Мотоциклизам

Rosi startuva vtor, ali dvajcata direknti konk*renti padnaa strasno na kvalifikaciite...tretiot Stoner, malku podobro pomina od prviot Lorenco..da se nadevame deka se ke bide dobro i deka site ke gi vidime vo trkata vecer

Rossi is No.1

CESTI4KI ZA 100-TA POBEDA I OD MENE!!!!!


                  Историја во Асен




Во доминантен стил достоен за остварување на јубилејната стота гран при победа, Валентино Роси по седми пат славеше во Асен (петти пат како најдобар на трката во најсилната класа). Тој ја имаше пол позицијата, но на стартот го загуби првото место од Дани Педроса, а потоа и од Кејси Стонер, но веќе круг-два подоцна се врати на лидерската позиција и направи недостижна предност. Тимскиот колега Хорхер Лоренцо даде максимум од себе за да остане во трка со него, но „докторот“ го држеше на безбедна дистанца зад себе, поголема од две секунди. Кејси Стонер на крајот пристигна трет (Педроса падна), но повторно беше истоштен и доби медицинска помош.

- Ова е фантастично постигнување. Сто победи е одлична бројка. Им благодарам на сите момци што ми помогнаа да стигнам до тука, моите тимови во минатите десет години, Џереми Бургес и моите најблиски пријатели и семејството, кои ми ја даваа неопходната мотивација. Се надевам дека ќе освојам уште победи,- изјави Роси по симнувањето од пиедесталот, каде што го развеа знамето со бројот 100 специјално направено за оваа пригода. – Имав добро чувство за трката и знаев дека сум многу брз на две – три точки од патеката, па се обидов да излезам на чело што е можно порано и да воспоставам мој ритам. Ова беше перфектна трка, а секоја грешка можеше да има висока цена. Знаев дека Лоренцо е многу силен, па се обидов да направам предност. Веќе две трки по ред моторот има одличен сетинг, но фантастичен е од почетокот на сезоната и се надевам дека ќе продолжиме на овој начин.

Следната трка се вози за Големата награда на САД во Калифорнија, на патеката Лагуна Сека, и тоа по само осум дена. Иако за сите возачи ќе биде проблем да се прилагодат на временската разлика, веројатно најтешко ќе му биде на Кејси Стонер. Според соопштението за медиумите на Дукати, Стонер кој по подиум церемонијата отиде во болницата на патеката, наместо на прес конференцијата, признал дека „губат поени“ поради неговата ситуација.

- Се чувствував одлично цела недела, но од петокот тоа чувство почна да опаѓа и се влошуваше како што викендот одминуваше. Го земав секој можен додаток и витамин што можеше да се смисли, но ништо од тоа не изгледаше дека помага, па очигледно ќе мораме да го анализираме проблемот подлабоко бидејќи не може да продолжи вака и не чини поени. За среќа, имав фантастичен мотор под себе и му должам на тимот за тоа. Големо благодарам до Д-р Макијагодена и до нашиот физиотерапевт Фреди Денте, кои ми овозможија добра нега и во Барселона и тука. За малер, немаме многу време за да бидам фит до Лагуна, но ќе видиме што можеме да направиме,- гласи изјавата на шампионот од 2007 година.

f1almanah.com

Роси ќе оди на својата 100. победа

Валентино Роси е на "седмо небо" по како што самиот кажа, една од неговите најдобри победи, и оди на посебен рекорд - 100 победи на Холандското ТТ во Асен овој викенд. Актуелниот шампион е вклучен во трикратна битка за лидерското место во генерален пласман по неговата фантастична победа над својот тимски колега од Фиат Јамаха, Хорхе Лоренцо на Каталонското ГП и тоа во последната кривина. Лоренцо и светскиот шампион Кејси Стонер се израмнети со Роси на 106 поени пред седмата трка од сезоната во Асен.

"Асен е посебна патека за сите возачи и е прекрасно место да се вози Мото ГП мотоцикл, иако беше подобро пред да ја сменат патеката. По Барселона знаеме колку сме силни, но знаеме и колку нашите ривали се моќни и не смееме да се опуштиме. Монтмело беше фантастична трка за нас, една од моите најдобри победи, но шампионатот е толку тесен што не смеам да се опуштам ниту една секунда", вели Роси.

Битката е толку тесна што водечкото трио има по две победи во шесте трки досега, а Лоренцо има посебна причина да биде самоуверен откако имаше две втори места и победа во последните три трки.

"Фантастична серија за мене, и скоро не ми се верува. Сега како да почнува шампионатот од почеток бидејќи тројцата сме на исто поени. Асен е мојата омилена патека и таму одам со голема самодоверба и многу мотивација. Лани бев само шести и морам да бидам подобар од тоа. Подиум би бил прекрасен", вели Шпанецот, кој само во својата втора Мото ГП сезона се покажува како достоен ривал за Роси и Стонер.

