Сефте за Милан и Интер со неипресивна игра

Во Серија А вчера конечно немаше некои поголеми изненадувања на трите натпревари кои беа на програмата. Двата тима кои се најголеми фаворити за освојување на „скудетото“ дури во четвртото коло ја остварија првата победа. Сепак иако дојдоа до првите три бода, загрижува начинот на кој двата тима играат. И Милан и Интер воопшто не импресионираа против Чезена, односно Болоња. Очигледно проблемите со повредите премногу влијаат и на играта и двата тима немаат доволно силни замени за да го одрќат високот ниво на игра.

Актуелниот шампион Милан со минимални 1-0 славеше против последно пласираната Чезена, која е единствената екипа сезонава без освоен бод. Страшно е тоа што „росонерите“ го постигнаа победничкиот гол уште во 5-тата минута од натреварот преку Сидорф, кој се обиде да центрира, а не да погоди во мрежата на гостите. Милан имаше далеку поголем посед на топката, но без Пато, Робињо, Ибрахимовиќ и Боатенг, покажа дека реализацијата ќе биде проблем. Не дека Касано и Ел Шарави одиграа слаб меч, туку против еден потпросечен тим како Чезена едноставно мораше да постигнат уште некој гол. Како и да е Алегри е задоволен од првата победа во сезоната, а се очекува веќе следниот викенд Ибрахимовиќ повторно да се врати во првиот тим на Милан.

Клаудио Раниери успешно дебитираше на клупата на Интер на гостувањето кај Болоња. „Нероаѕурите“ имаа многу потешка задача од Милан за да дојдат до првата победа, но и тие разочараа со играта. Пацини конечно се најде во првиот тим и му донесе водство на Интер од 1-0 по првото полувреме. Во вториот дел домашниот тим беше далеку подобар противник, а заслуженото израмнување дојде преку Дијаманти, кој реализираше прецизно од белата точка. Болоња дефинитивно сама се победи на овој натпревар откако Морлео направи непромислен прекршок во својот шеснаесетник и заработи црвен картон. Диего Милито беше прецизен од белата точка на девет минути пред крајот на натпреварот, а конечните Болоња - Интер 1-3 ги постави Лусио во самиот финиш од натпреварот. Дуелот помеѓу Наполи и Фиорентина заврши без голови 0-0, а нашиот репрезентативец Горан Пандев одигра дваесетина минути

Милан шампионски, мизеријата на Интер продолжува

Фиорентина го избрка Михајловиќ

•  

Изменето од емил - 07.Ноември.2011 во 23:17

Пандев го спаси Наполи од пораз, Милан победи на гостувањето кај Новара

 

Македонскиот интернационалец одигра уште еден одличен натпревар во дресот на Наполи, Пандев постигна нов погодок со кој неговиот тим дојде до бод.  
Сиена поведе во 67. минута кога Калаио со глава реализираше за водство на домаќините од 1-0.
 
Голема шанса за израмнување пропушти Кавани кој не реализираше пенал за Наполи.
 
Во 86. минута по асистенција од Досена, Горан Пандев со глава од 11 метри постигна убав гол за израмнување на 1-1.
 
Пред самиот свиреж на судијата Пандев имаше фантастична можност да му донесе и победа на Наполи, убаво прими една топка, се ослободи од противничкиот играч, но биеше право во голманот на Сиена.
 
Милан со 3-0 победи на гостувањето кај Новара.
 
Росоњерите уште од првата минута атакуваа кон голот на Новара, но отпорот беше скршен во 57. минута кога Златан Ибрахимовиќ реализираше за 1-0.
 
Во 74. минута Робињо зголемува и на 2-0, а Ибра во 90. постигна интересен гол за конечните 3-0 за Милан.
 
Удинезе со 2-1 ја победи Катанија, во дуелот со најмногу голови Палермо со 5-3 славеше над Џенова.
 
