Најчести причинители за уништување на врската

Пријателите и семејството
Голем дел од животот е поврзан со пријателите и семејството. Недоразбирањата со луѓето кои му се блиски на партнерот можат да бидат фатални за врската. Невозможно е на сите да им се допаѓа секој, но важно е да се биде пријателски расположен кон луѓето кои му се блиски на партнерот, без разлика колку е ова тешко.

Животни проблеми
Проблеми со пари, проблеми на работното место…ова се само дел од ситуациите кои можат лошо да влијаат на врската. Не дозволувајте надворешниот свет да влијае на вашата заедница.

Трета личност
Парот го чинат двајца. Доколку едниот од партнерите има некој кој упорно му се додворува, кога-тогаш се појавуваат сомнежите, љубомората и недовербата, а јасно е како ова влијае на врската. Ова може да биде и бивш партнер, а доколку работите почнат да излегуваат од контрола, бидејќи за се постојат граници, потребно е да се интервенира и да се ослободите од таа личност.

Лоши навики
Колку и да го сакате некого, ќе дојде моментот кога неговите лоши навики ќе почнат да ви пречат. Наизглед небитните работи како што се оставањето на нечистите алишта низ целиот стан, можат да ја доведат врската во криза.

Опуштеност и запуштеност
Некои парови по долги години поминати во врска се опуштаат, а понекогаш дури и премногу. Стануваат пред се пријатели, а потоа љубовници, нивната интима станува дел од рутина, прдат и ждригаат еден пред друг, се облекуваат во најлошите алишта, партнерките престануваат да се шминкаат и дотеруваат, сексот станува се поредок…

Различни цели
По некое време, доколку парот стане невнимателен, различните цели можат да ги одведат во слепа улица на недостаток од комуникација. Доколку на некого кариерата му стане поважна, ова може да е симптом дека нешто “не штима”.

Минатото
Луѓето кои живеат во минатото не можат да тргнат понатаму. Доколку некој постојано го споредува својот партнер со поранешниот, врската не може да тргне во добра насока. Се што е од минатото, треба да остане таму.

Трчање пред олтар
Квалитетна врска се развива постапно. Иако секој пар има свој начин, препорачливо е прво двајцата добро да се запознаат, а дури потоа да почнат да живеат заедно. Брзањето кон заедничкиот живот може и лошо да заврши. Никој не ве брка, полека. Парот во кој едниот партнер го брза другиот кратко останува пар.

(Не)зависност
Доколку парот дојде до точка каде двајцата партнери не можат да направат ништо еден без друг, време е да застанат и малку да се “оддвојат”. Во спротивно, едниот ќе почне да го обвинува другиот за одземање на слободата.

Од друга страна, доколку некој стане премногу независен, неговиот партнер ќе почне да се чувствува запоставено и осамено. Кога едниот од партнерите има премногу обврски, а времето кое го минува со своите најблиски се сведува на минимум, , ова за врската е лошо како и зависноста.

Прељуба
Ова е најлошиот “убиец” на врски, а веројатноста врската да опстане потоа е минимална. Дури и да опстане, засекогаш ќе остане недовербата и помислата дека еднаш стореното може да се случи и повторно.