Вести

Рајевац не е повеќе селектор на Гана

Многу ми личи по изглед на Васко Тодоров... Тошо Малерот. Стварно изгледа малер е.

Трезеге во Еркулес поради сопругата

Многумина се изненадија кога во последните денови од летниот преоден рок Давид Трезеге од Јувентус премина во Еркулес, но францускиот напаѓач им објасни на новинарите што било пресудно за оваа одлука.
Откако цела деценија помина во редовите на "старата дама", Трезеге се одлучи за промена. Имаше понуди од великани како Ливерпул и Лацио, но на крај заврши во новиот шпански прволигаш Еркулес.
- По десет години минати во Јувентус ми требаше пак сонце и море, а фактот што мојата сопруга потекнува од овој регион одигра клучна улога во конечната одлука - призна Давид.
Францускиот напаѓач во 2000 година вплови во брачните води со шпанскиот модел Беатрис Вил со која има две деца, Арон и Норана.

Вечерва 20:45  Канал 5

 

ПАРТИЗАН - АРСЕНАЛ

 

МАКЕДОНСКИОТ НАЈДОБАР ФУДБАЛЕР горан пандев РАЗОЧАРАН ОТКАКО ГО ИСВИРКАА ДОМА НА МЕЧОТ СО ЕРЕМНИЈА

Повеќе не играм за Македонија

Сум играл и болен, сум играл и повреден, но никогаш не сум се жалел. Впрочем, на последниот натпревари со Словачка и Ерменија Интер не ме пушташе оти не бев наполно подготвен, но дојдов на моја одговорност. И што добив - свирежи, навреди и омаловажувања. А ваквиот однос на публиката кон мене не е прв пат.

Нашиот најдобар фудбалер Горан Пандев повеќе нема да игра за Македонија. Разочаран од свирежите на навивачите на последниот натпревар со Ерменија, капитенот на македонскиот национален тим одлучи повеќе да не го носи националниот дрес.
- Одлучив повеќе да не играм за репрезентацијата. Свирежите на публиката на мечот со Ерменија, беа само капак на сè она што го доживеав претходно. Оваа одлука не е донесена лесно, за неа размислував долго време, разговарав и со жена ми и со селекторот Јонуз и засега ќе се сконцетрирам само на настапите на мојот Интер - со разочарност во гласот се отвори Пандев и додаде:
- За мене носењето на дресот на репрезентацијата била и е најголема гордост и чест. Веќе десетина години настапувам во разните македонски селекции и секогаш сум го давал максимумот. Сум играл и болен, сум играл и повреден, но никогаш не сум се жалел. Впрочем, на последниот натпревари со Словачка и Ерменија Интер не ме пушташе оти не бев наполно подготвен, но дојдов на моја одговорност. И што добив - свирежи, навреди и омаловажувања. А ваквиот однос на публиката кон мене не бил прв пат - разочаран е капитенот на македонската репрезентација кој се осврна и на односите во македонскиот фудбал
- Многу работи треба да се менуваат за работата да тргне на добро. Не треба да се лажеме и залетуваме. На македонската фудбалската јавност треба да $ е јасно колку објективно ни се силите според она колку вложуваме во фудбалот. Ја потценуваме Ерменија, а треба да знаеме дека повеќе нема слаби репрезентации. Сите одат напред, сите вложуваат, во лигите и клубовите влегуваат спонзори, а кај нас работата е закочена . Во такви услови треба да бидеме задоволни ако бидеме и петти во квалификациската група - објективен е најдобриот македонски фудбалер Горан Пандев кој поради повреда ќе паузира од мечевите на Интер.
- Го истегна лигаментот на скочниот зглоб на десната нога на првенствениот меч на Интер со Рома, па прогнозите на лекарите се деке ќе паузирам од двесетина дена до еден месец. Сакам да кажам дека имам одличен однос со тренерот Рафа Бенитез, со Интер добро ни тргна и убедем сум дека и во оваа сезона ќе стигнеме до еден од трофеите. (Т. З.)

***

Кариерата на Горан Пандев

Горан Пандев дебитираше за македонската репрезентација на 6 јуни 2001 година во ремито 3:3 против Турција во Бурса во квалификациите за СП 2002. Првиот гол го постигна на 21 август следната година во победата од 5:0 во пријателскиот меч против Малта во Скопје. Со двата гола против Шпанија минатата година го надмина Ѓорѓи Христов како најдобар стрелец во репрезентативниот дрес, титула што се уште е во негова сопственост со 23 погодоци на 56 средби. Во овој квалифициски циклус беше поставен за капитен на репрезентацијата.
На клупски план, по една сезона во првиот тим на Беласица премина во Интер летото 2001 година, но неговиот прв престој во Милано помина со настапи за резервниот тим и за Специја и Анкона како отстапен играч. Во 2004 година, премина во Лацио, каде што помина пет сезони, пред да се врати во Интер во јануари.

Титули
Лацио
Куп на Италија 2008/09
Интер
Серија А 2009/10
Лига на шампиони 2009/10
Куп на Италија 2009/10
Италијански Суперкуп 2010

Џеко го договорил трансферот во Јувентус

На 18-ти започнува Бизнис лига во фудбал

Од 18 октомври, започнува „Бизнис лига“ и во Македонија. Натпреварување во мал фудбал на успешните компании во Македонија. По примерот на многу држави во светот и Македонија ја добива оваа лига која ќе се одржува во малата сала на спортскиот центар „Борис Трајковски“ и ќе трае до месец Мај 2011 година. Во „Бизнис лигата на Македонија“ учествуваат следниве компании: Vip, One, Telekom, Alkaloid, EVN, Dinners, Sparkasse Banka, Neuromedika, Securicom, Sport M-Adidas, Tehnomarket- Samsung, VE-VE group, Eos, Semos, Sava Tabak, Ecolog.

Она што е посебно важно е фактот дека екипите на компаниите се составени строго од нивни вработени, според правилата на Бизнис лигата во неа може да земат учество само играчи кои не се занимаваат професионално со фудбал или футсал. „Бизнис лигата“ претставува одлична можност за спорт, рекреација и забава на вработените во компаниите. Повеќе детали околу самата „Бизнис лига“ можете да најдете на нивниот официјален сајт www.biznisliga.org.

Свеченото отворање е на 18-ти октомври во 19 часот.