот на Вердер гледаа замена за повредениот Александер Фреј кого го очекува долга пауза поради повредата на премиерниот натпревар од Европското првенство против Чешка. Сепак, од трансферот на Класниќ нема ништо, а тоа го потврди и спортскиот директор на Борусија, Михаел Цорк, по враќањето од летниот одмор на Флорида.

"Не го сакаме ниту Класниќ ниту кој било друг напаѓач, ќе го чекаме Фреј. Очекуваме да ни биде на располагање на крајот од август и поради тоа напаѓач од калибарот на Класниќ не ни е потребен", рече Цорк.

Во нападот на Борусија идната сезона, најверојатно, ќе игра триото Петриќ-Фреј-Валдез, а место Класниќ клубот од Вестфален ќе се обиде да ангажира врвен играч од средниот ред. Покрај Борусија, за хрватскиот репрезентативен напаѓач се заинтересирани уште неколку клубови од Англија, пред с$ Виган, кој пред неколку дена испрати и понуда до Вердер.

ХОЛАНДСКИОТ ГОЛГЕТЕР ГО ОДБИ ИТАЛИЈАНСКИОТ ГИГАНТ

Хунтелар сигурно не оди во Интер

Голгетерот на Ајакс, Клас Јан Хунтелар, кој има постигнато 70 погодоци во 82 натпревари за славниот клуб од Амстердам, откри дека нема намера во летниот преоден рок да го засили тимот на Интер. Ова го изјави консултантот за трансфери на Рома, кој разговарал со агентот на Хунтелар и соопшти дека фудбалерот не размислува за премин на "Џузепе Меаца".

"Разговарав со агентот на Хунтелар и му ги соопштив имињата на италијанските клубови кои се заинтересирани за ангажман на фудбалерот. Кога му реков за Интер, тој ми рече дека зборувал со Хунтелар и дека играчот рекол дека не е многу заинтересиран да стане нов фудбалер на 'нероазурите'", изјави Алберто Факини, човек кој е задолжен за посредување на трансферите во римската "волчица"

Доаѓањето на Мурињо во Интер донесе и редица понуди за многу фудбалери, па со оглед на тоа што Хунтелар е еден од најбараните напаѓачи на Стариот континент, неодминлив беше и тој.

За ѕвездата на Ајакс, која има дури осум постигнати голови во 13 натпревари за холандската репрезентација, а се запиша во листата на стрелци и на ЕП, заинтригиран беше и тимот на Јувентус, но се чини дека со ангажманот на Бразилецот Амаури од Палермо, стивна интересот и кај "Старата дама" за потпис со Хунтелар.

НОВ КЛУБ ВО ТРКАТА ЗА ПОРТУГАЛЕЦОТ

И Јувентус го сака Кварезма

Италијанскиот гигант Јувентус е последниот клуб кој има сериозни намери во своите редови да го доведе португалското крило Рикардо Кварезма, кој одамна најави дека си заминува од Порто.

Досега најголем интерес за него пројавија Интер и Челзи, каде би работел со добро познати тренерски имиња од неговата кариера, односно Жозе Мурињо, кој му беше ментор во Порто и Луис Фелипе Сколари, кој заклучно со ЕП во Австрија и Швајцарија му беше претпоставен во португалскиот национален тим. Во трката за потпис со Кварезма е и Реал Мадрид, но приоритет на "кралевите" е да дојдат до Кристијано Роналдо.

Што се однесува до Јувентус, претставници на торинскиот тим истакнаа дека би сакале во своите редови да го доведат Кварезма, а за него се подготвени да го дадат Португалецот Тиаго и поголема сума пари. "Старата дама" бара квалитетни фудбалери од средината на теренот, а деновиве е во постојани преговори со Чаби Алонсо од Ливерпул, кој никако да го договори трансферот.

ШВЕЃАНЕЦОТ НЕ ЈА МЕНУВА СРЕДИНАТА

Љунгберг останува во Вест Хем

Шведскиот репрезентативец од средината на теренот, Фредерик Љунгберг, најверојатно, и во следната сезона ќе биде дел од екипата на Вест Хем. Неговиот агент беше дециден во најавите дека клубот не сака да го продаде и покрај минатомесечните шпекулации дека клубот сака да го продаде во серија А, односно во тимот на Рома.

