Доколку утре се одржат парламентарни избори, владејачката ВМРО-ДПМНЕ би добила 24% од довербата на граѓаните, а СДСМ 14%, покажува последната анкета на институтот Павел Шатев. Според неа, поддршката за ДУИ би се движела околу 6,8%, додека за ДПА би гласале нешто помалку од 4% од накетираните. една третина од граѓаните одбиле да дадат одговор додека 15% изјавиле дека нема да гласаат.

Меѓу политичарите, и натаму, најмногу доверба ужива премиерот и лидер на ВМРО-ДПМНЕ, Никола Груевски, кому му веруваат 24% од анкетираните граѓани. Следен е лидерот на СДСМ, Бранко Црвенковски во кого имаат доверба 8,6% од граѓаните. Зад него е лидерот на ДУИ, Ахмети со поддршка од 6,5%, додека во Мендух Тачи од ДПА, веруваат 3,6% од анктираните граѓани. Над 28% од граѓаните се изјасниле дека не му веруваат на ниту еден политичар. 

 

Речиси секој трет анкетира граѓанин смета дека на престојните локални избори ќе победи владејчката ВМРО-ДПМНЕ, додека 15% сметаат дека тоа ќе биде СДСМ. 8,3% од анкетираните се определиле за ДУИ, а 3,1% за ДПА, а 36,4% од анкетираните немаат одговор. 
На прашањето, доколку би морале да изберете една партија, за која би се одлучил, 30,5% рекле ВМРО-ДПМНЕ, 15,8% СДСМ, а 35% о анкетираните немале одговор. 

Половина од граѓаните според анкетата на Институтот Павел Шатев сметаат дека ВМРО-ДПМНЕ има подобра програма, додека за СДСМ се одлучиле 23%. 55% анкетирани сметаат дека ВМРО-ДПМНЕ има подобра организација, наспроти 22,8% кои истото го сметаат за СДСМ.

Анкетата на Институтот Павел ШАтев е спроведена во периодот од 12 до 15 март на репрезентативен примерок од 1000 испитаници на целата територија на Македонија.