НОВИТЕТИ

Mercedes подготвува обнова на coupe моделите

"Car magazine" објави дека Mercedes планира да ја обнови целокупната понуда на своите coupe модели. Целата приказна ќе ја започне coupe-то од новата Е класа, па ќе следи истата изведба за С класата, а потоа ќе се случи репозиционирањето на CL-a.

Магазинот јавува дека следната година ознаката CLK ќе замине во историјата, а на нејзино место ќе дојде coupe изведбата на новата E класа. Овој модел, како и целата нова генерација на E класата беше најавена во Париз со концептот Fascination.

Причина за производството на овој модел е подигање на имиџот на E класата во борбата против BMW серија 5 и Audi A6. Исто така, досегашниот CLK на овој начин би се подигнал за пола сегмент нагоре со што ќе се пополни празнината која ќе настане кога CL ќе премине во coupe S класа..

Замената за CLC на пазарот би требало да пристигне кон почетокот на 2010, а ќе го носи називот C класа Coupe. Исто така, магазинот најави пола година после coupe-то на купувачите ќе им биде понудена и cabrio изведба со платнен кров. Кабриолетот се уште нема добиено зелено светло, но од техничка страна се е подготвено за петтата каросериска изведба на C класата.

Овој автомобил со своите димензии, опрема и цена ќе цели на просторот меѓу кабриолетите на Audi A3 и A5 и BMW серија 1 и серија 3. Во 2010 година на пазарот исто така треба да се појави и новата генерација на Mercedes coupe со четири врати.

Renault ја олеснува рецесијата

Renault нуди мало олеснување од рецесијата со својот нов простран и солидно конструиран 1,6 литарски седан автомобил.

Конструиран врз основа на B0 платформата, од Renault тврдат дека новиот модел на Logan нуди пространост на висококласен автомобил. На задната клупа комотно можат да седат тројца возрасни со висина од 1,9 метри. Багажниот простор е со капацитет од 510 литри. Стандардната опременост на автомобилот може да се процени како солидна . Електронското подесување на управувачот, вградениот  клима уред, ЦД и МП3 плеер, електриката на прозорци, и воздушното перниче за возачот се дел од стандардниот пакет.

Во срцето на новиот Logan се наоѓа 1,6 литарски, со 8 вентили, мотор кој развива 64 KW со 55000 ротации во минута и го придвижува седанот од нула до сто километри на час за 11.5 секунди. Максималната брзина на Logan е 175 километри на час.

Во поглед на потрошувачка, Logan троши 7,2 литри на 100 километри. Интересен е фактот што новиот модел на Нисан NP200 Bakkie има слична конструкција со Logan, и има ист мотор како францускиот седан.

Можеби ве загрижува квалитетот на автомобилот кој е толку економичен. Renault гарантира дека Logan е конструиран според најстрогите стандарди за квалитет и дека секое возило кое излегува од фабриката на Renault е подложено на ригорозни тестови за издржливост на променлива клима и возење по лоши патишта.

Најпривлечен детаљ на овој автомобил е неговата цена. Logan се продава поевтино од другите возила во неговата класа. Секако, нема да победи на натпревар по убавина, и сигурно нема да биде „најшминкерската“ кола во маалото, но што очекувате за тие пари?

NOVAVA KOLA NEMA DA SE PROIZVEDE KE GO UBIJAT SOPSTVENIKOT ZOSTO SITE DRUGI FABRIKI KE TREBA DA ZATVORAT ILI SITE KE MU PLATAT GOLEMO BOGATSTVO DA NE GO PROIZVEDE AUTOVO

Honda CBF-125

Honda следната година во продажба ќе го пушти новиот модел CBF-125. Според компанијата ова е ултимативна градска машина, која за разлика од скутерите поседува петобрзински мануелен менувач и 17 цолни тркала, што особено придонесува за безбедноста, како и за уживањето во возењето.

Погонската сила на оваа симпатична машина и го дава моторот со четворотактно воздушно ладење, со волумен од 125ccm кој на задното тркало му испорачува 11 коњски сили, и потполно ги задоволува Euro 3 стандардите. Новиот CBF-125 има мала потрошувачка која овозможува со резервоар од 13 литри да се минат околу 600 километри.

CBF125 ќе се најде во продажба кон почетокот на пролетта, и тоа во три варијанти, спортско црвена, црна и сребрена. Цената на моторот се уште  не е позната.

Нови рендери - Pagani Zonda R

После неколкуте варијанти и рендери стигна и најновиот и веројатно најблискиот приказ на драматично стилизираниот супер автомобил Pagini Zonda R, но по се изгледа Horacio Pagini има многу поголеми планови и амбиции од тоа што можеме да го видиме.

Последните рендери, претставени кон крајот на минатата години и податоците кои беа пласирани, говореа дека автомобилот ќе биде произведен само во 10 примероци и оти ќе има мотор со сила од 750KS.

Новите рендери кои се појавија во јавноста, го прикажуваат автомобилот во сосема друго светло. Каросеријата, која е со јаки жолти линии во комбинација со црна боја е изработена од карбонски влакна.

Моторот на Zonda најверојатно ќе биде 7,3 литарскиот AMG V12, кој е застапен и во постарите модели на овој производител. Моделот R е доказ дека производителот си игра со екстремностите, екстремен изглед, екстремни материјали и екстремни перформанси.

Останува да ги причекаме и другите рендери и информации од производителот, како и конечната изведба на новата Zonda R.

edno znam  ovaa kola nikogas ne bi ja kupila, i ako e nekako specialna

BMW работи на „зелен“ супер автомобил

Британскиот магазин Autocar објави дека BMW ги истражува можностите за изработка на супер автомобил кој би бил еколошки освестен и директен ривал на Audi R8, Porsche 911 и Mercedes McLaren SLR.

Според инсајдерски информации новиот неименуван зелен супер автомобил изгледа како модерниот M1 и ќе биде направен според последната технологија на BMW за изработка на возила од лесни материјали.

Autocar навестува дека двоседот ќе има централно позициониран мотор, веројатно напредна верзија на 3,0-литарскиот би-турбо 6-цилиндричен бензинец.

Автомобилот ќе биде опремен со најновата технологија на BMW за заштеда на гориво, вклучувајќи директно вбризгување, регенерирање на енергија при кочење, стоп-старт систем, како и подобрена аеродинамика.

Доколку овој „зелен“ супер автомобил добие зелено светло, тогаш почетокот на производството може да се очекува во текот на 2012 година