"Се сретнав со претставници на клубот и тие ме уверија дека Љунгберг и во следната сезона ќе биде дел од тимот на Вест Хем", изјави Клас Елефалк, човекот во улога на агент на Љунгберг.

Се претпоставува дека Швеѓанецот, кој се прослави во Арсенал, во помалку вреднуваниот лондонски клуб, заработува околу 70,000 фунти неделно, но не ги оправда големите очекувања во дресот на "чеканите" во првата сезона на Аптон Парк.

НАПАЃАЧОТ СЕ РАЗДЕЛИ ОД ЊУКАСЛ

Амеоби се сели во Вест Бромвич

Екипата на Вест Бромвич Албион е на сантиметри од ангажман на напаѓачот на Њукасл, Шола Амеоби. Понудата од клубот од Бирмингем за напаѓачот изнесува 2,5 милиони фунти и според сите информации во англиските медиуми, трансферот е речиси реализиран и само прашање на денови е кога сите инволвирани странки ќе се го финализираат документот.

За Амеоби, кој лани играше на позајмица во уште еден член на Чемпионшип дивизијата, односно второто по квалитет англиско натпреварување, беа заинтересирани и екипите на Норвич и Ипсвич, како и самиот Стоук.

Доаѓањето на Амеоби во Бирмингем значи дека Вест Бромвич Албион, предводен од менаџерот Тони Маубреј, само во досегашниот преоден рок поарчил 8,3 милиони фунти и тоа исклучиво за фудбалери од нападот. Досега беа ангажирани Лук Мур од Астон Вила за 2,3 милиони фунти, а истата сума беше платена и за Роман Беднар од шкотскиот прволигаш Хартс.

ХРВАТИТЕ СО НОВА ЛАЖНА УЗБУНА ОКОЛУ МАКЕДОНСКИОТ СЕЛЕКТОР

Катанец бил интересен и за Кроација Сесвете

* "Ние не нудиме многу пари, меѓутоа се надеваме дека ќе се избориме за доаѓањето на Катанец во нашиот клуб", изјавил за хрватските медиуми потпретседателот на новиот хрватски прволигаш Здравко Чокиќ

Се испразни ли тренерско место во некој од хрватските или словенечките прволигаши последниве две години, како по некое правило веднаш името на македонскиот селектор Среќко Катанец се вади од ракав и се уфрла на позицијата број еден од листата на кандидати...

Во текот на вчерашниот ден низ хрватските медиуми осамна информацијата дека и новиот прволигаш од јадранската земја, Кроација Сисвете, посакува да го ангажира во своите редови Среќко Катанец откако неодамна останаа без услугите на Златко Крањчар.

"Со тренер од типот на Катанец можеме многу, па се надевам дека ќе успееме да го реализираме неговото доаѓање. Ние, за жал, не нудиме многу пари, но ќе дадеме с$ од себе", изјави за "Јутарњи лист" потпретседателот на Кроација Сесвете, Здравко Чокиќ, веројатно и самиот повеќе од свесен дека тешко ќе може да ги добие услугите на Словенецот.

Претходно раководството на новиот амбициозен хрватски прволигаш не успеал да се договори и со Србинот Љупко Петровиќ, кој беше кандидат и за клупата на кумановско Милано. Љупко Петровиќ најверојатно ќе биде нов селектор на Гана.

В. Булатовиќ

Среќко: "Тоа е научна фантастика"

Сосема очекувано македонскиот селектор Среќко Катанец веднаш ги демантираше најавите за негово можно преземање на клупата на Кроација Сесвете.

"Првпат слушам за такво нешто. Не е можно моето доаѓање во Кроација. Тоа е научна фантастика. Имам навистина многу работа и не можам", изјави Катанец самиот потврдувајќи дека веќе и физички не е можно човекот кој ја води нашата репрезентација а во меѓувреме е советник и во словенечкиот прволигаш Интерблок да добие трет ангажман. Сепак, би било премногу...

ПРЕГОВОРИ ЗА НОВА ПРИЈАТЕЛСКА СРЕДБА

Со Словачка на 20 август?