Традиционално Холандското ТТ се оддржува во последната сабота од јуни.


И на Стонер му се допаѓа повеќе стариот Асен

Победникот од минатогодишната трка во Асен, Кејси Стонер вели дека го сака предизвикот на патеката, која е единствена преостаната од оригиналниот Светски Шампионат од 1949, но мисли дека има јасна разлика помеѓу старите и новите делови од патеката. Северниот Круг на Асен беше отстранет во 2006 за да се намали должината на 4.555 километри и да се направи место за боксот, и беше заменет со нова "модерна" секција. Старата трка од 1949 на пример имаше круг од 16.536 километри.

"Навистина уживав во старата патека и мислам дека тоа чувство го делат сите во спортот. Стариот дел од патеката се уште е забавен, но разочарувачки се новите кривини без многу можност за тркање", вели Стонер.

Мото ГП возачите се "вратија во минатото"

Шест Мото ГП возачи добија шанса да се обидат со мотоцикли од минатото на мотор-шоуто пред Холандското ТТ во Асен. Хорхе Лоренцо, Колин Едвардс, Крис Вермејлен, Марко Меландри, Јуки Такахаши и Габор Талмачи беа во музејот во Асен каде што Лоренцо возеше 250сс Јамаха, Едвардс возеше 500сс машина од 1980-тите, Вермејлен возеше 500сс Сузуки од 1976, додека Меландри возеше Бенели од 1968 година.

Де Пуние најбрз на тренингот

Ранди Де Пуние постигна најбрз круг на тренинг-сесијата пред Холандското ТТ во Асен во сабота. Французинот со својата ЛЦР Хонда стигна до време од 1:37.842, за само 0.005 секунди побрзо од шесткратниот Мото ГП шампион Валентино Роси, а веднаш зад него со 0.030 секунди послабо време беше Кејси Стонер во Дукати. Хорхе Лоренцо беше четврти најбрз по што следуваа Андреа Довициозо, Дани Педроза и Колин Едвардс.

Трката денес во 14.00

Квалификации за денешната трка во Каталуња, Шпанија 

Изменето од blackeye - 14.Јуни.2009 во 16:50

Барселона го чека Лоренцо



Младиот шпански моторциклист Хорхе Лоренцо годинава ќе ја има својата премиера во кралската Мото ГП класа, на својата домашна и омилена патека во Барселона. Иако тој е роден на Мајорка, најголемиот дел од животот го минал во каталонската престолнина, каде ги има направено и првите детски чекори во светот на брзината. Минатата сезона тој поради повреда беше принуден да отсуствува на трката во класата до 250 кс, тоа неговиот настап сезонава го прави да биде по драматичен.

- Оваа патека е најблиска до мојата родна Мајорка и една од најомилените на кои сум настапувал. Отсекогаш сум бил брз во барселона, уште од времето кога возев во класата од 125 кс. Задоволен сум од сезоната засега, но во Херез не успеав да финиширам, се надевам дека викендов нема повторно да ги разочарам домашните фанови.