Лече и Киево одиграа нерешено 2-2, а Болоња и Парма без голови

Изменето од емил - 22.Јануари.2012 во 23:51

СЕРИЈА А: ЈУВЕ СО БОД, АТАЛАНТА ОСВОИ ТРИ

---

Во двата натпревара кои беа одложени поради лошите временски услови, Јувентус успеа да освои само бод против Парма. Аталанта ја победи минимално Џенова.

Заврши без голови во Парма, иако Јувентус беше подобар ривал. Во секој случај гостите ќе имаат многу забелешки за судењето на Мазолени кој се чини ги оштети за два чисти пенала.

Првиот беше направен над Џакерини, но судијата остана нем, а вториот во последните секунди кога Сантакроче го собори Пирло, но и во таа ситуација судијата не се огласи. Јуве погоди и статива, имаше неколку зрели шанси за гол, но не успеаа да го совладаат Паварини. Резултатот секако му одговара на Милан кој остана на чело на табелата со бод, но и со натпревар повеќе.

Во вториот дуел попладнево, минимална победа забележа Аталанта над Џенова. Отпорот на гостите беше скршен во финишот на натпреварот кога Денис и Марилунго ја измамија одбраната на гостите, а овој вториот го матираше Фреј.

Парма - Јувентус 0:0

Аталанта - Џенова 1:0

Порази на Лацио и Удинезе, Милан комотен на врвот

Аспирантите за пласман во Лигата на шампионите, Лацио и Удинезе, забележаа порази во 27. коло, во италијанската Серија, коло по кое Милан ја зголеми предноста на врвот, на четири бода, во однос на Јувентус. 

Лацио, на домашен терен, запиша неочекуван пораз од Болоња 1:3. Не координираната одбрана Лацио, предводена од голманот Маркети и дозволи на Болоња да поведе со 0:2, по само 28. минути игра. 

Работите за Лацио се влошија во финишот на првиот дел кога Матузалем поради удирање на противнички играч доби црвен картон. 

Трошка надеж за Лацио беше авто-голот на Рубин во 56. минута, но само четири минути подоцна домаќинот остана со уште еден играч помалку, црвен картон доби Гонзалес. Предноста од два гола на Болоња и ја врати Крхин, кој го постави конечниот резултат. 

Болоња со оваа победа се искачи на деветото место со 35 бодови, Лацио остана на третата позиција со 48 бода. 

Удинезе, забележа пораз од Новара, екипа која грчевито се бори за опстанок во лигата. Новара до трите бода дојде со голот на Жеда, оваа екипа и покрај победата е претпоследна на табелата со 20 бодови, додека Удинезе е петти со 46 бодови. 

Милан, максимално го искористи киксот на Јувентус и со победата над Лече од 2:0, се одлепи на четири бода, на врвот. 

На Јувентус му е попусто тоа што сеуште нема пораз во Серија А, „старата дама “ има ефект од 13 победи и 14 порази. Јуве не губи, но во последно време не успева ниту да победи. Натпреварот против Џенова беше четвртиот во низа на кој екипата на Антонио Конте одигра нерешен

Римското дерби за " волчицата "

Екипата на Рома го совлада Лацио со 2-0 во големото "римско дерби" и изби на чело на табелата во италијанската Серија А.

Резултатот го отвори Балзарети во 63. минута, по центаршутот на Тоти, а Адем Љајиќ со гол од пенал во судиското надополнување го постави конечниот резултат.

Актуелниот шампион Јувентус славеше на домашен терен против Верона со 2-1, иако гостите први поведоа преку Качаторе во 36. минута.

За пресврт се погрижија Тевез, кој стрелеше во 40. минута и Љоренте, кој ја затресе мрежата во судиското надополнување од првиот дел.

Фиорентина славеше на гости кај Аталанта со 0-2, со головите на Фернандез во 41. и Роси во 69. минута.

Резултати 4. коло:

Сасуоло - Интер 0-7

Рома - Лацио 2-0

Аталанта - Фиорентина 0-2

Болоња - Торино 1-2

Катанија - Парма 0-0

Јувентус - Верона 2-1