Ја губат ли грците битката за иметo?

Atinskite cigani prodolzuvaat da se proseruvaat.  Idejata e da ne prikazhat kako stranata koja go prekrshuva dogovorot, iako e obratno. A od Republika Makedonija - molk.....

Градоначалникот на Солун, Папагеоргопулос и неговите колеги од други градови му предлагаат на Европскиот парламент да усвои резолуција со која ќе оневозможи Македонија да влезе во евроатлантските институции пред да се најде заеднички прифатливо решение за името

Македонија не треба да влезе во евроатлантските институции пред да се најде заеднички прифатливо име за државата, велат Василиос Папагеоргопулос, градоначалникот на Солун и неговите колеги од другите градови на „грчкиот дел на Македонија“ во предлог-резолуцијата што ја испратија до Европскиот парламент (ЕП). Бриселски извори велат дека грчките националисти се против Македонија да влезе во НАТО дури и под референцата.

Писмото на градоначалниците е испратено во пресрет на усвојувањето на извештајот за Македонија на пленарната сесија на ЕП во Стразбур во идната недела.

- Во оваа резолуција што ви ја испраќаме ја изразуваме нашата одлука да ги браниме нашето име и светите симболи, преку неа го изразуваме нашето противење за зачленување на ПЈРМ во евроатлантските институции пред да биде најдено заеднички прифатливо име за нашата соседна држава - се вели во писмото испратено на адреса на европарламентарците.

Во резолуцијата на грчките градоначалници се осудува обидот на „ПЈР Македонија да ја фалсификува историјата и да ги узурпира симболите и културното наследство на нашата Македонија“. Тие сметаат дека Скопје не придонесува за хармонизирање на односите и продолжува со провокации на сите нивоа „систематски нарушувајќи ја Привремената спогодба од 1995 и одлуките на Советот за безбедност на ОН, додека истовремено одбива да соработува во потрагата по заеднички прифатливо решение во однос на името“, стои во резолуцијата.

Според нив, нашата земја ја отфрла раката на пријателство што Грција ја подава со тоа што игра водечка улога во европската перспектива на балканските држави, го одбира патот на конфронтација и „заборава дека нејзината евроатлантска перспектива е директно поврзана со грчките политички и државни институции“, велат градоначалниците.

Конечно, тие ги повикуваат грчката држава, медиумите, политичките партии и сите Грци активно да ги поддржат грчките права што се потпираат врз историски документи. Нивниот повик е упатен и до меѓународната заедница, сериозно да се зафати со овој проблем и да „најде директно решение во согласност со мандатот што го дава историјата“, вели резолуцијата.

Според бриселски дипломатски извори, ваквата реакција не е изненадување во пресрет на изборите во Грција, кои можеби ќе бидат предвремени и наместо во март 2008, ќе се одржат есенва, но пред се' во пресрет на поканата што Македонија ја очекува за членство во НАТО.

Според дипломати во Брисел, кои инсистираат на анонимност, Атина станува се' посериозна во своите најави за блокада во евроатлантските институции.

- Националистичките кругови во Грција стануваат се' погласни барајќи од грчката влада јавно да каже дека ќе стави вето врз членството на Македонија во НАТО дури и под референцата ПЈРМ - истакнуваат тие.

Официјално, тоа во Брисел никој не го признава, меѓутоа јавна тајна е дека Грција ја користи секоја можност да го афирмира својот став околу името во надеж дека притисокот ќе ја натера Македонија да направи чекор во грчка насока.

Светлана Јовановска  Наша дописничка од Брисел