Промени по желба на црквата

   Го прочитав ова денес во Дневник и навистина неможам а да не ја поставам темава затоа што сметам дека ова е повеќе од смешно. Ќе ве замолам да размислите дали некој има право да си прави промени во одредени верски начела доколку тие се прецизно одредени во светите книги. Исламот има јасни гледишта за тоа кој празник кога и како се слави и тука нема зборови, но кога станува збор за православните христијани, можам да кажам дека ни тие самите неможат да ги следат “модерните текови„ и секојдневните промени на нивниот начин на празнување. Со оглед на тоа дека тие имаат некаков празник скоро на секој ден од годината а истите не се аманет од библијата православците доаѓаат во ситуации кои треба да ги подзамислат. Ке се менува времетраењето на постите, ќе се одредува кој кога и како треба да пости и што уште не. Дали црквата може да измени нешто кое е јасно зацртано во библијата, ако тоа го нема во библијата тогаш врз која основа се практикува. Кој ги измислува празниците и кој кажува што,како и кога ќе се слави? Дали црквата сака да исправи некои свои грешки и притоа ги става своите верници во уште понезавидна положба. 

За да бидам целосно јасен ке ви го копирам текстот од денешниот број на дневник па вие после тоа коментирајте и давајте ваши размислувања.

   ИНИЦИЈАТИВА НА ПРАВОСЛАВНИТЕ ЦРКВИ

Ќе се кратат постите за Божик и за Петровден

Се очекува одлуката да биде донесена на следната сеправославна конференција, а ќе ја прифати и МПЦ, вели владиката Петар

Божикните пости да се скратат на две недели и да се утврди точното време на траењето на петровденските пости, е иницијатива за која православните цркви во светот ќе треба да донесат одлука на следната сеправославна конференција.  Преспанско-пелагонискиот митрополит на МПЦ г. Петар изјави дека прецизирањето на роковите во кои православните верници ќе се воздржуваат од јадење мрсна храна е потребно за да се одбегне различното времетраење на постите.Должината на петровденските пости е определена со датумот на кој се празнува Велигден. Ако Воскресението Христово, празник со променлив датум, се празнува порано, петровденските пости траат и по шест недели. Ако, пак, Велигден се празнува подоцна, постите траат само шест-седум дена. Идејата е да се прецизира точното траење на петровденските пости, кои, на пример, би можеле да траат од десет до четиринаесет дена - објаснува владиката Петар.Според него, истото може да се направи и со божикните пости, кои сега траат шест недели.Тие би можеле да траат околу две недели, како и што било порано пред да се продолжат на шест недели - вели владиката Петар. Тој вели дека не се размислува за скратувањето на богородичните и на велигденските пости.Поради големата љубов на верниците кон мајката Божја и кон нејзиниот празник Успение, никој не дискутира за тоа да има ревизија на богородичниот пост, кон кој верниците строго се придржуваат и без никаква забелешка. Образецот за 40-дневниот велигденски пост е оставен од Исус Христос и никој нема право да го ревидира - вели владиката.Според него, кај верниците има заблуда дека за време на постите не смее да се јаде растително масло, кое е дозволено за викендите. Тој смета дека преголема слобода си земаат верници што на своја рака одлучуваат да постат една недела, да се причестат, а потоа повторно да се вратат на мрсната храна пред истекот на постите. Владиката Петар предупредува дека никој нема право по сопствена иницијатива да ги крати постите и за нивно време да јаде месо. Тие што си го дозволуваат тоа, вели, дека го прават на свој ризик. Само во случај кога човек е болен, вели владиката, духовникот може да му го ублажи постот со јадење масло, па и евентуално риба во вторник и во четврток. 

(Ж.З.) 

еве и линк:

http://www.dnevnik.com.mk/?ItemID=7BD940C20C14D243B78D31D11F667579

Внеси реплика	страница 12 >
Tweet