КОШАРКА - новости

Интервју во Те амодерна на Маријан Стојовски меѓународен судија во макеодонска лига.

http://i35.tinypic.com/zjh1jt.jpg

http://i33.tinypic.com/2cgf8j.jpg

Задар славеше против Маруси со 87:79 во првото коло од групата А во новата сезона на Еврокупот (до лани познат како УЛЕБ). Македонскиот репрезентативец Тодор Гечевски одигра 38 минути за Задар и притоа оствари ефект од 16 поени, шест скокови, една асистенција и три украдени топки.
Лукоил Академик го загуби мечот со Уникс Казан во Софија со 79:80, со кош постигнат на 0,7 секунди пред звукот на сирената што означува крај. Ристе Стефанов, кој пред месец и половина ги оперираше ципите, се врати во форма и постигна 18 поени, еден скок и две украдени топки за 25 минути во дресот на Лукоил.
ФМП Железник доживеа тежок пораз од Памеса Валенсија со 58:83 во групата Г. Предраг Самарџиски реализираше 11 поени, осум скокови и една блокада за 24 минути игра за ФМП.
Бенетон Тревизо, на чија клупа седи македонскиот стручњак Октај Махмути, беше подобар од Бешикташ со 77:72.
РЕЗУЛТАТИ: А-група: Задар-Маруси 87:79, Роан-Рига 79:75; Б-група: Лукоил-Уникс 79:80, Баронс-Динамо М. 61:80; Ц-група: Химки-Ле Авр 79:55, Бешикташ-Бенетон 72:77; Д-група: Панелиниос-Арис 69:71, Хашарон-Турк Телеком 54:76; Е-група: Лиетувос Ритас-Асвел 95:74, Азовмаш-Гран Канарија 92:90; Ф-група: Брос баскет-Туров 39:69, Шарлроа-Црвена звезда 71:65; Г-група: Артланд-Фортитудо 87:78, Памеса-ФМП 83:58; Х-група: Нимбурк-Будуќност 75:70, Билбао-Хемофарм 78:67.

***

Антиќ триумфално во Еврочеленџ купот

Локомотив Ростов триумфално стартуваше во фазата по групи во Еврочеленџ купот на ФИБА Европа. Локомотив славеше дома против Сумкихипром со 99:72, а Перо Антиќ постигна 13 поени, четири скока и две асистенции за 25 минути во дресот на рускиот тим.

На Визардс му годи новиот тренер

Вашингтон со новиот тренер Тепскот лесно мина со Голден стејт

Вашингтон триумфираше убедливо против Голден стејт вориорс со 124-100 во дебито на Ед Тепскот како тренер на Визардс. Претходниот меч на кој Тепскот бил главен тренер се одигра во 1993 година, кога тој го водеше тимот од младинската лига за кој играше неговата ќерка. - И тогаш победив, но ќерка ми се жалеше на малата минутажа - рече задоволниот Тепскот, кого играчите го споредуваат со новиот претседател на САД, Барак Обама. Карон Батлер, кој беше најефикасен поединец на средбата, рече оти Тепскот сака да донесе позитивни промени во тимот и оти им донел голема надеж, исто како Обама во својата земја. Визардс прекина низа од пет порази и сега има 2-10. Екипата од главниот град имаше свои сезонски рекорди по бројот на поени, скокови, асистенции и изнудени грешки од противникот. Лични или сезонски рекорди имаа тројца кошаркари на Вашингтон. Деби за Вориорс го имаше Џамал Крафорд, кој по само два тренинга му се приклучи на новиот тим. „Воините“ имаат три порази едноподруго.

ДРАМАТИЧНО ВО ОКЛАХОМА

Завчера најдраматично беше во Оклахома Сити, каде што Феникс со тесна победа му го расипа домашното деби на Скот Брукс како тренер на Тандер. Мет Барнс погоди клучна тројка на 25,7 секунди пред крајот. За Санс не настапи Шекил О’Нил, но по пет меча пауза се врати Леандру Барбоша, кој беше дома во Бразил поради смртта на мајка му. Домашните водеа со 12 разлика во последната четвртина, но и тоа не им беше доволно да го избегнат 14-тиот пораз сезонава. Во својот последен напад „громот“ имаше две шанси за победа, но Кевин Дјурант и Расел Вестбрук беа непрецизни. Кливленд лесно мина на гостувањето во Њујорк. Никс има уште две години да го убеди Леброн Џејмс дека може да биде екипа со шампионски амбиции. Овој клуб сака да го купи Џејмс кога ќе стане слободен и уште отсега почна да штеди за да испрати богата понуда за Леброн во 2010 година. Во минатата сезона Џејмс на трите дуели против Њујорк имаше просек од 42,3 поена по меч. Гостите водеа и со 34 разлика, а седум нивни играчи имаа двоцифрен број поени. Со 11-3, Кавалирс го има третиот резултат во лигата.

