КОНТРАДИКЦИИ ВО БИБЛИЈАТА

Тука нема ни печатна грешка, ни контрадикција, туку се работи за 2 различни родословија. Матеј го опишува кралското или законското родословие на Христос (од страната на Јосиф), а Лука биолошкото родословие на Исус (од страната на Марија).

п.с. Уште една "контрадикција" ќе ти разобличам бесплатно, а потоа по 100 ден. од секоја наредна

Кога ќе погледнеме низ контрадикциите на кои посочуваат муслиманите, наоѓаме дека многу од овие грешки воопшто не се грешки туку, или недоразбирање на контекстот или ништо повеќе од печатни грешки.
Првите лесно може да се објаснат, додека вторите бараат малку повеќе внимание. Јасно е дека книгите на Стариот Завет биле пишувани во периодот од 17 до 5 век пред Христос на пергаментите на кои се пишувало во тоа време, парчиња од Папирус, кои се распаѓале релативно брзо, и било неопходно континуирано да се копираат (препишуваат). Ние денес знаеме дека поголемиот дел од Стариот Завет 3000 години се препишувал рачно, додека Новиот Завет плус уште 1400 години, во изолирани заедници, во различни земји и континенти, а сепак сите останале во основа непроменети.

Денес се најдени многу постари манускрипти (ракописи) кои можеме да ги искористиме за да ги потврдиме уште постарите ракописи. (Види тема Свитоците од Мртвото Море) Фактички ние имаме  на располагање огромена колекција на ракописи на кои можеме да се повикаме за да ја потврдиме текстуалната веродостојност на нашиот сегашен документ.
За ракописите на Новиот Завет (ММС) ние имаме 5.300 грчки  манускрипти или фрагменти од нив, 10.000 од латинската Вулгата и најмалку 9.300 други рани преводи. Се на се, ние сега имаме повеќе од 24.000 манускрипти или делови од Новиот Завет што можеме да ги користиме! Очигледно ова ни е доволно материјал за да можеме прецртаме некои варијабилни стихови кои евентуално би постоеле.  Некој стих, или збор од некој стих, кој се појавува различно во некои манускрипти (пр. 70% го има во манускриптите, а 30% го нема) тоа е забележано во преводот со фуснота, најчесто доле под текстот.
Вакви пропусти на препишувачите има занемарливо малку и ова воопшто не го нарушува угледот на непроменливоста на Библијата.

Христијаните не одрекуваат дека имало печатни грешки во копиите на Стариот и Новиот завет. Тоа е надвор од можностите на секој човек, да не промаши ни една буква или знак при преписот на толкави книги било да се свети или обични.
Сепак можеме да бидеме сигурни дека оригиналните ракописи на Стариот и Новиот завет биле дирекно вдахновени од Бог и не содржеле никакви грешки.
Но за жал, овие оригинали, поради нивната старост и неиздржливоста на материјалот на кој биле напишани, не постојат повеќе.

Тој екстра "Каин" што го наведува Лука во родословието поттекнува од грешка при препишувањето на Септуагинтата (грчки превод на Стариот Завет кој бил единствено достапен во тоа време кога Лука пишувал). И бидејќи Лука го упатува своето евангелие до Теофил, кој бил грк, затоа и тој се послужил со грчкиот превод на Стариот Завет, Септуагината, за да го наведе родословот на Исус. На тој начин таа грешка била пренесена од Септуагинтата во евангелието по Лука.