ВЕРСКИ ВЕСТИ

Владата ќе го бојкотира Црвенковски во Охрид

В недела претседателот Црвенковски ќе и' додели Орден на Република Македонија на МПЦ, но на церемонијата во „Света Софија“ нема да присуствува ниту еден министер, ниту претседателот на Собранието

Ниту еден од министрите во Владата нема да присуствува на утрешното доделување на Орденот на Република Македонија во Охрид, со кој шефот на државата Бранко Црвенковски ја одликува Македонската православна црква. Сите министри што изминативе денови биле уредно поканети од стручните служби на кабинетот на Црвенковски го откажале доаѓањето со различни образложенија. Откажал и претседателот на Собранието Љубиша Георгиевски

- Некои рекоа дека се на службено патување, а другите дека распоредот на обврските им е пребукиран. Од кабинетот на Љубиша Георгиевски не' известија дека тој ќе присуствува на некој друг настан - изјави вчера Зоран Иванов, портпарол на шефот на државата.

Поканата за присуство била испратена и до премиерот Никола Груевски, но тој в недела ќе биде во Тирана, каде што треба да се сретне со претседателот на САД Џорџ Буш.

Во Кабинетот на претседателот Црвенковски не сакаа да го коментираат откажувањето на присуството на комплетниот министерски ешалон на церемонијата, која ќе се одржи во охридската црква „Света Софија“. Црвенковски ја одликува МПЦ по повод 40-годишнината од автокефалноста на МПЦ.

- Највисокото државно одликување се дава поради улогата на Македонската православна црква во националното и духовното опстанување и како чувар и афирматор на националниот идентитет на македонското постоење - се посочува во образложението.

Орденот на Република Македонија се состои од орденски знак на ѓердан и од орденска ѕвезда. Орденската ѕвезда има основна кружно-ѕвездеста форма со димензија од 91 мм.

Орденот е прво големо државно признание што го добива црквата во самостојна Република Македонија. Во 1958 година во лицето на Македонската православна црква беше обновена Охридската архиепископија, со што православниот народ во Македонија и во дијаспората по два века повторно доби своја црква. На црковно-народниот собор во Охрид во 1967 година беше изгласана целосна самостојност на МПЦ.

На свечената церемонија, која директно ќе ја пренесува Македонската радио-телевизија, се поканети и членовите на Синодот на МПЦ, високи државни претставници, како и претставници на дипломатскиот кор.

Бранко Горгевски

аџија напиша: бла бла бла... секаков ОБРЕД, гарантирам и посвечување, и побитимување, и што сакаш ќе измислат, само да ти ги земат парите... п.с. не бе, архиепископот за беспари им го напраи ова... абе иди бегај...

Не ГАРАНТИРАЈ - ПРОВЕРИ па кажи. НЕ Е НАПЛАТЕЛО! Па сега ТИ иди бегај.

анегдоти за лековерните... 

не е платено, ама колку ќе дадат - толку, обично за архиепископот (колку иде тарифа биљано?) ча-чинг...толку и толку... абе ајде оди фризирај други жртви, ние не сме од марс паднати...

Кој не е паднат од Марс? Ти, аџо? Па оти така се однесуваш?
Кога нема со што да се истакнеш - само едно имаш: да ги плукаш другите. Ама ветерот може да дувне обрано па сам да се исплукаш, како сега. Позната е секташката тактика на дејствување, сите се лоши, само ние не!

Аџо, ако сме сериозни, ке зборувавме со факти, а не со приказни од Марко Цепенков. Толку е сериозен пристапов кон верските прашања од твоја страна. Ај сега избриши го и ова!

Така е. Не секој со грам познавање на работите... Па ти ни грам познавање немаш. Па кажи веќе еднаш колку пари се во игра, како се заработени, па на крај има и државни органи кои би требале тоа да го испитаат, ако има нешто што не треба. Да не зборам за Божјите судови.
Оти само за пари збориш. И пак ќе ти кажам - приказните ги измислуваш ти, а сакаш ние да ги негираме или потврдуваме. Кажи некоја вистина, па потоа "земи си крилја од орел и одлетај..."