УЕФА Лига на Шампиони

Реално, Баерн заслужи да го помине Ман.Јун. (уствари ќе кажам дека имаше повеќе среќа, но сепак среќата е битен фактор), заслужи да го помине и Лион. Ама, како е дојден до овие два натпревари и каква игра покажа до тогаш, не ни сакам да се присетувам.

Реал, не одигра ама баш ништо во ЛШ оваа година, и по кој знае пат беа елиминирани од Лион, заслужено.

Навивам за Интер, а мислам кој и да биде во финале од денешните противници, ќе му покажат на Баерн каде му е местото.

Се кладев вчера со другар дека Баерн прима минимум 3 гола во финале. 

Со среќа нека им е и на вторите финалисти

 

Трето квалификациско коло од Лигата на шампионите

Петнаесет натпревари се на програмата денеска и утре во рамките на третото квалификациско коло од Лигата на шампионите. Се очекуваат интересни први натпревари од оваа рунда бидејќи се вклучуваат и поквалитетни екипи.

Денеска ќе се одиграат шест дуели, а двојките се: Омонија – Салцбург, Динамо Киев – Гент, Литекс – Жилина, Униреа – Зенит, Спарта Прага – Лех и ТНС – Андерлехт.

Утре на програмата се другите натпревари: Актобе – Хапоел Тел Авив, БАТЕ Борисов – Копенхаген, Шериф – Динамо Загреб, Дебрецин – Базел, Јанг Бојс – Фенербахче, АИК – Розенборг, Партизан – Хелсинки, Ајакс – ПАОК и Брага – Селтик.

Покрај овие ќе се одигра и еден натпревар од 3. квалификациско коло од Лигата на Европа меѓу ЦСКА Софија и Клифтонвил. Македонските екипи во ова натпреварување своите натпревари ќе ги одиграат в четврток. Работнички го пречекува петкратниот европски првак Ливерпул, а Тетекс гостува кај Елфсборг во Шведска.

Вердер најубедлив во квалификациите за ЛШ

 

Во најпривлечниот натпревар од синоќешните први дуели во завршниот круг за квалификациите во Лигата на шампионите, германски Вердер беше убедлив против италијанска Сампдорија со 3:1

Трумуфот на Вердер ќе беше поубедлив доколку неговите фудбалери ја сочуваа концентрацијата до крајот на мечот, односно до 90. минута кога Сампдорија преку Пацини не го постигна голот на надеж за реваншот. Претходно за домаќините головите ги постигнаа Фриц 51., Фрингс во 67. минута од пенал и Пизаро во 69. минута.
Белградски Партизан на домашен терен против белгиски Андерлехт го одигра највозбудливиот меч во завршното квалификациско коло. Прво поведоа гостите во 54, минута преку Жиле, а само по три минути (57.) изедначи Клео, набрзо во 64 г. Партизан прави пресврт со автоголот на Лесјак во 64. минута, но само по две минути (66. минута) Јухаш изедначи за гостите.
Во другите натпревари од средата, швајцарски Базел со голот на Штокер во 54. минута го совлада изненадувањето од Молдова, Шериф – (1:0). Со еден гол разлика во реваншот ќе оди и португалска Брага која во пиринејскиот дуел со шпанска Севиља беше подобра за погодокот на Матеуш во 62. минута.
Израелски Хапоел Тел Авив на австриски терен во Салцбург успеа да создаде солидна предност победувајќи со 3:2. За домаќините головите ги постигнаа Покривач во 28  Валнер од пенал во 67. минута, додека за Хапоел во 3. минута од пенал прецизен беше Ениема, во 44. Сахар и во 63. минута гол постигна Шехтер.
Во саботата во Санкт Петербург рускиот претставник Зенит со голот на Кержаков уште во 3. минута го совлада фаворитот од Франција, Оксер. Спарта од Прага непријатно беше дома изненадена од Жилина со 0:2, со головите на Сисеи во 51. и Оравец во 73. минута. Розенборг со 2:1 го совлада Копенхаген со головите на Иверсон во 23. и Кенриксен во 57. минута, а гостите намалија во 84. минута преку ветеранот Гронкијер.
Швацарците Јанг бојс го совлада англискиот премиерлигаш Тотенхем на домашен терен со 3:2, а погодоците ги постигнаа Лулиќ во 4., Биенвену во 13. и Хохштрасер во 28. минута за домаќините, а Басонг во 42. и Пављученко во 82. минута за гостите.
Во дерби мечот од ова последно квалификациско коло поранешните шампиони  Динамо од Киев на македонскиот репрезентативец Попов и Ајакс одиграа 1:1 со головите на Гусев во 66. и на Вертхоген во 57. минута.

Смртоносна група на шампионите!