Направете сами свој освежувач за воздух

Наместо да трошите пари на спрејови кои го освежуваат просторот, а и штетат на планетата и имаат адитиви штетни за здравјето на човекот, зашто не би направиле самите сопствен освежувач од природни состојки и со мирис по ваша желба.

Состојки:

1. Мала боца со спреј пумпа

2. Мала инка

3. ¼ чаша вотка

4. 1 лажичка вода

5. 20 капки есенцијално масло по ваш избор

6. Свежи билки (на пример рузмарин)

Упатство:
Набавете ги сите состојки за правење освежувач. Било кој вид на вотка ќе биде од корист, па дури и оние со овошен вкус. Измерете ја потребната количина вотка и сипете ја во шишенцето. Потоа додадете вода.

За да би креирале свој личен освежувач, додадете и 20 капки етерично масло кое вам најмногу ви се допаѓа, а можете да направите и сопствена мешавина од мириси.

Доколку сакате да додадете уште еден слој мирис, по желба секако, во шишенцето додадете свежи бикли (лаванда, рузмарин, мента итн.). Ваквиот мирис со свежи билки ќе станува поинтензивен со текот на времето.

Затворете го шишето, промешајте и испробајте го новиот освежувач за простор кој воедно дезинфицира и не ја загадува околината.

Баш ми се бендиса ова.
Имам еден куп хартии по дома и две ќеркички-мераклики за вакви креативни мајсторишења.
Ќе ги седнам еден ден и ќе се забавуваме.

Направете сами: пролетно дрво од украсна хартија

Потребни материјали:

• Украсна хартија со различни дезени
• Гранчиња од дрво
• Жица
• Лепило
• Ножици
• Картон
• Вазна каде што ќе ги поставите гранчињата
• Весници

Интересно е тоа што веројатно поголемиот дел од материјалите веќе ви се наоѓаат при рака. Колку едноставен начин да ја внесете пролетта во вашиот дом!

Како да го направите тоа?

1. За почеток, земете ја вашата колекција од украсни хартии, кои ви останале неупотребени. Доколку немате ваков тип хартија во својот дом, можете да си набавите неколку од вашата најблиска продавница.

2. На парчето картон нацртајте форми на листови, кои подоцна ќе ги исечете. Обидете се да ги направите листовите симетрични, за да може полесно да ги споите со украсната хартија.

3. Земете дел од жицата и исечете ленти во должина 12-20 см. Направете неколку различни должини за дрвото да изгледа побујно.

4. Со помош на веќе исечените листови од картон, направете идентични форми на листови од украсната хартија.

5. Распоредете весници по вашата работна маса, за да го избегнете нередот. Земете го листот од картон и на него нанесете малку лепило, врз кое ќе ја поставите жицата. Врз жицата, поставете го листот од украсната хартија и притиснете за да се залепат убаво, а потоа оставете го неколку минути на весниците, за да се исуши.

6. Направете го истото со сите листови.

7. Сега забавниот дел – почнете да ги обвиткувате гранчињата со помош на жицата. Можете да ги поставите да изгледаат природно (како сликата погоре)…

или нежно да ги извиткате за да изгледаат позабавно.

И готови сте! Креативна идеја која ќе го разубави вашиот простор и ќе послужи како одлична декорација во некоја од собите.

Направете сами украси од шишаркит

Креативни фонтани за вашиот двор

Ако сакате малку да го разиграте дворот, да ја освежите терасата, а воено и да ја разладите, фонтаните се идеално решение. Но, често пати тие се премногу скапи за да бидат сечија реалност. Што ако ви предложиме неколку идеи како самите да направите креативна и функционална фонтана?

Познат ви е принципот на работа и циркулацијата на водата, па затоа само ви останува да го осмислите моделот.

Можете да искористите стари глинени садови, природни камења од најблиската река, садови за наводнување заврзани на конче и што ли уште не.

Ако само малку ја разбудите креативната страна во вас, многу лесно може да го постигнете овој ефект на градина од соништата.

Направете интересна патека во вашата градина

Направете сами украси за во вашиот дом