Состојки
500 гр кори за баклава
250 гр мелени бисквити
250 гр таан алва
250 гр мелени ореви
За попрскување
130 гр маргарин
180 мл масло за јадење
За шербет
900 гр шеќер
600мл вода
1-2 ванили
кора од еден лимон

Шербет
Шеќерот и водата се варат. Да врие шербетот околу 5 мин. На крај се додава кората од лимон. Се остава да се лади шербетот додека се испече баклавата. 

1. Мелените ореви, мелените бисквити и иситнетата таан алва се мешаат заедно во еден сад
2. Маслото за јадење и стопениот маргарин се мешаат
3. Корите се редат една врз друга по 4. Секоја од нив се попрскува со растопениот маргарин и зејтин. На 4-тата кора, на самата ивица на кората се става од филот со алва, бисквити и ореви и се витка ролатче.
- мене ми излегоа 6 ролатчиња (сите составени од по 4 листа-кори)
4. Откако ќе се наредат ролатчињата во тавата, се сечат на мали парчиња и врз нив се полева остатокот од мешавината на масло за јадење и маргарин
5. Се пече речиси 1 час (прво на 200 степениоколу 10минути, па потоа намалена на 180 степени уште околу 15 мин. а потоа намалена рерната на 140 степени се пече уште околу 30 мин.)
6. Изладената баклава се полева со изладениот шербет.

Звучи неверојатно но, овој колач можете да го направите многу брзои потребни ви се само 3 состојки.

Состојки:

- 1 кг мешано овошје

- 3 чаши црн чај

-3 чаши саморастечко брашно

Подготовка:

Однапред згрејте ја ринглата на 150 степени. Измешајте го овошјето кое било потопено во црниот чај и брашното.Ако смесата е густа додадете го преостанатиот црн чај.

Смесата ставете ја во длабок сад и печете ја во рерна 2 и пол часа.

Ако го чувате херметички затворен со алуминиумска фолија колачот може да биде свеж со месеци.

Бадникова посна штрудла

Состојки
500гр брашно
200мл млака вода
1 кесичка (10гр) сув квасец
100мл зејтин
250гр мармалад по желба
2-3 јаболка
1 лажица мед
1 лажица цимет

Се замесува тесто од брашното, квасецот, водата и зејтинот и се остава да стаса.
Одкако ќе стаса се расукува кора која се премачкува со мармалад и над мармаладот се ренда јаболко. Се посипува со цимет и со лажица се цеди медот. Се завиткува во ролна и се остава да стаса да се спои ролатот. Се засекува, а и не мора и се пече околу 30 минути на 190 степени. Се сече одкако ќе се олади.
Едноставен рецепт, па може некому и да се најде.
Бадникова штрудла затоа што е посна, а тука е и моето коледарче-малата Маша.
Исто така рецептот го ставив да послужи и како идеја затоа што тестото е основа и за бадниковото лепче па така може да се искористи две во едно. Јас дури и ги печев заедно и лепчето и штрудличката.

Посно Бадниково пинџурче

Состојки
5 компири
20-тина суви црвени пиперки
6-7 чешниња лук
100 мл масло за јадење
по потреба топла вода
1-2 лажичиња јадра сол
1/2 главичка кромид

1. Компирите се варат со лушпата
2. Пиперките во друг сад се варат
3. Се лупат сварените компири, а пиперките може и лупени , но и нелупени
4. Во Делимано сецкото се пасираат компирите, пиперките, лукот и кромидот со додавање по малку топла вода
5. Маслото за јадење се зоврива и со овасе попрскува, попарува изблендираната смеса
6. Веднаш се служи со домачно месено лепче и овчко сиренце

Од намирници потребни се – 30 грама квасец, 500 мл вода, 1 лажица шеќер, 1 лажица сол, 700 + 100 грама брашно, масло (зависи дали е постот на вода или не, 50 мл), сусам.

Подготовка

Во врела вода иситнете го квасецот, па додадете го шеќерот и измешајте. Додатете половина мерка од брашното и сол, па повторно измешајте. Додатете го останатото брашно од 700 грама и измешајте со лажица. Ако не постите само на вода, тогаш додадете две третини од 50 мл масло, измешајте. Оставете го тестото да одмори 30 минути. Кога ќе нарасне, посипете го тестото со 100 грама брашно и измесете го уште еднаш. Сега тестото не треба да се лепи, туку е мазно и меко.

Поделете го тестото на половина, па секоја половина уште на половина (деловите треба да се еднакви), па и тие на пола, се додека не добиете 20 еднакви делови. Од секое делче од тестото направете топче.

Ако постите со масло, премачкајте ја тавата за печење со масло, па ставете едно топче на средината, па 6 топчиња околу него, и останатите 13 околу нив. Немојте премногу да ги притикате едно до друго, зашто ќе нараснат. Ако пак постите со вода, ставете хартија за печење пред да ги редите топчињата. На крајот наросете од сусамот.

Оставете повторно така да отстои тестото уште 30 минути, дури потоа печете го во претходно загреана рерна, на 200 степени околу 25 минути.

Готовата погача премачкајте ја со масло или само со вода.