Компири во сол

Потребно:

* 4 компири
* 2 лажици маслиново масло
* 1 кг крупна морска сол
* сол
* бибер
* 4 лажици кисела павлака
* 4 парчиња шунка

Приготвување: истријте ги компирите со остра четкичка, измијте ги добро и премачкајте ги со маслиново масло. Сипете морска сол во тавчето, а врз неа распоредете ги компирите, претходно посипани со сол и со бибер. Прекријте го тавчето со алуминиумска фолија и печете го 30 минути во рерна загреана на 200 степени. Потоа извадете ја фолијата и печете уште 10 минути. Расечете ги печените компири во вид на крст, малку раздвојте ги отворите и во нив ставете од павлаката. Ставете по едно парче шунка врз компирите и сервирајте ги.

Потпечен спанаќ

Потребно:

1 кг спанаќ
500 г компири
100 мл млеко
2 жолчки
40 г путер + за калапите
100 г рендан пармезан
2 лажици масло
малку рендано морско оревче
сол
бибер

Приготвување: излупените компири исечете ги на помали парчиња и сварете ги во солена вода. Посебно сварете го и добро исцедете го спанаќот. Во блендер ставете ги компирите, спанаќот, путерот, пармезанот, жолчките, солта, биберот, ренданото морско оревче и млекото, па добро измиксирајте ги. Спанаќот распоредете го во 6 керамички чинивчиња и потпечете го во добро загреана рерна.

Компот од тиквички

Потребно:

* 1 кг тиквички
* 2 главици кромид
* 50 мл маслиново масло
* 2 лимона
* 2 гранчиња нане
* сол
* бибер

Приготвување: измиените тиквички исечете ги на коцкички. Кромидот ситно исечкајте го, па измешајте го со тиквичките, сокот од двата лимона, солта, биберот и маслото. Сето тоа прелијте го со 500 мл вода и варете го 30 минути. Откако ќе се излади, до послужување ставете го во фрижидер да се лади. Пред да ги послужите тиквичките, во нив измешајте ги ливчињата од нането.

Брокули со кашкавал и крекери

Пропржен карфиол со ореви

СОСТОЈКИ
● 2 големи лажици масли­ново масло
● ½ гла­вица кар­фиол, цве­то­вите исе­чени со голе­мина на залак
● ½ голема гла­вица кро­мид, исе­чена на четвр­тини
● ½ шолја сеч­кани ореви
● малку мускатно оревче
● сол и бибер

ПРИГОТВУВАЊЕ
Чекор 1: загрејте го масли­но­вото масло во сад за пржење. Откако ќе се загрее маслото, дода­дете ги пар­чи­њата кар­фиол. Пржете сè додека не доби­јат златно-кафена боја. По потреба, вртете ги пар­чи­њата за да се испр­жат поеднакво.

Чекор 2: по 5 минути, нама­лете ја темпе­ра­ту­рата, дода­дете ги оре­вите и кро­ми­дот и садот затво­рете го. Про­ме­шајте на секои две минути и дин­стајте околу 10 минути. Зачи­нете со мускатно оревче, сол и бибер.