МОТОЦИКЛИЗАМ - ПРЕКИНАТА СЕРИЈАТА ОД СЕДУМ ПОБЕДИ ПО РЕД НА "ДОКТОРОТ" ВО ИТАЛИЈА

Стонер успеа да го совлада Роси во Мугело



Кејси Стонер успеа да ја донесе првата победа во Мугело за тимот на Дукати и во исто време ја прекина серијата од седум победи по ред на Валентино Роси на неговата домашна патека, совладувајќи ги двете Јамахи на влажното-сувото Италијанско ГП во неделата. Роси мораше да се задоволи со третото место, зад својот колега Хорхе Лоренцо, кој успеа да стигне до второто место и покрај тоа што падна при излегувањата на трката и потоа ужасно спориот старт.
Трката започна на влажна патека, и Стонер излета во водство од стартот, но веднаш потоа специјалистот за трки на влажно, Австралиецот Крис Вермејлен стигна до првото место со неговото Сузуки. Вермејлен, Стонер и Андреа Довициозо во Хонда се менуваа на водството во првите кругови, а веднаш зад нив беа Роси и се подобриот Марко Меландри.
Лоренцо успеа да се врати во игра со својот резервен мотоцикл, додека неговите механичари работеа на првиот мотоцикл. Довициозо успеа д аги помине Вермејлен и Стонер во 3. круг, кога патеката почна да се суши, а и Роси и Меландри успеаја да ги претекнат и да дојдат зад Довициозо.
Роси дојде во водство во 9. круг, а Меландри беше зад него и го претекна да го превземе водството, пред да влезат во боксот на крајот на 10. круг за мазни гуми. Иако се вратија на врвот, Довициозо го искористи тоа што беше еден круг повеќе на мазни гуми и поведе пред сонародниците. Меландри почна да биде се послаб на сувата патека, додека Роси не успеа да се врати во брзина за разлика од Стонер и Лорис Капироси во Сузуки.
Довициозо имаше предност од 3 секунди, но наскоро Стонер и Капироси беа зад него и успеаја да го поминат. Капироси и Довициозо почнаа да паѓаат во форма, а Јамахите беа се побрзи во финишот на трката и Лоренцо и Роси успеаја да се искачат на второто и третото место.
Стонер по трката призна дека се плашел дека ќе се откаже од трката додека бил во водство поради проблеми со менувачот во финишот на трката.
"Почнав да имам проблеми со менувачот и за малку ќе се извртев на рамниот дел од патеката. Мислев дека се е готово, но за среќа успеав да останам на патеката. Ова е патека на која ја имав првата пол-позиција во 125сс, но потоа немав многу среќа. Сега беше далеку позабавно", вели Стонер.
Роси од друга страна призна дека и доминацијата во Мугело мораше да заврши.
"По седум победи по ред секако дека е штета, но се работи за нормална ситуацијата. Тежок викенд, посебно во трката, која беше луда. Но, и подиумот е подобро од ништо. Секогаш сум имал лоша среќа во трка во која има и дожд и сонце", вели Роси.

РЕЗУЛТАТИ (ИТАЛИЈАНСКО ГП)
МОТО ГП
1.Кејси Стонер (Авс) - Дукати Марлборо 45:41.894
2.Хорхе Лоренцо (Шпа) - Фиат Јамаха +1.001
3.Валентино Роси (Ита) - Фиат Јамаха +2.076
4.Андреа Довициозо (Ита) - Репсол Хонда +2.129
5.Лорис Капироси (Ита) - Ризла Сузуки +3.274
250СС
1.Матија Пасини (Ита) - Тот Априлија 45:38.391
2.Марко Симончели (Ита) - Метис Џилера +0.117
3.Алваро Баутиста (Шпа) - Аспар Априлија +1.293
4.Томас Лути (Шва) - Еми Априлија +24.557
5.Ектор Барбера (Шпа) - Пепе Ворлд Априлија +27.014
125СС
1.Бредли Смит (Бри) - Аспар Априлија 40:09.523
2.Николас Терол (Шпа) - Џек & Џонс Априлија +0.216
3.Хулиан Симон (Шпа) - Аспар Априлија +7.114
4.Пол Еспаргаро (Шпа) - Дерби Рејсинг +11.829
5.Марк Маркез (Шпа) - Ред Бул КТМ +12.315

ГЕНЕРАЛЕН ПЛАСМАН
МОТО ГП
1.Кејси Стонер (Авс) - Дукати Марлборо 90
2.Хорхе Лоренцо (Шпа) - Фиат Јамаха 86
3.Валентино Роси (Ита) - Фиат Јамаха 81
4.Дани Педроза (Шпа) - Репсол Хонда 57
5.Андреа Довициозо (Ита) - Репсол Хонда 56
250СС
1.Алваро Баутиста (Шпа) - Аспар Априлија 83
2.Хироши Аојама (Јап) - Скот Хонда 76
3.Марко Симончели (Ита) - Метис Џилера 61
4.Ектор Барбера (Шпа) - Пепе Ворлд Априлија 59
5.Матија Пасини (Ита) - Тот Априлија 51
125СС
1.Бредли Смит (Бри) - Аспар Априлија 74.5
2.Хулиан Симон (Шпа) - Аспар Априлија 71
3.Андреа Јанонен (Ита) - Оњета Априлија 46.5
4.Пол Еспаргаро (Шпа) - Дерби Рејсинг 44.5
5.Серхио Гадеа (Шпа) - Аспар Априлија 43

Пасини и Смит со победи во Италија

Италијанецот Матија Пасини победи во домашната 250сс трка во Мугело по фантастична битка во последниот круг со сонародникот марко Симончели. Пасини го започна последниот круг на првото место, но го загуби водството на првата кривина од актуелниот шампион Симончели, по што водството се менуваше најмалку 10-тина пати пред возачот на Априлија, Пасини да биде посилен на последните кривини и да стигне до првата победа оваа сезона.
Британецот Бредли Смит пак стигна до втората победа оваа сезона во 125сс класата, откако беше најбрз во поголемиот дел од трката, откако го превзеде водството во шестиот круг кога Андреа Јаноне се откажа поради механички проблем.