По откажувањето на дуелот со Украина, македонската репрезентација на 20 август, најверојатно, ќе се сретне со селекцијата на Словачка на последната контрола пред стартот на квалификациите за СП 2010 во Јужна Африка.

Утре, во Виена, претседателот на ФФМ, Харалампие Хаџи-Ристески, треба да преговара со раководството на Словачката федерација околу евентуалната меѓусебна пријателска пресметка, додека, пак, исто така утре селекторот Среќко Катанец ќе допатува во Скопје за дефинирање на програмата за подготовките пред стартот на септемврискиот квалификациски циклус.

 

И ПОКРАЈ СН ОПТИМИЗАМ ВО ГРАДОТ ПОД "МАРКОВИТЕ КУЛИ"

Победа очекува нов спонзор

Постепено, од ден на ден се подобрува атмосферата што владее во и околу Победа. Тоа се должи најмногу на најавите за скоро доаѓање нов спонзор во клубот. Како што е познато, неколку фирми од странство беа кандидати, нивните имиња се чуваа во тајност, но според шпекулациите една од нив деновиве би требало да склучи договор со управата на Победа. Бројните симпатизери, навивачите на двократниот првак се во постојано исчекување, а впечаток е оти сите до еден се оптимисти поради тоа што на повидок е решение на финансиското прашање. Минатата сезона беше исклучително тешка, тоа многу се одрази врз резултатите и пласманот на шестото место кое н$ води во Европа. Оттука и надежта за подобрување на состојбата и застанување на клубот на здрави нозе.

Што се однесува до преодниот рок, и натаму нема поголеми возбудувања. Иако најмногу се зборува за заминување на играчите, официјално досега само напаѓачот Благоја Гешоски може да се смета за таков бидејќи веќе тренира со вицепрвакот Милано. Голманот Дарко Тофилоски синоќа требаше да има разговори со управата на швајцарскиот второлигаш Шафхаузен и од нив ќе произлезе одлуката дали ќе се случи трансфер во тој клуб или и следните шест месеци останува во Победа. Други играчи немаат направено ниту чекор за менување на средината. Дали тоа значи дека речиси сите првотимци од лани решиле да им се придружат на евентуалните засилувања, ќе видиме на првата прозивка што е закажана за утре попладне на стадионот "Гоце Делчев" во Прилеп.



Капинковски останува

Димитар Капинковски, најверојатно, и шестата сезона ќе ја мине во редовите на Победа. Универзалецот играше успешно во средниот ред и одбраната и со 33 години како највозрасен во тимот, ги воодушеви сите во клубот. Оттука, до заеднички јазик не е тешко да се дојде, најавено е дека битолчанецот доаѓа на првиот, утрешен собир да стартува навреме со подготовките.

 

ДЕНЕСКА, ВО 18 ЧАСОТ "ЖЕЛЕЗАРЦИТЕ" ЈА ИМААТ ПРВАТА ПРОЗИВКА

Металург тргнува, Петрески ново име

На стадионот "Железарница" , денеска, со почеток во 18 часот тренерот на Металург, Баже Лазаревски, ќе ја има првата прозивка во пресрет на идната сезона во која "зелено-белите" ќе настапуваат во најквалитетната лига на нашата земја. Веднаш по прозивката Лазаревски ќе го одржи и првиот тренинг на кој ќе се појави и првото засилување Гоце Петрески кој од од Беслидија вчера се договори со раководството на Металург и следната сезона ќе настапува во тимот од Железарница.

"Очекувам да се појават сите на кои сметаме во наредната сезона. Исто така очекувам да дојде и некој од новите фудбалери, иако кога сме веќе кај нив да споменеме дека во наредниве два дена ќе се знаат сите детали околу засилувањата. Прво ќе одржиме еден краток состанок на кој ќе им ги соопштиме на фудбалерите плановите за подготовките. Потоа ќе го имаме и првиот тренинг. Очекувам до стартот на шампионатот сите да бидат максимално подготвени за предизвиците во Првата лига", истакна шефот на стручниот штаб на "металурзите", Баже Лазаревски.

Металург се договори со Петрески, а раководството на екипатa е во преговори за доведување на Драган Брњарчевски, Марјан Белчев и уште неколку нови фудбалери.

