Коњ

За своите 23 години, коњот- пастув по име Алфлора, успеал да „направи“ 1331 ждребиња и на својот сопственик му донел заработка од 5 милиони евра. Тој оплодувал и до 5 кобили дневно.

Британецот Петер Хокенхал, го купил коњот Алфлора уште кога тој имал 7 години. Коњот тогаш се повлекол од тркачките натпревари, па фармерот одлучил да го чува за оплодување кобили.

Купувањето на коњот се покажала како добра инвестиција затоа што пасутвот во неговата втора улога се снашол многу подобро него на тркачките стази.

За една „сеанса“ Хокенхал наплатувал по 3700 евра, што до сега му донело 5 милиони евра.

- Алфлора е издржлив како војник. Кога згодна кобила ќе помине покрај него, тој се впушта во акција. Свесен е за фактот дека е пензионер, но и понатаму ужива во својата работа. Се надевам дека еден ден и ќе умре додека се забавува со кобила, изјавува за „Дејли мејл“ фармерот.

Денес Алфлора боледува од артритис, но неговиот спственик вели дека тој и понатаму го прави „тоа што го прави најдобро“. Неговите потомци не се само убави, туку и успешни- едно ждребе до сега 11 пати победило на трки.