Напаѓачот на московска ЦСКА во наредните неколку дена ќе стане старо-нов играч на Фламенго.

Веќе со месеци наназад трае интересирањето на бразилскиот гигант да ја обнови соработката со напаѓачот на руската екипа, кој и сам изјавуваше дека би сакал да се врати во татковината.

Информацијата дека Вагнер Лов е на праг да се врати во староновиот клуб ја потврди и претседателката на клубот Фламенго.

„Лов е на добар пат да се врати во Фламенго, многу сме блиску до договор“ , изјави Патриција Аморим.

Трансферот на Вагнер, кој од 2004та е во Русија стигна од Палмеирас, изнесува 6.2 милиони евра.

Тој веќе настапуваше за Фламенго во 2010 година, кога во текот на својата шестмесечна позајмица постигна 23 голови на 29 натпревари за бразилската екипа

ОЛИМПИК МАРСЕЈ СЕ ДОГОВОРИ СО ПОРТО ЗА ТРАНСФЕР НА ЛУЧО ГОНЗАЛЕЗ

Францускиот гигант ги договорил условите за трансфер на талентираниот играч од средината на теренот со освојувачот на Лигата на Европа.

Олимпик од Марсеј на својата официјална веб страна објави дека во основа постигнале договор со Порто за трансфер на Аргентинскиот плејмејкер Лучо Гонзалез.

Претседателот на Марсеј Винсент Лабрун во понеделникот веќе најави дека 31-годишниот Гонзалез е на пат кон Порто и трансферот е чекор поблиску до остварување откако двете страни ги договорија условите.

Португалскиот гигант се очекува да го комплетира трансферот во наредните неколку часа, според кој Гонзалес ќе потпише договор во траење од 2,5 години со Порто.

Гонзалез претходно го носеше дресот на Порто од 2005-та до 2009-та, пред да се пресели во Марсеј.

Талентираниот играч за врска брзо стана клучен играч на Олимпик Марсеј и ги предводеше до неколку трофеи во првите две сезони.

Како и да е, тој го загуби своето место во стартната постава и посака да ја смени средината овој Јануари.

ЛУКА ТОНИ ПОТПИША ЗА АЛ НАСР

Фудбалскиот клуб Јувентус потврди дека Лука Тони го напуштил клубот откако потпишал за Ал Наср од Обединетите Арапски Емирати.

34 годишниот Тони го напушти Торинскиот клуб за само 12 месеци откако стигна во Јуве од Џенова.

Италјанскиот напаѓач, кој ја освои титулата светски шампион со репрезентацијата во 2006та година, постигна 2 гола на 14 натпревари, колку што и одигра за „старата дама“.

Од доаѓањето на Антонио Конте за тренер на екипата Тони не добиваше прилика за настап па се најде на трансфер листата оваа сезона.

Пред Џенова и Јувентус, Тони настапуваше за Палермо, Фиорентина и Минхенски Баерн

МОЈСОВ И ВОЈВОДИНА ДОБИЈА ГОЛЕМО ЗАСИЛУВАЊЕ

Стивен Апија официјално е претставен во Војводина, а го задолжи дресот со бројот 4.

Тој вчера ги помина лекарските прегледи, а денес официјално беше претставен во Медиа центарот ФК „Вујадин Бошков“ во Нови Сад, кој беше претесен да ги прими сите оние кои дојдоа да ја видат ѕвездата на преодниот рок во Србија, „Црниот Принц“, Стивен Апија.

Тој ќе го носи дресот со број 4, а неговото доведување ги израдува многубројните навивачи на црвено-белите од Нови Сад, а неговото доведување само ги покажува амбициите на клубот конечно да ја прекинат доминацијата на големото дуо од Белград, Црвена Звезда и Партизан.

Русија ќе ги укине визите за СП 2018 година

Шумуликоски на пат кон Кина?