Што мажите навистина мислат за вашиот костим за капење?

Сезоната на костими за капење е во својот полн ек. Покрај огромниот напор што го вложуваме да го превртиме целиот град во потрага по костим кој е тренди, а воедно и добро ни прилега, треба и да дознаеме што момците всушност мислат за сево ова.

Бикини

Еден од најпопуларните модели на костими за капење кој уверливо владее на пазарот е оној во кој е вложенa најмала количина материјал. Но, што мислат мажите за овој костим? Без страв! Дури 74 проценти од испитаните мажи признале дека се обожаватели на овој костим, додека останатите 26 проценти сметаат дека бикините откриваат премногу и не и’ оставаат речиси ништо на фантазијата.

Монокини

Жените кои на плажа сакаат да остават впечатлив изглед најчесто ги бираат новитетите, а тоа моментално претставуваат т.н. монокини, едноделен костим за капење кој горе изгледа како бикини, но со тенка лента е поврзан за долниот дел. Овој модел, иако нам ни изгледа навистина интересно, на момците најчесто воопшто не им се допаѓа. Само 22 проценти изјавиле дека сакаат таков изглед, додека 78 проценти се незадоволни и признале дека воопшто не разбираат што би требало да претставува овој модел.

Едноделен костим за капење

Мал е бројот на жени кои се одлучуваат за едноделен костим, и покрај тоа што ваквите парчиња се враќаат во мода, а голем дел од мажите ги обожаваат. Дури 65 проценти од испитаниците се изјасниле дека го сакаат овој модел на костим за капење, додека 35 проценти баш и не го преферираат. Но, постои едно правило. Едноделниот костим за капење никако не смее да ја прави жената како член на олимпискиот пливачки тим, туку треба да го истакнува нејзиниот сексипил.