Имаме чест да ве известиме дека на 9ти Ноември, Интернационалните младински организации AEGEE-Скопје и JEF Македонија, потпомогнати од Унијата на Средношколци на Македонија, Сојузите на Студенти на УКИМ, Младинскиот Образовен Форум, Балкан Идеа и Сојузот на Извидници на Македонија, ќе организираат масовен протест против визниoт систем воведен кон Република Македонија. Протестот ќе се случува со почеток во 11 часот пред владата на Република Македонија, а целата поворка ќе заврши пред зградата на Европската Комисија на улица МАКЕДОНИЈА.

Денот на кампањата е внимателно одбран да се совпадне со денот на падот на Берлинскиот ѕид. Денес, Шенгенскиот ѕид претставува опасност во реализацијата на Европската интеграција и ширењето на демократските вредности во Европа.

Најголемите губитници со постоењето на Шенген системот се токму младите. Цениме дека неможеме да дискутираме за Европски димензии во образованието, мобилност, корупција, демократија и толеранција се додека Македонската младина е заробена во сопствената држава. Неможноста да се искуси друга култура и други начини на размислување, директно резултираат кон гетоизирано однесување при што се создава маѓепсан круг.

Организациониот тим, на 9ти Ноември симултано со Брисел (Преку синхронизација со матичните меѓународни организации со седиште во Брисел), Скопје и други Европски главни градови, ќе организира масивни мирни протести против постоењето на визниот систем.

Младите во Македонија се целосно свесни за обврските кои Македонската Извршна, Судска и Законодавна власт мора да ги превземе пред да се симне визниот систем. Во исто време сме и крајно свесни за обврските на Европските институции кон Македонија, која културно, политички и географски припаѓа на овој Континент.

Истовремено неприфатлива е сумата на парични средства кои годишно се одлеваат од младите во Македонија, со цел да ги платат визите. Наша груба проценка е дека оваа сума изнесува повеќе до 2 милиони евра. Средства кои цениме дека треба да останат во државата, со оглед на лошата економска позиција на Македонија. Кога веќе размислуваме за странски инвестиции, немарно е да се превидат средствата кои се одлеваат од државата а можат да се искористат за нејзин развој.

Од тој аспект на 9ти ноември ќе ги повикаме актерите во овој процес, на забрзување на бирократските процедури, и ќе ги потсетиме кои се главните губитници во истиот.

Организациониот тим се надева на полна поддршка од Ваша страна, бидејќи рушењето на визниот систем е од државен и социјален интерес на сите граѓани на Република Македонија.

Со почит,

Организационен тим на кампањата – Виза, ај батали!

ПРОТЕСТИ ПРОТИВ ВИЗНИОТ РЕЖИМ

Студентите ќе го уриваат шенгенскиот ѕид

Во знак на поддршка, мирни студентски протести во исто време ќе има и во Белград, Ниш, Анкара, Истанбул, Единбург, Рига, Берлин...

Под мотото „Виза, ај батали“ повеќе од 1.000 млади задутре во Скопје ќе излезат на мирни протести против шенгенскиот визен режим и ќе побараат да се забрза неговата либерализација, особено за студентите.

Причини за ваквата акција се долгите административни процедури за вадење визи, високата цена за нив, неможноста преку размена да се видат европските образовни системи, неисполнетите ветувања за олеснување на визниот режим и друго. Организатори се шест невладини младински организации - АЕЖЕ Македонија, ЏЕФ Македонија, Младинскиот образовен форум, Унијата на средношколците, Сојузот на извидници и Балкан ИДЕА. Велат дека го избрале 9 ноември - денот на падот на Берлинскиот ѕид за симболично да ја изразат својата цел.

Протестот ќе почне пред Владата. Потоа пред канцеларијата на Европската комисија ќе има импровизиран граничен премин, каде што членови на здруженијата-организатори ќе издаваат визи за влез во Европската Унија.

Студентите потоа ќе се упатат кон канцеларијата на Европската комисија, каде што ќе бараат обраќање на европретставникот Ерван Фуере. Акцијата ќе заврши со получасовен рок-концерт под мотото „Не играј пред амбасада, играј на подиум“.

Во знак на поддршка, мирни протести задутре во истото време ќе има и во 15 европски града меѓу кои се Белград, Ниш, Анкара, Истанбул, Единбург, Рига и Берлин, каде што студентите ќе ја искажат својата поддршка за протестот во Скопје.

Поранешниот претседател на младинската организација АЕЖЕ Европа, Леон Бакрачески, вели дека и тој е меѓу многубројните кои што проблеми поради „шенгенскиот ѕид“.

