Хотелот “Ellerman House“ во Кејп Таун, Јужна Африка, е во живописниот и преубав залив Бантри Беј.

Се наоѓа меѓу палми и има извонреден поглед на Атлантскиот Океан. Иако го викаат хотел, тој повеќе е една голема куќа, бидејќи има само 11 соби и апартмани, секој со сопствена веранда, што ги прави приватни резиденции.



Модерно и луксузно, овде се’ е прилагодено на гостите и исполнување на нивните желби. Тврдат дека независно по кој повод се дојдени - одмор, прослава, викенд престој - тие не може да си отидат незадоволни.

Цената за едно лице по ноќ е од $715 до $1.600 (од 536 евра до 1.200 евра).

Малдивите, повеќе острови атоли во средиштето на Индискиот Океан, се сметаат за едни од најголемите природни убавини.

А онаму каде што е убаво за престој и за уживање, таму има и многу најубави, најлуксузни и најексклузивни хотели.



Еден таков, секако, е “W Retreat & Spa Maldives“ кој се наоѓа на северниот дел од Атолот Ари, на малото ненаселено островче Fesdu. Овде, од Male, главниот град на Малдивите се пристигнува само со 25-минутен лет со хидроавион.

Хотелскиот комплекс има 78 вили или бунгалови, извонредно сместени на самиот брег. Сите се најсовремено уредени и секоја е со своја плажа, на која е бескрајно задоволството од тиркизната боја на Океанот и белиот песок.

Има три одлични ресторани, од кои едниот е покрај базенот, а другиот е над водата, во кои има голем избор на превкусна морска храна и скоро се’ од меѓународна кујна.

Бидејќи се’ е подредено на задоволствата на гостите, тука се бањите, салите за фитнес, но и активностите на вода: нуркање, скијање, сурфање, едрење...

За овој тропски рај, велат дека ако некој некогаш сонувал да има преубаво приватно острово, со доаѓањето и престојот во “W Retreat & Spa Maldives“ - сонот му се остварил. И вреди за едно лице за една ноќ да се плати од $1.150 до $20.000 (од 865 до 15.000 евра).