Има ли Бранко граници?!

e , da .... blagodarejki na ona sto sme go kupuvale vo minatoto ....... ako bese do segasnosta , samo adamovi listovi kje ni bea spasot

Sakaniot ni pretsedatel sega od pozicija na opozicija mnogu ne saka...duri i se zaangazira da ni se ispolnat baranjata...arno ama koga beshe vo pozicija da go reshi problemot ne go reshi...i beshe zasluzeno kaznet..
Mnogu kleta kategorija se daskalite...zlopamtila...zabavaat ama ne zaboravaat

Polar Bear напиша: Бранко е големо лајно, ич муабет да не правиме. Едвај чекам да изберат ВеМеРоВски претседател да видам на што ќе се вадат после.

Бог да чува и да Бранко

ВМРО-ДПМНЕ: Црвенковски се прогласи за заштитник

Претседателот на државата Бранко Црвенковски со политичка манипулација се прогласи себеси за заштитник на правата на штрајкувачите на СОНК, во изјава за еден национален медиум, обвини Александар Бичиклиски, портпаролот на ВМРО-ДПМНЕ.
- За разлика од сега, Црвенковски за штрајкот на синдикатот во 2004 година зборуваше поинаку: „И да ги имаме тие пари, би се поставило прашањето дали е најпаметно да се инвестира, имајќи предвид дека имаме 390 илјади невработени и голем број социјални случаи“ - потсети Бичиклиски.

СДСМ испрати соопштение во кое реагира за обвинувањата на ВМРО-ДПМНЕ.

- Точно е дека во 2004 година СОНК штрајкуваше, но уште поточно е дека тогашниот премиер Бранко Црвенковски и Владата на СДСМ го решија проблемот - се вели во соопштението од СДСМ.

Тие ја повикаа владејачката партија да го реши проблемот на СОНК, со што би се овозможило непречено одвивање на наставата.
... Vo 2004 godina go reshija problemot kako shto go reshija...i potoa prosvetarite "zadovolni" od reshenieto...na izborite se reshija i se k*rtulija od SDSM...no ocigledno porakata ne beshe dovolno jasna.  Ja cuvme izjavata na Crvenkovski od toa vreme, no ne ja cuvme na pozicionerite...zatoa shto i nivnata izjava vo 2004 se razlikuvashe od segashnata...

Со Бранко Црвенковски почна криминализацијата на Маке



Атентатот врз претседателот Киро Глигоров само го забрза процесот на криминализација на Македонија. На повидок беше победата на ВМРО-ДПМНЕ на парламентарните избори, како последица на украдените избори во 1994 г., но и грабежот на државниот имот, покрај шверцот и политиката на друмски разбојници на СДСМ, кој беше сам во парламентот. На новопечената олигархија и на нејзината партија СДСМ им требаше уште време за да се консолидираат, да ги исперат парите, да го легализираат грабежот и со “владеењето на правото” да го бранат украденото од можни ревизии на идната власт! Нападот врз претседателот требаше да биде добар изговор за сите учесници во криминализацијата на Македонија. Вклучително и за самиот Глигоров, кому му ветуваа дека нема да настрада во “атентатот”!

Екипа на Форум




- Ќе ја средиме, нема гајле!
- А што документи ми треба?
- Ништо, се во едно убаво сино плико.
- Колку?
- Илјада. Само преправи ги царинските документи како да се од моја фирма.
- Ќе има ли и идниот месец?
- Да!
Ова е дијалог, до кој дојде Форум, помеѓу газда на мала текстилна фирма која сака да извезува за Србија и директор на Тетекс, кој преку своите врски со политичките кругови постојано имал дозволи за стопанисување на лагер. Освен препродажбата на дозволи за узвоз и извоз, на малите стопанственици им бил наложен и превозот: железнички или камионски. Од едниот ќарот го прибирал Фершпед, а од другиот Макошпед.

Ова сведоштво на тогашен комерцијалист е само една епизода од тоа што се случуваше на почетокот на деведесеттите кога тогашните директорчиња одново го открија поткупот од турско време и ì се додворија на балканската мафија. Нивните дрвени столчиња за кратко време станаа олигархиски кожени фотелји кои и по 18 години тресат и владеат со државата.
Лудилото по секоја цена за време на блокадата да се прошверцува нешто во/од Србија одеше дури и до смешни каприци. Беше многу модерно на имињата на фирмите да се достави назнаката “експорт-импорт”. Оваа наставка требаше на обичното Македонче да му покаже колку всушност е сериозна фирмата, дека денес нејзиниот газда има одвај 10.000 марки во џебот, ама со една тура до Српска Краина “заработуваше” 100.000! Шверцот беше дозволен и посакуван. Државнички! Оттаму, атентатот на Киро Глигоров е исто така крупна епизода во процесот на целосна криминализација на Македонија!
Форум во изминатиов месец во потрага на мотивите и апсурдите на досието и истрагата за атентатот дојде до фрапантни сознанија дека првиот македонски претседател е “жртва” на организираниот криминал, шверцот за време на српското ембарго и грабежот од приватизацијата на државниот капитал.
Како завршен дел од досието на Глигоров ексклузивно ви пренесуваме дел од сведоштвото на мафијашкиот бос Петрит Аме дадено во Дирекцијата за безбедност и контраразузнавање во јули1997 г.
Од него јасно се гледа дека политичките и партиски лидери, олигархиските и мафијашките босови се испреплетени како “свински црева”. Аме е само еден од конците кои водат до заклучокот дека атентаторите на Глигоров треба да се бараат во тогашниот државен врв на чело со Бранко Црвенковски кој преку шпедициите на Штерјо Наков, албанската мафија, земунскиот клан и фирмите на Аркан успеа да ја искриминализира Македонија до вакво дереџе.
Ликот на Црвенковски е особено интересен. Симптоматично е неговото појавување на политичката сцена. Синот на болничарот од Воената болница и амбициозен електроинженер, со неверојатна брзина станува премиер и до денес најмоќната фигура што Македонија некогаш ја имала.
Затоа легитимно е прашањето, кој е заслужен што и покрај своето политичко неискуство во периодот 1990-1992 г. Црвенковски стана пратеник во Собранието на Република Македонија и е избран за претседател на собраниската Комисија за надворешна политика, без никакво дипломатско искуство? Само година и пол подоцна тој станува премиер!

