Вести

Работнички може да игра со Ливерпул!

16/07/2010 14:26

Работнички сега ќе има огромен мотив да го помине тимот на Мика во второто квалификациско коло за Лига Европа. Следува големиот Ливерпул. 

Денеска беа извлечени двојките за третото квалификациско коло од Лига Европа и од Лигата на шампиони.

Романтичарите, доколку го поминат сегашниот противник, тимот на Мика, кој го победија со 1:0 во Скопје (следува реванш во Ерменија), ќе го нагостат најтрофејниот англиски клуб – Ливерпул!

Другиот наш претставник, Тетекс од Тетово ќе игра против победникот од дуелот Елфсборг – Искра, но за тоа ќе треба во реваншот да слави против летонски Вентспилс (првиот меч во гости беше 0:0).

Одредени се и двојките од третото квалификациско коло на Лигата на шампионите. Нашата Ренова доколку се надмине себе и го надомести високиот пораз од 0:3 Од Омонија во Кипар би играла со победникот од дуелот Салцбург – Торшавн (Фар. Ои.) 

Останатите двојки се: Лиепајас Металург (Литванија) или Спарта Прага – Интер Баки (Азе)/Лех Познан (Пол.); Шериф (Мол.)/Динамо Тирана – Динамо Загреб/Копер (Слв); Левадиа Талин/ Дебрецин (Унг.) - Базел; Партизан Белград / Пјуник (Ерм.) - Екранас (Лит.) / Хелсинки; Бате Борисов (Буг.) / Хафнафјордур (Исл.) - Копенхаген; Бохемијанс (Ирс) / Њу Сентс (Велс) – Андерлехт; Ајакс - Паок; Зенит Ст. Петербург – Униреа; Селтик – Брага (Порт.); Гент – Динамо Киев.

Ла Коруња пред испаѓање од Ла Лига?

Шпанска Ла Коруња се соочува со испаѓање од најсилната лига во земјата на светскиот шампион поради долгови кон поранешни фудбалери

Речиси да нема клуб во Шпанија, кој нема големи долгови, но федерацијата и правилата не допуштаат клубовите да имаат неподмирени долгови кон поранешни фудбалери. Шпанскиот фудбал поради ова во минатата сезона беше на раб на штрајк инициран од здружението на професионални играчи, но тогаш со договор за исплата на долговите до почетокот на новата сезона беше избегнат штрајкот. Ла Коруња му должи пари околу четири милиони евра на Серхио Гонзалес, кој има 300 настапи за клубот, мина девет години и е една од модерните икони на екипата од Галиција. Тој неколкупати се обиде да ги добие парите, но немаше напредок, па на крај решението беше тужба Покрај Серхио, се јави и напаѓачот Таборда, на кој му се должат пари за две години. Долгови Ла Коруња има и кон Атлетико Мадрид за Зе Кастро и кон Мајорка, за Алберт Луке. За да се санираат најважните долгови и да се обезбеди лиценцата за настап, потребно е да се исполни рокот до 2 август да се подмират тие долгови. Најлесно е да го продадат својот најдобар фудбалер Луис Фелипе на Атлетико Мадрид, а со целиот приход да ги покријат дупките, но... Ла Коруња одбива да го продаде својот најдобар фудбалер, па сега ја чекаат три тешки недели за да избегне административна елиминација.

Ако гостува Ливерпул во Скопје, тоа ќе биде без Реина, Торес, Кајт и Бабел

Можноста да дојде во Скопје, третиот најтрофеен европски фудбалски великан, Ливерпул е топ дема деновиве, а „црвените“ се на половина пат, па потребно е Работнички во четврток да го преживее Ереван и реваншот со Мика

Работничски со предноста со 1-0 од минатиот четврток, остварена и со фудбалер помалку ќе замине на реваншот, каде 90 минути ќе се бори за да го мине ерменскиот тим, а со тоа и да се соочи со „црвените“, клуб симбол на Англија, сега предводен од менаџерот Рој Хоџсон.

Термините за евентуалниот двомеч се 29 јули на „Енфилд“ и 5 август во Скопје, но со опција и за замена, ако вториот македонски претставник, Тетекс исто така обезбеди пласман во третото коло, т.е, го победи летонски Вентспилс о каква било победа. Тоа што е сигурно од таборот на Ливерпул, „црвените“ за дуелот нема да сметаат на финалистите од СП, Фернандо Торес, Пепе Реина, Дирк Кајт и Рајан Бабел.

Четворицата фудбалери, кои македонската фудбалска јавност ги има гледано низ настапите на Шпанија во август лани, односно Холандија во септември 2008 година, имаат одмор поради напорната сезона и долгиот претстој до финалето во Јужна Африка, па тие уште отсега не конк*рираат во тимот за двомечот.

- Во оваа фаза нема лесни противници, а има тимови од земји кои не ги знаете и кои не продолжуваат со настапите понатаму. Знам дека Работнички секоја година е во Европа, а за Мика не знам ништо. Тоа што е сугурно е дека ќе имаме две тешки средби како и да е. Најважно е да имаме добри информации во краток период, а тоа што е проблем, што сите играчи нема да ги имам на број - рече Хоџсон, кој го наследи Рафаел Бенитез на кормилото на клубот.

Помошник на Хоџсон е Сами Ли, инаку човек кој добро го знае Работнички, затоа што беше со Болтон во Скопје во истото натпреварување пред три години, а во двомечот премиерлигашот победи со 2-1 (1-1 во Скопје, 1-0 во Болтон).

