НОВИТЕТИ

Renault Megane караван наскоро во продажба

Компанијата Renault , по купе и hatchback изведбата со пет врати, планира да претстави и караванска верзија на новата трета генерација на моделот Megane.



Моделот беше премиерно претставен на женевскиот саем за автомобили, а кон крајот на овој месец ќе започне и продажбата на европскиот пазар. Во меѓувреме, од Renault пристигнаа нови фотографии и подетални технички податоци. Главните разлики меѓу стандардниот и караванскиот Megane се во задниот дел.



Обликот на автомобилот, продолженото меѓуосовинско растојание и вкупната должина донесоа и повеќе простор за патниците во кабината, но и волумен на багажникот, кој сега изнесува 524 литри, додека со преклопување на задната клупа тој се зголемува на 1.600 литри.



Што се однесува до погонските агрегати, тие ќе останат исти како и кај моделот со пет врати – бензинци со волумен од 1,6 литри со 100 и 110 KS, 2,0-литарски со 140 KS, но и 1,4 и 2,0-литарски турбо TCe мотори со 130 и 180 коњски сили.



Дизел понудата ќе ја сочинуваат 1,5, 1,9 и 2.0-литарски dCi агрегати. Првите ќе дојдат во четири верзии со 85, 90, 105 и 110 KS, со просечна потрошувачка од 4.4 и 4.8 литри на 100 километри. Поголемиот од 1,9 литри ќе развива 130 KS, додека 2.0 dCi ќе дава 150 и 160 KS. Во зависност од моторот во понудата ќе бидат вклучени пет и шест степенските рачни менувачи, додека 2.0-литарскиот бензинец ќе биде опремен со CVT менувач.

Keeway Outlook Sport

По големиот успех на моделот Outlook, Keeway одлучи на пазарот да исфрли и „спортска“ варијанта на споменатиот модел



Моделот со префиксот Sport, како и регуларниот модел Outlook ќе доаѓа со два волумена на агрегатот, 125ccm и 150ccm.

Како највпечатливи разлики меѓу регуларниот и Sport моделот ќе бидат, визуелниот дел кој ќе доаѓа во графитно сива боја, поострите линии, потполно црните браници, задната виљушка и агрегатот.



Од технички аспект, Keeway од агрегатот извлече поголема сила благодарение на ревидираниот систем за ладење, кој овозможува поголемо напрегнување на агрегатот.

Outlook Sport 125 и 150 би требало да се појави на пазарот во текот на месец јули по цена од околу 2.000 евра за моделот од 125ccm, додека цената на моделот 150ccm би требала да биде околу 2.100 евра без царина.

Muska - руски супер автомобил

Рускиот дизајнер Игор Красанов, кој го заинтересира светот на автомобилската индустријата со своите рендери за потенцијалната Ferrari лимузина, сега ја претстави својата визија за модерниот супер автомобил под називот Muska.

Станува збор пред сè за замисла која најверојатно нема да стигне до сериско производство, а Красанов своето најново дело го опишува како автомобил, чиј дизајн обединува елементи од неколку модерни спортски автомобили и борбен авион ловец, што особено е забележливо одзади, каде завршните издувни цевки недвосмислено потсетуваат на млазници.

Гледајќи ги линиите на автомобилот, може да се заклучи дека претставува микс од класични спортски модели и модерни автомобили, како што е Lamborghini Reventón, особено предниот дел, додека кај задните тркала се забележува влијанието Corvette.

Иако шансите за сериско производство на Muska речиси се еднакви на нула, интересно е да се види како дизајнерите размислуваат за следните генерации на спортски автомобили.

 

 

личи како да имаат крадено од ламборџини
во секој случај секси линии


Изменето од zabegan - 16.Јуни.2009 во 18:05

Нова визија за супер автомобилот на BMW

Не, ова не е официјална слика од автомобилот, туку е интересна визија за баварскиот спортски модел, која доаѓа од перото, односно компјутерот на Ноа Идриес.



Audi го има R8, Mercedes McLaren SLR и наскоро SLS, а Lexus допрва ќе го претстави LF-A. На BMW во моментов му недостига баш тој таканаречен „halo-car“ (маркетинг термин кој се користи во автомобилската индустрија за возила дизајнирани за да го промовираат брендот, за да создадат „halo“ ефект за возилото и позитивна асоцијација за брендот). Секако, BMW ги има моделите M3, M5/M6, но искрено, тоа не е тоа.

Едно време се зборуваше за враќање на Серијата 8, па потоа за „зелен“ супер автомобил, но ништо од тоа се уште се нема реализирано, ниту пак официјално е потврдено.



Токму тоа го натера дизајнерот Ноа Идриес да му покаже на BMW како треба да изгледа тој модел. Идриес се водел од рецептот „агресивно, динамично и агилно“. Исто така, видливо е дека делумно се потпира на студијата „M1 Hommage“ и класичните карактеристики на дизајнот на BMW. Поради драматичниот дизајн и одличните идеи, одлучивме да ви ги претставиме рендерите.

Fornasari RR99 - италијански супер SUV

Италијанската компанија Fornasari наскоро ќе започне со сериско производство на RR99, спортски SUV со пет врати и за пет патници.



За да го оправда описот супер SUV, Fornasari во RR99 вгради V8 мотор од General Motor со 610 KS со 6000 вртежи во минута и 748 Nm вртлив момент, чија сила на сите четири тркала (60% напред, 40% назад) се пренесува преку мануелен или автоматски менувач со 6-степени.



Како што се најавува, 1850 килограми тешкиот RR99 (распоред на тежината 50/50) ќе може да постигне максимална брзина од 280 км/ч, додека за забрзување до 100 километри на час потребни му се само четири секунди (поточно 3,8 секунди).



RR99 инаку е долг 520 цм, широк 215 цм и висок 185 цм, меѓуосовинското растојание изнесува 325 цм, тркалата се од 18 до 23 инча (гумите од 285/55/18 до 305/35/23), а кочниците Brembo.

Се подготвува Civic Type-R Mugen

Тјунер одделот на Honda годинава на европските купувачи ќе им понуди ексклузивна изведба на популарниот Civic Type-R со посилен мотор и подобрена суспензија. Mugen Type-R прво ќе биде претставен на пазарот во Велика Британија, а потоа кон крајот на годината ќе биде достапен и во останатите делови на Европа.

Honda планира да произведе неколку примероци, поради што на сите заинтересирани купувачи им се препорачува уште сега да контактираат со своите дилери. Експертите дополнителните атоми сила ги извлекле не само со зголемување на масата, туку и со намалување на вкупната маса на автомобилот.

Со отстранување на задните седишта и користење на лесни карбонски влакна направена е значителна заштеда на тежина кон што придонесуваат и новите лиени 18-инчни бандажи и двете спортски седишта.

Под хаубата се наоѓа познатиот 2-литарски бензинец на кој се направени низа зафати со чија помош најголемата сила порасна на 237 KS со 217 Nm вртлив момент. Сменета е и целата суспензија, заедно со системот за запирање.