Вселена

ufff,...stvarno mi olesna ,...shto ne veruvash !

Големата црвена дамка на Јупитер конечно целосно откриена

Големата црвена дамка на Јупитер, која е на местото на огромна бура и може да ја проголта Земјата ги фасцинира астрономите со векови.

Научниците сега ја направија првата детална временска мапа за мистериозниот регион, благодарение на фотографиите сликани од големиот телескоп на Европската Опсерваторија.

Картата е поврзана со системот за бура и температура и на неа ги има прикажано ветровите, притисокот, составот, а посебно е истакната црвеникавата боја. 

- Ова е нашиот прв детален поглед во внатрешноста на најголемата бура во Сончевиот систем. Ние мислевме дека Големата црвена дамна е само обична дамка без многу структура, но овие резултати покажуваат дека таа всушност е екстремно комплицирана, изјави Глен Ортон, предводник на тимот на астрономи кои што ја направија студијата.

Европската опсерваторија откри дека црвената боја на Големата црвена дамка кореспондира со жешкото јадро кое се наоѓа во средината на ладната бура, која има просечна температура од -160 Целзиусови степени.

Фотографиите исто така покажуваат црни линии на рабовите од бурата, места како што гасовите опаѓаат, особено во подлабоките региони на планетата.

Дамката во една или во друга форма континуирано е набљудувана со векови, а сегашниот облик го има 160 години. Таа лежи на 22 степени јужно од екваторот на Јупитер.

- Еден од највозбудливите наоди покажува дека најинтензивниот портокалово црвен дел е за четири степени потопол од околината околу него. Оваа температурна разлика може да не изгледа многу, но доволно е да ја овозможи бурата. Не само тоа, туку во другите делови на Јупитер, промената на температурата е доволна за да ги смени ветровите и да овозможи креирање на огромни облаци. Ние не можеме со сигурност да кажеме кои хемикалии и процеси ја предизвикуваат силната црвена бојам но знаеме дека таа е поврзана со условите на животната средина во срцето на бурата, изјави главниот автор Ли Флечер.

Пронајдена најоддалечената галаксија

Тим составен од астронаути од Јапонија и Германија ја откри најоддалечената галаксија која од планетата Земја се наоѓа на 9,6 милијарди светлосни години, што е за 0,4 милијарди светлосни години срушен стариот рекорд.

Научниците галаксијата ја откриле со помош на телескопите Subaru и XMM Newston Deep Field, пренесува Telegraph.

Откриениот кластер на галаксија е составен од стари масивни галаксии настанати во разните фази од создавањето на Вселената.

- Со ова се докажува постоењето на кластер галаксии во соѕвездието Со ова се докажува постоењето на кластер галаксии во соѕвездието Cerus, изјави Масауки Танака, научник од Универзитетот во Токио, кој го предводеше тимот на научници од Универзитетот Kyoto и германскиот институт Max Planck.

„Хабл“ откри ѕвезда во моментот кога “проголтува“ планета

Вселенскиот телескоп „Хабл“ собра податоци за ѕвезда од нашата галаксија која полека, но сигурно „проголтува“ една од планетите во својот систем.

Жртвата на овој „огнен бакнеж“ е планетата со име „Васп-12б“ на која и преостанале „само“ уште 10 милиони години живот.

Откриена во 2008 година, „Васп-12б“ е оддалечена околу 600 светлосни години од Земјата во соѕвездието „Аурига“ и е за 300 пати поголема од Земјата.

Бидејќи се наоѓа многу блиску до нејзината ѕвезда, својата орбита ја поминува за нешто повеќе од 24 часа, а на нејзината површина температурата достигнува 1.500 Целзиусови степени, што е највисоката температура на една планета во Млечниот Пат.

Телескопот „Хабл“ се наоѓа премногу далеку од „Васп-12б“ за да може јасно да се сними моментот на нејзиното исчезнување, но податоците кои досега ги собрал овозможиле на научниците од НАСА да направат веродостојна слика за тој настан.

Откриена планета со опашка како комета

Вжештена планета, која се наоѓа надвор од нашиот сончев систем, неверојатно близу орбитира околу својата ѕвезда поради што нејзината атмосфера е разнесена во форма на светечка опашка на гигантска комета, соопштија од НАСА.

Постоењето на планетата и нејзината чудна опашка, која беше предмет и на некои други студии, неодамна го потврди и Hubble, вселенскиот телескоп на НАСА. Новите опсервации на гигантската гасовита планета, наречена HD 209458b, сугерираат дека силни ветрови од блиската ѕвезда ја разнесуваат нејзината атмосфера, поради што небесното тело се вжештува и добива облик на комета со опашка.

- Уште од 2003 година научниците теоретизираат дека загубената маса е истуркана во опашката, тие дури и пресметуваа како тоа изгледа. Сега ги имаме најдобрите докази за да ја поткрепиме теоријата. Го измеривме гасот кој излегува од планетата со специфична брзина, вели астрономот Џефри Лински од University of Colorado, кој раководи со студијата.

Планетата орбитира околу својата ѕвезда на далечина од околу седум милиони километри , што е 100 пати поблиску од растојанието на кое Јупитер кружи околу Сонцето. Сепак масата на HD 209458b е само малку помала од онаа на Јупитер. HD 209458b прави цел круг околу својата ѕвезда за 3.5 дена. За споредба, најбрзата планета во нашиот соларен систем Мерк*р прави цел круг околу Сонцето за 88 дена.

Поради толкавата мала оддалеченост од ѕвездата, температурата на атмосферата на HD 209458b изнесува 1.093 Целзиусови степени. Според некои претходни студии, планетата секоја секунда губи по 10.000 тони гас поради ветриштата кои дуваат од матичната ѕвезда. Еден ден сиот гас на планетата ќе исчезне, оставајќи зад себе само вжештена лава. Дури и да е така, тоа ќе трае долго, што значи ќе помине многу време пред планета целосно да биде уништена.

- Тоа ќе трае со милијарди години, пред планетата да исчезне, вели Лински.

Планетата се наоѓа на околу 153 светлосни години од Земјата.

Слушнете ги звуците на создавањето на вселената!