Има ли Бранко граници?!

13.03.2008 18:47 Бранко Црвенковски

Македонија и официјално најави дека би можела да се повлече од позицијата за двојната формула, доколку Грција прифати име што нема да ги загрози националните интереси.

Во обид да се зголеми македонскиот маневарски простор, кој станува се потесен, Претседателот денеска со порака кон новите преговори да се пристапи без емоции и патетика, за да се најде решение кое ќе го одбрани националниот идентитет, а од друга страна ќе овозможи покана за влез во НАТО.

Одредница која ќе го објасни политичкото уредување е прифатлива опција за шефот на државата, кој ја исклучува можноста Грција да го бира името на земјава за меѓународна употреба.

За разлика од деновите по последниот предлог на Нимиц, кога шефот на државата јавно ги означи за прифатливи варијантите „Демократска“ и „Независна“, денеска тој не прецизираше кој е предлогот кој би можел да биде точка на компромис меѓу Грција и Македонија.

„Ако се најде формулација со некаква додавка или придавка, којашто нема да значи рушење на националниот идентитет, туку можеби дополнителен опис на нашето државно уредување, мислам дека можеме да ги постигнеме двете цели - и да ја добиеме поканата и да го зачуваме нашиот национален идентитет“, изјави Бранко Црвенковски, претседател на РМ.

„За жал, тој маневарски простор едноставно е отфрлен или барем досега е отфрлен од страна на Грција“, додаде Црвенковски.

Со изјавата на Претседателот македонскиот државен врв ги послуша барањата на западните партнери, пред се на САД, кои од Македонија очекуваа иницијатива и јасно прецизирање кои од последните предлози на Нимиц се прифатливи, а кои како штетни за националниот идентитет се неприфатливи.

Денешната позиција на Претседателот дополнително ќе биде разработувана во наредниве неколку денови на консултациите меѓу државно-владиниот врв со преговарачот Димитров, кој треба да добие јасни инструкции за кои точки од предлогот на Нимиц ќе може да преговара наредната недела.

Новите разговори меѓу преговарачите Василакис и Димитров со посредство на Метју Нимиц започнуваат во понеделник попладне во седиштето на Обединетите Нации во Виена.

 

 

 

Јас сум за поштовање меѓу нас, Србите и Русите поради видните закани од западот, но никогаш ни ми бил овој учител или па да сум бил србоман како него или слично, сепак мора да се изјаснам дека во тие работи не верувам поради тоа што сите што се од СДСМ се етикетирани како србомани и од ВМРО повеќето ги етикетираат како бугараши... ваквите глупи луѓе ги прашувам само кои се Македонците тогаш ако се сите србомани и бугараши... и да нагласам дека ВО НИЕДНА СИТУАЦИЈА НЕ БИ СТАВИЛ ТУЃИ ИНТЕРЕСИ ПРЕД МАКЕДОНСКИТЕ ИЛИ СВОЈ ИДЕНТИТЕТ ДА РИЗИКУВАМ. Црвенковски никогаш не сум го сакал нити пак Киро, затоа што се предавници у душа, 150,000 шиптарски државјанства, знамето а сега можно е и името, и тоа се под ова суштество именувано Бранко Црвенковски, најголемиот мафијаш во последните 17 години и народот слепо го избра за претседател.