Икеа има неколку идеи како можете да ги дотерате малите простории низ домот и притоа да изгледаат барем малку поголеми од што се.

Доколку не располагате со многу голем простор во дневната соба, едноставната идеја со мебел кој може лесно да се преместува е најсоодветно решение. 

Малата спална соба е уште полесна за уредување. За да го избегнете проблемот со складирање, одберете дел во којшто ќе направите гардеробер со многу полици и прегради.

На овој начин остатокот од собата ќе остане слободен за креветот и уште неколку интересни детали.

Кога станува збор за детската соба, креветите на спрат се наједноставно решение да заштедите простор, а собата да изгледа модерно.

Одберете и многу рафтови или кутии каде што ќе ги складирате детските играчки, за да го избегнете нередот.

Кујната е еден од најтешките простори за уредување, посебно ако просторот е многу мал. Обидете се ѕидовите да ги искористите како простор каде што ќе ги складирате кујнските ситници, во интересни, високи шкафчиња и полици.

Паметни идеи за мали станови (ФОТО)

Малите станови како овој се навистина специфични за уредување. Меѓутоа, со избор на правилни бои, мебел и детали може да се постигне ефект на неверојатна пространост.

Таков е и овој стан од 40 метри квадратни кој изгледа интересно и несекојдневно заради мешавината на бои и стилови.

Тапетите на едната страна од дневната соба совршено се совпаѓаат со темниот мебел и светлите декорации.

Кујната е навистина мала, меѓутоа контрастот на црниот ѕид и белите елементи имаат улога овој простор визуелно да го зголемат.

Во спалната соба се сместени исклучиво неопходните елементи, со мал интересен додаток – полица која не зафаќа никаков простор, а изгледа прилично оригинално.

Последен интересен момент во целото уредување е малечката шарена тераса која е одлично место за неколку минутното утринско будење со јако кафе.

Вака уредените 40 метри квадратни не изгледаат така малку, зар не?

Станот кој зафаќа само 35m2 сепак изгледа прилично големо, благодарение на внатрешната структура и дизајн.

Тајната на прекрасниот изглед е минималистичкиот ентериер, исклучувајќи ги  бескорисните и непотребни детали.

Внатрешноста е поделена на 2 основни области. Дневната соба е одвоена од трпезаријата исклучиво со малку повеќе простор. Единствено кујната е одделена од останатиот дел од станот.

Боите на мебелот се внимателно одбрани, сиви и кафени нијанси, во комбинација со шарени декорации и детали. Голем број на функционален мебел, вклучувајќи ги полиците и фиоките се најдобрите пријатели на малиот простор.

Стилот на целосниот ентериер се наоѓа во средината помеѓу традиционалното и модерното.

Големите прозорци и природната светлина се еден од најважните детали кога станува збор за зголемување на 35 m2.

Ако барате инспирација како да уредите мала спална соба, подгответе се да добиете многу идеи.

Дизајнирани за мали домови, паметно дотерани за да изгледаат и пространо и свежо.

Во прилог се 40 предлози на различно уредени ентериери на спални соби, веруваме дека некоја ќе ви фати окце.

Становите со мали квадратури и тесни соби мора да се уредуваат со поголемо внимание ако сакате просторот да изгледа функционално. Затоа, ви откриваме неколку тајни како малите станови и соби може визуелно да ги зголемите.

Најважно е да направите план. Не дозволувајте да ве понесе креативноста и несоодветно да го опремите просторот. Одлучете се за она што ви е неопходно, подгответе го просторот па дури тогаш купувајте мебел. За крај оставете ги деталите и сувенирите.

Едноставни бои

Премногу бои оставаат впечаток на несреденост. Користете основни, неутрални бои, а за да ја разбиете монотонијата внесете силни нијанси во мали дози. Кога ги боите ѕидовите, три страни обојте во неутрална боја, а четвртиот малку затемнете го.

Облиците се важни

Ако сакате хармоничен изглед, бирајте различни текстури и облици. Набавете тепих со дијагонални линии, пернички со точки и секакви детали кои многу едноставно ќе го разиграат просторот.

Проѕирен мебел

Ламбите од кристал или стакло, како и безбојните столчиња се неверојатно декоративни, но и корисни кога се борите со секој квадратен метар. Тие визуелно ќе го зголемат просторот, а ќе ја зголемат функционалноста.

Задолжителни огледала

Огледалата прават чуда во малите простории! Тие нека бидат извор на дупла сончева светлина или пак усмерете ги кон нешто што е вредно да се дуплира. Изберете рамка која стилски се вклопува со останатиот мебел и нема да погрешите.

Светло во секој ќош

Високите ламби се одлични за пријатно и интимно осветлување на просторот. Пригушеното светло кое доаѓа од малку повисоко позитивно влијае на пространоста.

Троседот заменете го со двосед и фотелја

Наместо голем тросед одберете двосед и фотелја. Бирајте модели без многу масивни држачи или потпирачи бидејќи визуелно оставаат негативен впечаток во малиот простор.

Завесите закачете ги повисоко

Ако сте љубители на завесите, секогаш закачувајте ги неколку сантиметри под плафонот. Тоа остава впечаток на повисок и поголем простор, а воедно е и одлична декорација на празните ѕидови.