Поховани печурки поради кои ќе заборавите на месото

Печурките се одлична замена за месото – без разлика дали сте вегетаријанец или едноставно сакате да одморите од консумација на храна од животинско потекло.

Поховани, во сос, во салата, печени, па дури и сирови, печурките се многу вкусни, а со следниот рецепт ќе сакате да ги јадете повеќе од еднаш неделно.

Потреби состојки:

• 400гр лебни трошки
• 100гр брашно
• 150мл млеко
• 1 лажица лимонов сок
• 10 поголеми печурки (шампињони)
• Масло за пржење
• Сол и бибер по желба
• 6 лажици исечкан магданос

Начин на подготовка:

Во блендер измешајте ги свежиот магданос и лебните трошки додека не се соединат, а потоа додајте сол и бибер. Претходно измијте го магданосот и добро исушете го пред да го измешате со лебните трошки.

Во млекото ставете го лимоновиот сок и оставете го да отстои 10-на минути.

Печурките исчистете ги и исечете ги на тенки резанки од околу 1см. На кујнска површина ставете три одделни садови со брашно, млекото со лимон и лебните трошки. Секое парче печурка добро наросете го со брашно, натопете го во млеко и на крај во лебните трошки со магдонос, па ставете го да се пржи во загреаното масло, додека не добие златно-кафена нијанса.

Откако ќе ги испржите сите печурки, сервирајте ги со сос на база на мајонез, сенф и кисели краставички. Пријатен апетит!

Шампињони со ориз

Состојки:

500г шампињони, 3,5 лажици соја сос,по желба, 50г кикирики, ѓумбир, мешавина на кинески зачини, 1 чаша ориз.

Подготовка

Ставете ги шампињоните во сад со малку вода да се динстаат и веднаш ставете ги кикириките(пржени,несолени)

Во текот на динстањето постепено додавајте зачини.Не солите, зачините се доволно солени.

Тргнете ги од оган после 20 минути.

Во друг сад ставете ориз со 6 чаши вода.Гответе додека не биде готов.Ако сакате да биде растресит  тргнете го од оган пред  целосно да набабри, исцедете го вишокот вода, ставете ладна вода и исцедете уште еднаш.

На здравје

Подгответе посни печени шампињони

Доколку се прашувате за тоа што вкусно и посно да подготвите за време на Велигденските пости, имаме совршена идеја – печени печурки со зачини.

Одличен рецепт за кој ви се потребни само 30 минути и неколку состојки.

Започнете со подготовката уште веднаш.

Потребни состојки:

• 500 гр. свежи шампињони
• 4 чешниња лук
• 50 мл. масло за јадење
• 2 лажици оцет балсамико
• 1 лажичка сува мајчина душичка
• 1 лажичка мешан сув зеленчук
• свежо исечкан магдонос

Начин на подготовка:

Во длабок сад промешајте ги заедно маслото, чешнињата лук ситно исечкани, оцетот балсамико, мешаниот сув зеленчук и сувата мајчина душичка. 

Добро промешајте ги овие состојки и полејте ги врз шампињоните кои претходно добро ќе ги исчистите. 

Целата смеса префрлете ја во тава обложена со хартија за печење и печете ги во загреана рерна од 210 степени, околу 20-25 минути.

Ви посакуваме пријатен апетит!

Sautéing (анг., од францускиот збор sauté, кој во буквален превод значи скока или исфрла, а означува метод на готвење со фрлање), е метод на готвење на храна, во кој се користи мала количина на масло во плитка тава, на релативно висока температура. Токму овој метод се користи во подготовка на овој рецепт. 

Состојки

• 150 грама индиски оревчиња

• сецкан свеж магдонос

• 2 чешничиња лук

• сол и бибер

• 6 лажици маслиново масло

• 1кг шампињони

Начин на подготовка

Во големо тава, загрејте половина од маслото на висока температура. Додадете го лукот и пропржете додека да испушти мирис. Потоа, додадете ги печурките расечени на половина, ставете им сол и бибер и гответе додека не станат кафени - околу 3 минути.

Потоа намалете ја температурата додека не испари водата од печурките – околу 8 минути. Додадете ги индиските оревчиња и свежиот магдонос и добро измешајте. Ставете ги во голема чинија и додадете го преостанатото масло, па посолете повторно со сол и бибер.