ЕВЕНТУАЛНИОТ СПОНЗОР ВЧЕРА НА НЕГОВО БАРАЊЕ ОДРЖА СРЕДБА СО ЕКС ПОТПРЕТСЕДАТЕЛОТ НА РАБОТНИЧКИ, КОСТА КОСТОВСКИ

И Коки се запозна со Холанѓаните!!!

*"На состанокот со Коста Костовски Холанѓаните се интересираа за сите интерни работи на Работнички, по тој состанок тие излегоа задоволни и време е да се потпише тој историски договор што се вели", ни изјави претседателот на шампионот, Драган Поповски

На барање на Холанѓаните вчера се одржа заеднички состанок меѓу евентуалниот спонзор, новото раководство на шампионот на чело со Драган Поповски и екс потпретседателот на клубот Коста Костовски. Според Поповски, гостите од Холандија посакале да се видат со некогашниот спонзор на клубот и од прва рака да се запознаат со она што се случувало во редовите на шампионот во последните десет години колку што "Кометал" го "водеше" Работнички.

"Последната фаза од преговорите е во тек и според мене с$ се одвива во најдобар ред. Пред завршното потпишување Холанѓаните (како што е ред) посакаа да одржат состанок со некогашниот спонзор. Едноставно луѓето пред да го стават конечниот потпис сакаа лично да се запознаат со Костовски и да побараат од него одговори на некои интерни прашања поврзани со работата на клубот во досегашниот период. Состанокот се одвиваше на посакувано ниво и мислам дека Холанѓаните излегоа задоволни од нашето двочасовно дружење. Па така сега тие се на потег и денеска или утре јас лично очекувам веќе да се потпише тој историски договор што се вели", вели Поповски.

На прашањето дали тој состанок е искористен за преговори со Костовски за оние играчи на кои Ратко Достаниќ не смета тука мислиме на помлади и екстра талентирани фудбалери на Вардар, Поповски ни посочи...

"Можам да кажам дека таа тема не беше во центарот на вниманието. Тука нема што премногу да се дискутира. На еден од претходните состаноци со Костовски му потенцирав дека јас како нов претседател на Работнички имам намера да разговарам со сите фудбалери на Работнички (и тие што се на Златибор) и на оние на кои Достаниќ не смета, но и на оние од Вардар на кои не се смета. Без разлика дали се тие млади и талентирани, дали се тие т.н фудбалери на Брацо и слично. Морате да н$ сфатите и нас од Работнички, особено мене. Ние моментално немаме играчки кадар и ќе разговараме со секого за кого сметаме дека може да дојде во клубот. Имињата не ги обелоденуваме додека не биде с$ готово. Нешто слично е и со тренерите, односно соработниците на нашиот тим - менаџер Бобан Бабунски", заврши Поповски.

З. Ѓоршоски

Сите мои пријатели сакаат да помогнат

Во јавноста веќе наголемо се шпекулира дека во новото раководство на шампионот ќе бидат и познатите спортски и фудбалски имиња Саше Петковски - Зеко и Драган Илиевски - Вршац.

"Ха, ха. Реков дека не сакам да коментирам шпекулации. И двајцата се мои пријатели и со оглед на тоа дека се во ветераните на клубот нивните имиња се ставаат во тој контекст. Јас не сум виновен што имам многу пријатели и што сите тие сакаат да помогнат околку колку што можат. А за тоа кој ќе биде во раководниот кадар стрпете се уште некој ден", дополни Поповски.

Идризи и Михајловиќ, сепак, остануваат!?

За разлика од првичните најави Менсур Идризи и Бојан Михајловиќ, најверојатно, остануваат во Работнички.

"Имам договор со клубот уште една година, вчера се слушнав со претседателот Поповски и му реков дека сакам да играм за Работнички", ни изјави Идризи.

За разлика од него Михајловиќ допрва треба да преговара со раководството на шампионот.

"Денеска или најдоцна до утре треба да знам дали ќе останам. Моментално сум дома (Лесковац - Србија) и овие денови ќе разговарам со челниците на клубот околу тоа дали останувам уште шест месеци (колку што ми трае договорот) или не", ни изјави Михајловиќ во телефонскиот разговор.

КРСТЕ ВЕЛКОСКИ:

Не сакам да потпишам за Вардар!

