ВИЗЕН РЕЖИМ - либерализација и укинување

Пограничните региони без визи во Бугарија

Македонците од пограничните региони ќе може да патуваат без визи во Бугарија, откако Министерскиот совет на нашиот источен сосед го одобри Договорот за пограничен сообраќај помеѓу двете земји.

Со него се воведува посебен режим за жителите што живеат во пограничните региони, оддалечени 30 до 50 километри од границата. Тие ќе ја минуваат македонско-бугарската граница само со погранични дозволи што ќе важат најмалку една, а најмногу 5 години, а минувањето на границата ќе се довива според строго определени правила. Граѓаните ќе може да престојуваат во Бугарија најмногу 90 дена во период од 180 дена од првото влегување во државата.

Ова решение е резултат на кампањата „Зона 50 без визи“, иницирана во 2007 година од кметот на општина Ќустендил, Петар Паунов, која беше поддржана од Министерството за надворешни и внатрешни работи на Бугарија, но и од граѓански организации.

- Докажавме дека една општа граѓанска иницијатива може да даде значаен резултат, кој е користен за Бугарија, но и за соседните земји. Македонците и Србите од пограничните реони слободно ќе може да ја минуваат границата без визи - истакна Паунов.