Кој ќе ни биде претседател?

Ова би било добра идеја за претседателските кандидати:

Политичарите да се проверат на психијатар 

Психијатрите и психолозите се должни да му го објаснат на народот следното:
-
Во политиката постојат повторувања (таканаречени рецидиви, односно
рецидивисти). Тоа се луѓе кои повторно и повторно се на власт, упорно
се буткаат без да признаат дека народот по лошо ги препознава или, пак,
по тоа што ништо добро не направиле. Народот треба да биде претпазлив
со нив оти тие немаат правилен увид за себе и не се доволно критични за
она што го прават. За нив е единствен лек да им се препорача политичко
мирување и занимавање со неполитичка активност. Затоа што, и настинка
ако се повтори, може да доведе до компликации.
- Лабилна личност,
непостојан, карактер, амбивалентност и слично е негативна особина на
личноста. Во политиката тоа се луѓе кои минуваат од една политичка
партија во друга, со нивно образложение дека не се согласуваат со
работата на старата партија, а потоа по ист принцип и новата партија
станува стара итн. На ова се надоврзува една особина која во
психијатријата се нарекува “желба за моќ”. Таа желба за моќ има
негативна конотација ако е во служба на личен интерес, што е случај кај
овие луѓе.
- Политичар не може да биде личност која не може да ги
контролира своите емоции. Ова е голем хендикеп и често е проблем во
форензичката психијатрија, впрочем образованието, културата и
цивилизацијата од малечки нè учат да управуваме со своите емоции. Сега
морам да бидам конкретен: не може и не смее универзитетски професор и
личност со претходни високи функции во општеството да изгуби контрола
врз своите емоции, да се изнервира или да западне во афект, па за
банални причини да реагира. 
- Граѓаните во никој случај не смеат
да наседнат на убедувањата на кандидатите кои, а тоа се уверивме
следејќи ги нивните настапи, многу често ги користат своите
интелектуални способности во вешто, но не чесно манипулирање со
логиката. Високоинтелектуалното ниво никако не смее априори да се сфати
како единствен плус за кандидатот. Во светот е познато дека лидери на
мафии и криминални групи биле многу интелигентни, инаку не би биле
лидери. Но, сигурно е дека интелегенцијата е важен чинител ако се
користи во позитивна насока, односно во служба на интересите на народот.
-
Не би требало да се сфати како негативна црта на личноста ако еден
политичар јавно се појавува и ги соопштува добрите вести кои се реални.
Тоа го охрабрува народот и психолошки стимулира. И колку почесто тоа го
прави, толку е подобро. Од друга страна, не е позитивна црта на
личноста ако еден политичар постојано, јавно и нескриено ја манифестира
својата ароганција, агресивност и вулгарност.
- Негативна особина на
личноста на политичарот е ако излегува пред својот народ со репетирачки
дефетистички ставови. Тој мора да биде оптимист, за да масите ги
раздвижи нанапред и им даде поттик за прогрес. Јасно е дека оптимизмот
не смее да личи на илузија.
- Што се однесува до претседателот на
државата, факт е дека тој има “мали ингеренции”, но тоа не треба да го
заведе народот. Затоа што, погрешна личност на вистинско место не може
да направи многу, но може многу да растури. Впрочем, историјата
покажува дека судбината на еден народ, било позитивна или негативна,
често зависи од еден човек.

Изменето од anastea - 28.Март.2009 во 03:17

Прашање: За кого од двајцата кандидати ќе гласате во вториот круг?
Одговор	Гласови	Статистика
Ѓорге Иванов	15	[41,67%]
Љубомир Фрчкоски	17	[47,22%]
Нема да гласам	4	[11,11%]
Не може да гласате на оваа анкета

Внеси реплика	страница <1 3 456 7 12 >
Tweet