"Искрено не сакам да потпишам за Вардар под овие услови (потпис за 'црвено - црните' а потоа позајмица кај соседот на шест месеци). Деновиве ја чекам данската виза и заминувам (можно е до петок) на преговори со Митјиланд. Се договоров со претседателот на Работнички, Драган Поповски, во случај да нема ништо од тој трансфер да се вратам меѓу 'романтичарите'. Сакам на крајот да му заблагодарам на семејството Костовски на тоа што ми помогна да станам она што сум сега", ни изјави младиот напаѓач.

ПРОДОЛЖУВА НЕИЗВЕСНОСТА СО РОНАЛДО

Марка: Роналдо ќе потпише на седми јули

Претседателот на Реал Мадрид, Рамон Калдерон, вели дека и натаму не знае што ќе се случува со евентуалниот шопинг на Португалецот Кристијано Роналдо, иако шпанските медиуми сметаат дека трансферот е речиси реализиран.

"Неговата желба е најважна. Како што многупати досега повторивме, проблемот околу неговото заминување или останување во Манчестер Јунајтед е нешто што мора да се реши меѓу него и клубот. Засега Роналдо и натаму е фудбалер на англискиот клуб, а јас можам да потенцирам дека најавената сума од 100 милиони долари е сума која Реал Мадрид никогаш нема да ја плати за поединец, иако Кристијано е феноменален фудбале", вели Калдерон.

Инаку, шпанските медиуми, особено "Марка" шпекулира дека трансферот на Роналдо во редовите на "кралевите" речиси е реализиран, а дека сите детали околу неговиот документ ќе бидат обелоденети на седми јули, кога веројатно ќе биде крајниот потпис на договорот кој треба да биде изготвен овој месец.

Медиумите одат дотаму што бараат симболика во овој датум бидејќи Роналдо ја носи "седумката" на дресот на Манчестер Јунајтед и во португалската репрезентација, а објавата на седми јули би дошла само еден ден по референдумот за недоверба на претседателот на Барселона, Хуан Лапорта, со што Мадриѓаните би додале малку сол на раната на големиот ривал.

Што се однесува до самиот дрес со број седум во Реал, тој дефинитивно и во иднина ќе биде во сопственост на легендарниот Раул Гонзалес.

 

НА "СТ. ЈАКОБ ПАРК", ГЕРМАНИЈА И ТУРЦИЈА ВО ПРВАТА ПОЛУФИНАЛНА БИТКА НА ЕП 2008

"Панцирите" го напаѓаат десеткуваниот Император

Германија по ЕП 1996 година е на пат да се најде повторно во самата завршница на европските првенства. Вечерва, на стадионот во Базел, избраниците на Јоахим Лев во директна битка со Турција ќе се борат за ново европско финале. Лев и неговите момци пред себе ја имаат за нив во последно време страшно незгодната Турција, против која "панцирите" немаат победа цели 16 години. Последен пат Германците славеле против турската селекција во далечната 1992 година на пријателски меч и тоа со минимални 1:0. Потоа следуваа две минимални победи на Турците и еден нерешен резултат.

Германците, сепак, и покрај лошата историја на последните средби со својот полуфинален ривал, убедени се дека ќе направат добар резултат и пласман во големото финале. "Златната резерва" на Турција, Семих Шентурк, пак, е подготвен да ја преземе одговорноста на играта во нападот и да го предводи тимот на патот до финалето. Голгетерот двапати досега се најде во игра, но влегуваше од клупата и во двата случаи успеа да постигне решавачки погодоци, особено оној на дуелот во четвртфиналето со Хрватска, по кој следуваа пеналите кои Турција ја однесоа во ова полуфинале.

Со оглед на проблемите кои ги има Терим околу составувањето на најдобриот тим, речиси и нема сомнеж дека Шентурк ќе биде во првиот избор на турскиот селектор.

"Не мислам дека играв лошо во средбите каде бев стартер уште од првата минута. Можеби е мал к*риозитет, но досега бев ефикасен кога влегував од клупата. Како и секој фудбалер, така и јас сакам на оваа средба да бидам во првиот тим и да се обидам да постигнам гол за да ја однесеме Турција во големото финале. Никогаш нема да го заборавам мечот со Хрватска. Голот кој го постигнав за мене беше вистинско чудо. Нашиот тренер се однесува со нас како да ни е татко. Секогаш ми вели играј фудбал, јас знам дека можеш. Тоа дополнително ме мотивира", изјави Шентурк.

