НОВИТЕТИ

Hyundai го подобри изгледот на малиот i10

Со цел да ги задржат одличните продажни резултати во класата на мали градски автомобили, Корејците го освежија i10.

Во внатрешноста, промените се однесуваат на новата инструмент табла, во која сега е интегриран и индикатор за навремено менување на степените на пренос, со чија помош се постигнува помала потрошувачка (доколку ги следите упатствата, нормално).

Под хаубата, постојана адреса најде 1,0 литарскиот трицилиндричен мотор, кој истиснува 69 коњски сили, чија сила е доволна за забрзување од 0-100 за 14,8 секунди и максимална брзина од 150 километри на час.

Ако овој мотор го одберетe во „blue“ верзијата, Корејците ќе ви го испорачаат поврзан со старт-стоп систем, кој помага потрошувачката да се сведе на само 4,2 литри на 100 километри.

Доколку сепак сакате некој коњ повеќе, за вас е наменет 1,3 литарскиот четирицилиндричен мотор кој истискува 86 коњски сили, доволни за спринт од 0-100 км/ч за 12,2 секунди и максимална брзина од 170 км/ч.

Освежениот модел на пазарот ќе се најде во март по цена од околу 9 000 евра

 

Aston Martin One-77, го движи 7,3-литарски V12 бензински мотор, со сила од 700 KS, а благодарение на помалата маса на возилото, од 1.500 кг, One-77 од 0 до 100 км/час забрзува за 3,5 секунди. One-77 е купе за две лица и е опремен со активна аеродинамична технологија.

Самото име на ексклузивниот модел, Aston Martin One-77 кажува дека ќе биде произведен во 77 примероци, а првата испорака ќе започне кон средината на 2010 година. One-77 дефинитивно пред се е спортски автомобил кој се карактеризира со квалитетна изработка, како и останатите Aston Martin модели, а истовремено нуди убавина и потенцијал кој ги засенува сите претходни модели на овој британски произведувач.