На интернет се појавија првите фотографии од новиот модел на BMW Concept 5 Gran Turismo, кој би требало да почне да се произведува кон средината на 2009 година.

Автомобилот е дизајниран како комбинација од SUV и караван, со поелегантен профил, а ќе биде и нешто подолг од обичната серија 5.

Според информациите од BMW овој модел ќе биде наменет за група на корисници кои немаат потреба од X5, односно X6 автомобилите, но се заинтересирани за неконвенционален караван.

BMW Concept 5 Gran Turismo ќе се произведува во верзии со мотори на бензин и дизел гориво, а моделот ќе има бројни специфики и додатоци како што се воздушни амортизери, погон на четири тркала и компјутерска контролна табла.

Тролитарскиот бензински мотор ќе има снага од 232 коња, а турбо моделот од 322 коња. „Дизелашите“ исто така ќе имаат трилитарски мотори со моќност од 232 или 282 коња. Дизел верзијата ќе има погон на четири тркала, осум брзински автоматски менувач со stop-start технологија.

Кога е во прашање внатрешноста на BMW 5 GT, моделот ќе има четири седишта, но компанијата тврди дека ќе се произведуваат и автомобили со пет седишта. Вкупниот искористен простор со подигнати седишта ќе изнесува 420 литри, а со спуштени ќе се добие дури 1.650 литри празен простор за багаж.

BMW Concept 5 Gran Turismo ќе биде претставен во март на саемот во Женева, а производството ќе започне во мај.

bez komentar