За разлика од Турците, кои имаат многу проблеми со првиот избор, особено по суспензиите на Волкан Демирел, Арда Туран, Тунчај и Сариоглу, Германците, најверојатно, со сите сили ќе нападнат во ова полуфинале. Во тимот се враќа и повредениот Торстен Фрингс, кој не можеше да го одигра дуелот од четвртфиналето со Португалците.

"Задоволен сум од сите 23 фудбалери кои тренираа денес, сите се подготвени за игра. Торстен тренира сосера нормално, иако има мал бандаж на местото каде чувствува мала болка. Мислам дека според сегашната состојба, тој ќе може да игра", изјави селекторот на Германија, Лев.

Ако се врати Фрингс во првиот тим, Лев, најаверојатно, ќе ја врати и старата концепција во играта. Фрингс и Балак по средината, а Подолски, Гомез и Клосе во нападот. Можно е да остане Гомез на клупата, а Подолски да тргне како и со Португалија во напаѓачкиот ред. На местото по левата страна може да се појави Боровски или Швајнштајгер.

Оптимизмот кај турските репрезентативци го сподели со јавноста и Казим Ричардс. И тој мора да биде во првиот избор на Терим за денешниот меч, но и далеку повеќе да покаже од она светло во кое го видовме досега на првенството.

"В среда с$ е можно. Германија е фаворит, но ние покажавме дека не се предаваме лесно на ситу еден меч и со ситу еден противник. Ќе биде многу тешко, но и тоа не н$ плаши", изјави Казим Казим.

Во Турција расте напнатоста пред дуелот. Во Германија фановите ги откажаа своите вечерни обврски само за да бидат присутни на средбата. Сите со нетрпение го чекаат вечерниот дуел од кој ќе го дознаеме првиот финалист на 13. европско првенство.

Лев: Со Турците живееме заедно, нема потреба од инциденти

Селекторот на германската репрезнетација, Јоахим Лев, изјави дека с$ уште го има во одлично сеќавање неговиот живот и работа додека беше во Турција како тренер на екипата на Фенербахче. Лев беше предводник на прославениот турски тим од 1998 до 1999 година, а две години подоцна неколку месеци работеше и како тренер во екипата на Аданаспор.

"Животот во Турција и работата како тренер во Фенербахче оставија силни впечатоци во мене. Животот од тој период е нешто што можеби и најубаво сум го поминал. Тогаш мислам дека најдобро научив како е човек да се идентификува со еден клуб".

Лев вели дека имаат големо пријателство со Турците и се надева дека и пред и за време, но и по мечот нема да има нереди во Германија и во Швајцарија.

"Се сеќавам на топлината со која бев пречекан од турскиот народ. Искрено се надевам дека средбата ќе мине без провокации меѓу навивачите. Живееме заедно во Германија и се надевам дека с$ ќе биде мирно. Ова е фудбал. Ги познавам добро Турците. Тие се голем народ", изјавил Лев.

Нови 80.000 фанови се чекаат во Базел

Властите на швајцарскиот град каде денеска ќе биде срцето на европскиот фудбал очекуваат бројка од околу 80.000 фанови на Германија и Турција кои специјално ќе пристигнат за оваа средба. Според проценките околу 50.000 Германци најавиле доаѓање во градот, како и бројка од околу 20 до 30.000 Турци.

Ако се споредуваат бројките од овој и минатиот меч кој се одигра во овој град (Холанија – Русија), сега ќе има околу 100.000 фанови помалку. За дуелот на "Зборнајата" и "лалињата" Базел пречека бројка од 180.000 навивачи.

Укината 3-та смена во германските фабрики

Неколку големи германски компании решија да ја укинат тратата смена денеска за да може работниците да отидат дома и да го гледаат дуелот со Турција во полуфиналето на ЕП. Според извештаите на германските весници, загубените часови работа ќе бидат одработени дополнително. Во Германија владее огромен интерес за оваа средба. Само пред Бранденбуршката порта на големи видеобимови околу 500.000 фанови ќе го следат мечот во живо.

