Видни личности во списокот на Пепи

Персида Момировска попозната како Мадам Пепи, која веќе доби пет години затвор за шверц на кокаин, доби кривична пријава и за перење на пари.

Министерството за внатрешни работи ја сомничи дека испрала 330.000 евра кои ги заработила на криминален начин.

“Во март 2009 година извршила уплата на банкарската сметка на правното лице „Порше Македонија“ ДООЕЛ Скопје за набавка на подвижен имот-патничко моторно возило марка АУДИ А4 во вредност од 1.823.475,00 денари. Уплатата ја извршила со разделување на трансакцијата на три дела за само четири дена, со цел да ја избегне должноста Банката преку која е извршено плаќањето да ја пријави ваквата трансакција до Управата за спречување перење пари и финансирање тероризам“, се вели во соопштението од МВР.

Други 72.800 евра, Мадам Пепи, според информациите од МВР, чувала во сеф на Алфа Банка во Скопје.

Според полицијата, најголемиот дел од криминално стекнатите парични средства во периодот од 2007 до 2010 година ги пуштала во оптек надвор од Македонија за купување роба, при што на Италијанската граница пријавувала пари за кои Италијанската Царинска служба и издавала Декларации за трансфер на парични средства еднакви или поголеми од 10.000 евра  на вкупен износ од 221.600 евра.