- Кога требаше да патувам на конференција на Генералното собрание на АЕЖЕ, која се одржуваше во Шпанија, освен што ми требаа куп документи, од амбасадата ми бараа и гаранција дека во банка имам 1.000 евра. Јас, нормално ги немав, па моите родители мораа да позајмуваат. Дополнителни нервози ми предизвика и неколкучасовното чекање пред амбасада во период кога температурата надвор беше под нулата - вели Бакрачески.

Со слични, но и со поголеми проблеми се соочуваат сите студенти, поради што повеќето од нив креваат раце дури и на помислата дека треба да вадат виза. Бакрачески вели дека студентите се затворени во границите на земјава и оти е мал бројот на тие што преку размена одат на универзитети во европските земји. Според истражувања на младински организации, од земјава годишно излегуваат помалку од 1.000 студенти и тоа исклучиво преку програми на меѓународни младински здруженија.

Бакрачески објаснува дека протестот треба да ги натера Владата и претставниците на Европската комисија во земјава конечно да ги конкретизираат обврските за либерализацијата на визниот режим.

- Колку повеќе чекаме, толку повеќе ќе бидеме гетоизирани. Владее општа блокада. Бараме конкретни датуми кога ќе ги унифицираат документите за виза, кога ќе почнат преговорите за либерализација на визниот режим, што ќе значи тоа за нас, дали ќе добиеме привилегии. ЕУ не' присилува да ги завршиме нашите домашни задачи, време е и ние да ја присилиме да не ни ги удвојува стандардите. Доста беше земјите-членки на ЕУ да не' третираат како колатерална штета - вели Бакрачески.

Како што може да се види на насловната страница на http://www.idividi.com.mk - www.idividi.com.mk , имате поддршка и од ИДИВИДИ.

zatoa shto ako gi nema,...............otide "polovina"zemja nadvor,.......iako nekoj ne veruva deka taka ke bide!

Конечно и почнуваат преговорите за визни олеснувања.

Мандат за отпочнување преговори за олеснување на визниот режим со Македонија и другите земји од Западен Балкан одобри денеска Европската Унија.

Преговорите за поедноставување и забрзување на постапката за издавање визи за патување во ЕУ треба да започнат овој месец и да завршат што поскоро, одлучија денеска шефовите на дипломатиите на земјите-членки на Унијата.

Поздравувајќи ја одлуката на Советот на министри на ЕУ, еврокомесарите за проширување и за правда, Оли Рен и Франко Фратини, порачаа дека тоа е „конкретен доказ за европската перспектива на регионот“.

„Овој чекор ја изразува заложбата на ЕУ да ги промовира контактите меѓу граѓаните на земјите од западен Балкан и ЕУ. Ова е навистина добра вест за граѓаните од регионот и конкретен доказ за европските перспективи на нивните земји“, се наведува во заедничката изјава на Рен и Фратини.

Меѓу олеснувањата се предвидува издавање повеќекратни и бесплатни визи на подолг рок за студентите, учениците и научниците, како и повеќекратни визи за бизнисмените и новинарите од западнобалканските земји.

Цената на „шенген“ визата за државјаните од западен Балкан ќе остане како и досега, 35 евра.

Советот на министри на ЕУ од властите во регионот побара да ги забрзаат реформите во делот на владеењето на законите, сузбивањето на организираниот криминал, корупцијата и илегалната миграција.

Владите на земјите од западен Балкан, исто така, ќе мораат да ја засилат и контролата на границите, како и безбедноста на личните документи, одлучија шефовите на европските дипломатии.

На состанокот во Брисел одобрено е и започнување преговори со Македонија, БиХ, Црна Гора и со Србија за склучување спогодби за реадмисија.Таков договор со ЕУ има потпишано Албанија.

Site makedonci i "makedonci" moze da ripaat kolku sakaat no toa e logicna posledica na makedonskata politika i bi rekol mentalitet vo poslednive sedumnaeset godini.

Makedoncite reagiraat suetno, i od toa nema nikakva korist. Moze makedonecot od inaet da ne odi vo Germanija, Grcija ili Bugarija, no TOJ ke ostane zatucan, neprovetren, ne ke moze da raboti, studira i komunicira. Na nikoj vo EU i ostanatiot svet ne mu se nakrsuva zaradi toa.

Makedoncite moze samo da i se zablagodarat za razbiranjeto i za besplatnite vizi na bugarskata vlada. Znaete li kolku cini odrzuvanje na konzulati - kirija, obezbeduvanje, plati za sluzbenicite i kojznae uste sto. Samo po 20 evra da naplakjaat, milioni mozat da oberat sekoja godina.

Sledni za vo EU se Hrvatska, Crna Gora, pa Albanija i Srbija. Makedonija togas nema da ima problem so vizi zatoa sto vo nea nema ni da ostanat gragjani sposobni da patuvaat. Cista win/win situacija.