КОМПАРАТИВНА СТАТИСТИКА

Лукас Подолски Семих Шентурк

3 голови 2

8 шутеви 4

4 шут. во гол 2

2 шут. крај гол 1

2 блокирани шут. 1

4 корнери 0

0 офсајди 2

0 асистенции 0

8 фаули (направени) 5

7 фаули (претрпени) 2

0 ж. картон 0

0 ц. картон 0

142 додавања 32

42 куси додавања 11

78 средни додавања 19

22 долги додавања 2

4 контранапади 1

74% успешни додавања 59%

ПОЛУФИНАЛЕ:

ГЕРМАНИЈА – ТУРЦИЈА (20:45)
Стадион: Ст. Јакоб Парк во Базел
Судија: Масимо Бусака (Шва)

ГЕРМАНИЈА:

(4-4-2)

1. Леман

3. Фридрих

21. Мецелдер

17. Мертезакер

16. Лам

13. Балак

8. Фрингс

7. Швајнштајгер

15. Хицлшпревер

20. Подолски

11. Клосе

ТУРЦИЈА:

(4-4-2)

1. Рушту

4. Зан

22. Алтинтоп

3. Балта

16. Борал

7. Аурелио

19. Ајхан

10. Карадениз

6. Топал

18. Казим Казим

9. Шентурк

МЕЃУСЕБЕН БИЛАНС:

Победи Германија: 11

Победи Турција: 3

Нерешени: 3

Голови Германија: 40

Голови Турција: 10

ПОСЛЕДНИ 10 МЕЃУСЕБНИ ДУЕЛИ:

08.10.2005 Турција – Германија 2:1

09.10.1999 Германија – Турција 0:0

10.10.1998 Турција – Германија 1:0

30.05.1992 Германија – Турција 1:0

26.10.1983 Германија – Турција 5:1

23.04.1983 Турција – Германија 0:3

22.12.1979 Германија – Турција 2:0

01.04.1979 Турција – Германија 0:0

20.12.1975 Турција – Германија 0:5

25.04.1971 Турција – Германија 0:3

ПОСЛЕДНИ ТРИ СРЕДБИ:

ГЕРМАНИЈА:

19.06.08 Португалија – Германија 2:3

16.06.08 Австрија – Германија 0:1

12.06.08 Хрватска – Германија 2:1

ТУРЦИЈА:

20.06.08 Хрватска – Турција 1:1 (1:3 п.)

15.06.08 Турција - Чешка 3:2

11.06.08 Швајцарија – Турција 1:2

ТИМСКИ ФАКТИ:

ГЕРМАНИЈА:

Биланс на ЕП: 18-10-8

Наголем пораз на ЕП: Португалија – Германија 3:0 (2000)

Најголема победа на ЕП: Германија – Русија 3:0 (1996)

Најдобар стрелец на ЕП: Јирген Клинсман - 5

Најмногу настапи на ЕП: Клинсман и Хеслер по 13

ТУРЦИЈА:

Биланс на ЕП: 3-2-6

Наголем пораз на ЕП: Турција – Данска 3:0 (1996)

Најголема победа на ЕП: Турција – Белгија 2:0 (2000)

Најдобар стрелец на ЕП: Четворица по 2 гола

Најмногу настапи на ЕП: Рушту - 8

ИНТЕРЕСНО...

* Турција по вторпат се наоѓа во полуфиналето на некое големо фудбалско натпреварување. За првпат момците на Шенол Ѓунеш играа во полуфинале на СП 2002.

* Во квалификациите за ЕП 2000 Турција и Германија играа во иста група. Прво Турците славеа во Бурса со автоголот на Оливер Кан, а на гости одиграа нерешено 0:0.

* Тројца сегашни германски репрезентативци играа во група со Турција на европското првенство за играчи до 19 години во 2004. Гомез, Адлер и Цансен се најдоа во тимот кој ремизираше (1:1) против Турција.

* Пјотр Трочовски е последниот Германец кој постигнал гол во победа над Турција. Во прелиминарната рунда на ЕП за играчи до 19 години во 2002 година, Трочовски погоди за победа од 2:1.

* Кевин к*рањи и натаму го очекува својот јубилен 50-ти меч за Германија. Досега одигра 49.