DIY-Украси за домот и дворот

(сл.1) Големите плочи иверка треба да бидат исечени во помали парчиња кои одговараат на конструкцијата на скицата. Така потоа ќе може да ги исечете според димензиите на поединечните елементи.

(сл.2) Најчист рез ви овозможува порталната пила со предрезач, па при купувањето на иверката може да нарачате и кроење и машинско порабување – што дополнително се наплатува. Во домашната работилница потребна ви е кружна пила за да ги исечете потребните елементи.

(сл.3) Изборот на бои и разни рабни ленти ви овозможува разновидно комбинирање. Исечениот раб на иверката фино избрусете го и отстранете ја прашината. Потоа на неа ставете ја рабната лента и постапно притиснeте ја со пегла загреана до 150°C. Правете го тоа полека и изедначено, за да растопеното лепило би се залепило за подлогата.

(сл.4) Лентата е поширока од иверката, па вишокот од обете страни одстранете го со остар нож. Острицата мрдајте ја накосо и надоле, континуирано, така да исеченото парче обликува непрекината спирала. На крај ивиците избрусете ги со надолжни потези со помош на брусна хартија.

(сл.5) Скроените делови споете ги шрафови и дрвени чепови. На местата каде споевите не се гледаат, се завртуваат шрафови 4x45мм, додека плочите на видливите места ги составуваме со дрвени чепови со пречник 8 мм, налепени во претходно издупчените дупки.

(сл.6) На задната страна на ормарот со клинчиња е прилепен лесонитот за лицето во иверицата.

(сл.7) Целото постолие е направено на подконструкција од правоаголен челичен профил со пресек 40x20 мм што му дава поголема стабилност и цврстина, за да подлогата може да се оптовари со останатите парчиња мебел. Тоа е и најпрактично решение за мостот над креветот кој се извлекува.

(сл.8) Оградата од правоаголни челични профили која е прицврстена преку плочите на иверката, директно на челичната подконструкција, со шрафови 2x120 мм. Челикот е одмастен и премачкан со сива основна боја , а потоа обоен со лак со зрнца што е пријатен на допир и овозможува да не се валка лесно.

(сл.9) Основната рамка на креветот ја сочинува челичен профил 40x20 мм, со што е заобиколен проблемот на избор на аголни окови. На неа од надвор се прицврстени ламелирани букови плочи (со дебелина 28 мм) со шрафови 4x35мм, зашрафени одвнатре низ дупките издупчени во челичниот профил.

(сл.10) Подлогата на креветот е изработена од иверка со дебелина од 19 мм во која со крунска пила се издупчени дупки со пречник 55мм, во правец кој е над челичната рамка поставена на тркалца. Предните тркалца на креветот се подвижни, додека задните не ја менуваат својата положба.

(сл.11) Вратата од плава иверка е обрабена со лента со дезен на бука. И рачките на сите врати и на фиоките се од буково дрво. Во склад со боите на вашата соба, може да изберете и други решенија во поглед на боите.

(сл.12) Фиоките имаат метални бочни страни со водилки со должина од 55мм – што е сосема доволно за ормарчињата под работните плочи. Заднатите страни и дното на фиоките се направени од иста иверка како и ормарчето, а споени се со шрафови 3x17мм.

(сл.13) Готовите бочници на фиоките многу ја олеснуваат изработката, но основната скица во тој случај треба однaпред да биде прилагодена на типските елементи. Предната страна на фиоката се прицврстува со шрафови кои овозможуваат фино подесување во однос на останатите фиоки.

(сл.14) Kомбинацијата на готови и прикроени елементи овозможува брза и прецизна изработка на повеќе фиоки кои со помош на шрафови за миг се прицрвстуваат на плавите предни страни кои се порабени со лента во дезен на буква.

(сл.15) Успехот во многу зависи и од доброто планирање и мерење, па положбата на водилките треба два пати да се провери. Без либела и метален аголник течко ќе ги одмерите вистинските растојанија и точки на прицврстување.

(сл.16) На вратата од ормарот треба пред вградувањето да се прицврстат окови за спојување. Прво со сврдел треба да се издупчат дупки длабоки 12мм со пречник 30 мм во кои ќе влезат спојниците.

(сл.17) Оддалеченоста на дупките од работ на крилото еднаква е за сите спојни окови и тука треба најмогу да се внимава. При изработка на дупките најсигурно е да се примени дупчалка за стакло и водилка со точно определено растојание.

(сл.18) Спојниците се прицврстуваат на крилото со помош на шрафови 3x17. Тие не смеат да бидат подолги бидејќи дебелината на иверката е 19 см. Проверете дали надолжната оска на спојниците е нормална на работ на вратата.

(сл.19) Крилото се изработува заедно со спојниците. Притоа ви треба помошник кој крилото ќе го држи во точна положба. Мали грешки во положба на спојницата и крилото ќе ги отстраниме со фино подесување на двата чрафа на самата спојницата.

(сл.20) Работната површина е изработена од ламелирана буковина со дебелина 28мм што и дава крутост и цврстина. На правоаголниот спој на двете плочи на масата плочите се пресечени под агол од 45 степени.

(сл.21) Овие коси прерези се составуваат со жлеб и перо. Најпрво на двете страни од спојот со длабочина од 15мм се зарежуваат жлебови со ширина од 4мм. За овој зафат најдобро е да се примени стабилна кружна пила или рачна електрична глодалка.

(сл.22) Во жлебовите нанесете лепило, а потоа споете ги плочите со втиснување на перото од шперплочата со дебелина од 4мм. Ширината на ова перо мора да биде помала од длабочината на жлебот (на пр. 28мм). Припазете да не ги оштетите рабовите.

(сл.23) За постигнување на сигурен и траен спој подгответе долги стеги кои ќе овозможат уредно налегнување на косите прерези. Двете плочи треба да се постават на рамна подлога, а истиснатото лепило треба веднаш да се исчисти.

(сл.24) Кога лепилото во спојот ќе се исуши, спојот и останатите површини треба фино да се пребрусат, а после нанесувањето на основната боја и да се прелакираат со два-три слоја боја на безбоен лак.