Анри го одработи првиот тренинг со ЊЈ Ред Булс

Мурињо го чека Маикон уште 48 часа

Во следните два дена конечно би требало да биде познато дали бразилскиот фудбалер Маикон дресот на Интер ќе го замени со онј на Реал Мадрид.

Не е никаква тајна дека новиот тренер на "кралевите", Мурињо, кој ова лето на "Бернабеу" стигна токму од Интер, сака со себе да го повлече и одличниот десен страничен фудбалер.

Реал се обиде да му ја исполни желбата, но 25 милиони евра колку што понуди, не беа доволни за миланскиот клуб. Претседателот на Интер, Масимо Морати бара 35 милиони, а "Марка" сугерира дека клубовите можеби ќе се најдат на 'пола пат', или на сума од 30 милиони евра.

Но, очигледно Мурињо повеќе нема нерви за неизвесности меѓу својот поранешен и сегашен клуб и затоа, тврди денешното издание на "АС", поставил рок од 48 часа за завршување на работата. Во спротивно веднаш ќе тргне по ново решение на позицијата десен страничен дефанзивец, а една од идеите моја моментално му се врти во глава е играчот на Милан, Тиаго Силва.

Шалке блиску до договор со Раул

Тренерот на Шалке, Феликс Магат смета дека легендата на Реал Мадрид, Раул ќе направи трансфер во Германија.

Раул имаше понуда на маса од страна на Шалке и се очекува да го напушти Реал ова лето откако му истече договорот со „кралскиот“ клуб.

„Тој ќе пристигне тука затоа што тој сака да се натпреварува повторно во Лигата на Шампионите. Тој сака да настапва и да постигнува голови.“

„Играч како него секогаш може да биде мотивиран. Сака да игра во Лигата на Шампионите, а парите не се негов предизвик.“

„Играќето во Лигата на Шампионите ќе биде полесно ако Раул ни се придружи. Ќе имаме големи опции во нападот.“ - вели Магат.

"Корпи" за Реал од сите страни



Реал Мадрид се уште не влегол сериозно на трансфер-пазарот, а веќе ги почна подготовките за новата сезона. Една од причините за тоа е фактот што сите фудбалери кои му се по мерак на тренерот Жозе Мурињо се зафатени и нивните клубови не сакаат да откажат од нив. Прв, таков беше случајот со Мајкон од Интер, а сега и со Немања Видиќ од Манчестер Јунајтед и Ешли Кол од Челзи. Англиските медиуми категорично тврдат дека ниеден од овие фудбалери летово нема да се пресели на Сантијаго Бернабе и покрај очигледниот интерес од Реал Мадрид за нив.

Видиќ има договор со Јунајтед до 2012 година, сака да остане на Олд Трафорд и да потпише нов со што ќе се израмни според примањата со Рио Фердинанд кој во моментов е најплатен играч. Меѓутоа, политиката на клубот е за новиот договор да се преговара на една година пред истекот на актуелниот. Правилото е прекршено само во случајот на Руни, но не треба многу да се објаснува зошто е тоа така. Постојат информации дека Јунајтед, сепак, ќе му понуди договор на Видиќ до 2015 година, но многу пореални се другите верзии на приказната. Според нив, Видиќ е многу блиску да ја доживее судбината на Кристијано Роналдо кога станува збор за трансферот во Реал. Тоа значи дека Србинот и претстојната сезона ќе остане на Олд Трафорд, а идното лето ќе го облече дресот на Реал и со тоа "кралскиот клуб" за него ќе плати помалку пари. Причината за тоа е фактот што Јунајтед во моментов нема соодветна замена за Видиќ. За него може да добие максимум 20 милиони фунти, а со тие пари не може да се купи квалитетен стопер. Крис Смолинг тукушто пристигна од Фулам и допрва треба да се бори за местото во тимот, Фердинанд често е повреден, а и не може да играм сам, па изборот се сведува на Џони Еванс. Од друга страна, Јувентус не сака да го продаде Кјелини, Бруно Алвес и Невен Суботиќ се премногу скапи, па за Реал најисплатлива опција е Видиќ.

Многу посложена е приказната со Ешли Кол кој долго време е еден од најстандардните и најквалитетни фудбалери на Челзи. Жозе Мурињо го истакна како прв приоритет уште при своето доаѓање, но тој има договор со "сините" до 2013 година и не планира да го пушти. Кол и во Челзи пристигна на неспортски начин при оние нелегитимни преговори директно со Мурињо, но сега Челзи ќе се заштити од такво нешто.

"Не сум разговарал со него за тоа, но не ни мораме да разговараме. Ешли е фудбалер на Челзи, одигра одлична сезона и ќе биде наш важен играч и во новата кампања. Ве уверувам дека 100% ќе биде така", порача Анчелоти.

Во меѓувреме, Реал е во очајна потрага по централен дефанзивец. Според првиот план на Мурињо при доаѓањето, на тоа место требаше да игра Серхио Рамос, но по одличните изданија на шпанскиот репрезентативец како десен бек на Светското првенство во Јужна Африка, планот е променет. Освен тоа, по се изгледа Мајкон нема да дојде на Бернабе, па Мурињо ќе нема друга опција освен Рамос и Марсело како негова замена. Тоа значи дека нема квалитетен стопер освен Пепе, а ако се исклучат Видиќ, Суботиќ и Бруно Алвес, остануваат Давид Луис од Бенфика и Тиаго Силва од Милан.

Кога сме кај Мурињо, тренерот на Реал откри дека играта на тимот во новата сезона во целост ќе биде прилагодена на Кристијано Роналдо.