ЛЕЈКЕРС ПОБЕДУВА И БЕЗ КОБИ

Коби Брајант чуван од Винс Картер ја прикажа најслабата игра сезонава (12 поени), но ЛА Лејкерс триумфираше со 27 разлика. Слично нешто се случи на дебито на Пау Гасол во дресот на Лејкерс во февруари, кога „езерците“ исто така убедливо го совладаа Њу Џерси, а Коби ја имаше најслабата игра во сезоната. Гасол даде 26 поени, а воопшто не играше во последната четвртина. Со 12-1, Лејкерс е најуспешниот тим во лигата. Далас ја надигра Индијана за задоволство на тренерот Рик Карлајл, кој е експредводник на стручниот штаб на Пејсерс. Неиграњето на Џош Хауард не се почувствува многу кај Маверикс, благодарение на двајца кошаркари со име Џејсон: Тери и Кид. Тери даде 16 поени во последната четвртина, а Кид две тројки по ред во клучните моменти. Маверикс има пет победи во серија.

Резултати и најдобри поединци: Вашингтон - Голден Стејт 124-100 (Батлер 35 п., Џејмисон 25 п.,11ск., Блач 25 п.,12 ск. - Магети 17 п., Џексон 16 п.); Њујорк - Кливленд 101-119 (Ричардсон 22 п., Томас 16 п. - Џејмс 26 п., Вест 16 п.); Оклахома сити - Феникс 98-99 (Дјурант 29 п., Вилкокс 18 п. - Стадемаер 22 п., Неш 20 п.,15 ас.); Далас - Индијана 109-106 (Тери 29 п., Рајт и Новицки по 24 п. - Грејнџер 22 п., Марфи 21 п.,14 ск.); ЛА Лејкерс - Њу Џерси 120-93 (Гасол 26 п., Фармар 18 п. - Херис 21 п., Лопес 17 п.,10 ск.).

ФЕНИ ИНДУСТРИ  ДЕНЕСКА ВО БРАШОВ (16.30Ч), ГО ИГРА ПРВИОТ ОФИЦИЈАЛЕН МЕЧ ВО 2009 ГОДИНА

Нов "изглед", стари амбиции!

Што, како и колку сработиле во зимската пауза кошаркарите и стручниот штаб на Фени Индустри ќе "излезе на површина" денеска. И тоа во Брашов, со почеток од 16: 30 часот кога ќе стартува првиот официјален натпревар на македонскиот шампион во 2009 година.
И тоа како дел од Еврохолд БИБЛ лигата во која на "половина" кавадарчани го држат првото место во групата "А".
Романците, за кои оваа сезона игра и нашиот Енес Хаџибулиќ, треба да се првиот тест за моменталните можности на еден малку поинаков Фени Индустри.

Пред с$ затоа што кавадарчани влегуваат во новата година со малку изменет играчки состав, односно без Ѓорѓи Чековски и Дарко Соколов, кои решија да го заменат портокалово-белиот со дрес на други екипи.
Но и со некои нови лица како Марко Димитријевиќ, но и Влатко Неделков, односно Бранко Јанески.
"Можеби излегаме малку поинаку, но амбициите ни останаа исти"- вели Емил Рајковиќ во пресрет на дуелот во Брашов. "Не би се навраќал на она што било, туку на она што следува, а тоа е средбата со доста добриот романски состав. Имавме проблеми со нив и на средбата во Кавадарци. Но тогаш тоа беше еден уводен дел од сезоната. И сега е нешто слично бидејќи ова е за нас прв натпревар по подолгата пауза"- дополнува првиот тренер на кавадарчани.
Токму тој факт го прави домаќинот да е во некоја мала, но значајна предност?
"Сигурно е дека се пред нас во поглед на тој натпреварувачки ритам. Имаа помала играчка пауза, веќе се во ритам, ние допрва треба да го најдеме. Но, како и да е, можеби се во предност, но тоа не е пречка која не може да се совлада"- смета младиот стручњак на клупата на македонскиот првак.
Ефектот од првиот круг на натпреварите би требало да биде добра основа за уште подобри и порелаксирани игри на кавадарчани во последните три средби од првата фаза. Освен гостувањето во Брашов, Фени Индустри го чека уште едно тешко гостување во Вршац, кај Свисслион Таково, како и она во Варна против Черно Море.

Б. Радуловиќ

И Кол кажа "да"

Дивна Пешиќ, лицето одговорно за односи со јавноста на КК "Фени индустри", испрати информација во која се вели дека мак-шампионот го затворил играчкиот состав за оваа сезона.
Согласно со тоа симната е и последната дилема, онаа поврзана со останувањето на Доналд Кол во Кавадарци.
Раководството на клубот добило позитивен одговор и од вториот Американец во екипата, односно дека ќе остане до крајот на договорната обврска.

Деби на Димитријевиќ

Иако е малку време со екипата, за очекување е дека денеска своето деби во тимот од Кавадарци треба да го има и српскиот интернационалец Марко Димитријевиќ.
По заминувањето на Димитровски, а потоа и на Соколов, се отвора можност Димитријевиќ да добие сосема солидна минутажа, секако под услов да ги исполни сите барања на тренерот Рајковиќ.

22 часа малтретирање

Ни помалку ни повеќе туку цели 22 часа траело патешествието на кошаркарите и стручниот штаб на Фени Индустри до крајната цел - Брашов.
Момент кој може да има сериозна рефлексија пред денешниот натпревар, а кој ги тера кавадарчани да земат еден добар дел од денот за одмор и да одработат само еден тренинг во пресрет на премиерата во 2009 година.