Среда, 15.10.2008

За да се добие одговор на прашањето, треба да се сфати машкото однесување. Додека некои научници тврдат дека виновен е "генот за изневерување", некои тврдат поинаку.

За некои жени изневерување е и доколку партнерот загледа некоја на разминување, или доколку има календар со разголени девојки, или доколку гледа порно филмови...

Во која мерка жената ќе мисли дека е изневерена зависи од нејзината самодоверба. Ако жената за себе нема добро мислење, во својата кожа не се чувствува добро и нема самодоверба, може да стане параноична и на самото спомнување на некое женско име од страна на партнерот.

Пред одговорот на прашањето зошто мажите изневеруваат потребно е најпрво да се разбере што е нормално машко однесување. Дали ве вознемирува кога партнерот ќе го пофали добриот изглед на некоја манекенка на телевизија? Некоја невина акција која не ги доведува во прашање чувствата кои мажот ги има за својата партнерка не може да и наштети на врската. Важна е довербата и повлекувањето на црвената линија, односно границата која не би требало да се прејде.

Изневерувањето во последните години го олесни и модерниот начин на живот, не дека изневерувањето претходно не постоело, но денес го има повеќе. Зошто? Паровите се повеќе време поминуваат раздвоени. Неговата работа, нејзината работа, службени патувања, и куп дополнителни обврски каде можат да се запознаат нови и интересни личности. Иако тоа ретко се случува со намера, веројатно е дека некое ново познанство по интензивното дружење ќе се претвори во нешто повеќе.

Мажите често го гледаат сексот како еден вид исполнување, потреба, начин да бидат задоволени, а доколку не чувствуваат ништо кон другата личност освен желба за секс, се тешат дека тоа не е изневерување. Не се во состојба во тој момент да размислуваат подлабоко и да сфатат какво влијание тоа ќе има на нивната врска.

Една од честите причини зошто мажите изневеруваат е кога сексуалните односи ќе заладат, а моментите на возбуда ќе ги заменат речениците како "Не вечерва, уморна сум и ме боли главата", "Не сега, децата може да слушнат", "Не сега, имам работа..."

Ако во нивната врска недостасува романтика, љубов, секс, внимание...многу веројатно е дека мажите ќе станат склони кон изневерување. Меѓутоа, постојат и мажи кои се родени да изневеруваат и ќе го направат тоа без обзир на се. Научниците тврдат дека виновен е генот за изневерување.