BREAKING NEWS......!!!

Европската унија попушти, со широка насмевка во Луксембург го потпиша договорот за стабилизација и асоцијација со Србија.

Ништо помала насмевка немаа ниту Србија, ниту пак, Словенија, како претседавач. Сите се едногласни, ова е весел, среќен ден за Србија и ЕУ.

За Хавиер Солана, Србија е клучната земја на западен Балкан, тоа е голема земја на историјата, културата, интелектуалниот капацитет.

Се обраќам на младата генерација во Србија, рече Солана. Ова ви е вам куќата, Европа, ајде тој ден да го направиме да дојде што поскоро.

„За мене ова е важен ден за српскиот народ и европските народи, а и лично за мене. Јас сум многу поврзан со овој момент, работев за него и среќен сум што се случи. Голем дел од професионалниот живот го посветив за постигнување стабилност на Балканот и без сомнение Србија е клучен играч во случајов. Тоа што Србија е поблизу до ЕУ, ми претставува големо задоволство“, изјави Хавиер Солана, еврокомесар.

Тадиќ, српскиот претседател ја увери Европа дека ќе соработува со Хашкиот трибунал, затоа што имплементацијата на договорот зависи токму од Хаг. Всушност, договорот еднаш беше одложен заради тоа.

„Ми претставува голема чест и задоволство што денеска учествував на потпишувањето на договорот за стабилизација и асоцијација меѓу Србија и ЕУ. Оваа спогодба е првиот официјален договор кој Србија го има со ЕУ“, рече Борис Тадиќ, претседател на Србија.

Србија денеска, отворено ги соопшти амбициите. До крајот на годината да стане кандидат за членство, да се укинат визите.

Веќе е јасно, Србија самоуверено почнува да граби кон Европа, силно поддржана од ЕУ која пред изборите ја прати пораката дека ја сака онаа Србија што е демократска и проевропска.

Во тој контекст во европскиот се гледа и Македонија, токму заради тоа Брисел инсистира на исполнување на осумте бенч-маркс или приоритети и решавање на спорот за името.29.04.2008 19:37