ГЛИГОРОВ ГО ИЗБРА Б.Ц., А Б.Ц. ГИ ИЗБРА ОЛИГАРСИТЕ

Всушност, во текот на 1992 г. првата експертска влада на Никола Кљусев изработува петгодишна програма за трансформација на општествениот капитал, но и на целиот политички систем. Тоа значеше крај на врските со системот на поранешна Југославија и создавање нов систем на економија и држава. Секако, тоа не им одговараше на поранешните структури на Комунистичката партија преточени во СКМ-ПДП (Сојуз на комунисти на Македонија – Партија за демократска преобразба), т.е. во СДСМ.
Член на собраниската Комисија за политички систем од тоа време тврди дека во 1993 г., само неколку месеци по прифаќањето на 5-годишниот план, Глигоров му предложил на Кљусев гласање за доверба на владата, со ветување дека на тој начин ќе си ги зајакне позициите како премиер и владата ќе стане политичка со поширока поддршка во Собранието.
“Наместо тоа, Глигоров ја турка експертската влада и со намера да го инфилтрира младиот пулен Црвенковски, му предложил на Петар Гошев да стане премиер, но му наметнал барања за отстапки кои биле сосема неприфатливи. Гошев, кој не сака да биде, како што изјави, 'човек за еднократна употреба', не прифаќа да ги исполни условите на Глигоров и се откажува од мандатот. Така, следен на листата е Црвенковски, кој прифатил сè”, вели изворот.
Петгодишниот план на преродба е заборавен. Македонија и по 17 години до гуша е заглавена во криминал и корупција, која почна токму тогаш, со таа влада на Црвенковски.

СПРЕГАТА МЕЃУ ПЕТРИТ АМЕ И Б.Ц.

Според исказот до кој дојде Форум, познатиот бос на подземјето Петрит Аме на 17 јули 1997 г. бил сослушан во Дирекцијата за безбедност и контраразузнавање во Велес. Разговорот го водел извесен инспектор А.П., а Аме бил викнат за да се “расчистат неговите активности и врски во областа на организираниот криминал, врски и работа во корист на странски разузнавачки служби и учество во терористички акции”.
Во службената белешка која ја составил инспекторот има многу сочни изјави за тоа како фирмите и луѓето блиски на Црвенковски и на денешните олигарси кои ја поседуваат државата ги переле парите од своите валкани бизниси. Аме точно ја опишува сдсмовската машинерија која ја криминализираше Македонија од државничко до чиновничко ниво.
“Петрит за себе признал дека по занимање е криминалец и дека се занимава со илегална трговија и шверц на оружје, дрога, нафта, цигари и други недозволени активности, но тој ја потврдува својата поврзаност со Црвенковски и со други функционери на СДСМ, во шверцот со нафта, цигари и оружје”, стои во службената белешка, која ја “снемува” од архивите на ДБК, но до која Форум дојде.
Во документацијата на МВР се наоѓала касета со разговорот со Петрит Аме. Меѓутоа, оттаму исчезнала во периодот кога СДСМ заминува од власта во 1998 г. Во тоа време на трансфер на власта исчезнале и многу други документи, а по истиот принцип по кој сите информации експресно се уништуваат, се прикриваат и сите материјали и докази за неговата сообраќајна несреќа.

АСИБА, ФЕРШПЕД, ЕВРОПА, МЗТ, ТЕТЕКС.....

Пример за тоа со какви луѓе соработувал Црвенковски се неговите врски со компанијата на неговиот другар од студентските денови, Пеце Дамески, сопственикот на АСИБА&МГ, од која владата неколкупати купува поголем број возила. Вкупната бројка на купени возила приближно изнесува 300-400 парчиња. Во истата таа фирма работи и неговиот шура Владо Димитровски како менаџер за продажба, а денес истиот тој е генерален менаџер на СА&СА компани. Сите финансиски проневери на оваа фирма, наводно биле направени преку сметките во Комерцијална банка чиј директор е Хари Костов.
Аме во исказот, освен Црвенковски, ги наведува имињата и на Јован Андонов, Данчо Шутурков, Илија Иловски, Димитар Бузлевски, Љубомир Фрчкоски, Златко Соколиќ, Ванчо Лазаров и други поранешни функционери на СДСМ, директори и бизнисмени што учествувале во организираниот криминал.
Но, она од што најмногу се заработиле пари бил шверцот со цигари. Главен за шверцот со цигари во РМ бил Шутурков, кој ужива имунитет од Б.Ц. Како противуслуга, директорот на Македонија табак станува еден од главните финансиери на СДСМ, тврди Аме.
“За секоја пратка на цигари која ќе поминела преку територијата на РМ, морало на Шутурков да му се плати таксата од 25.000 германски марки. За таа цел директорот ќе издал сертификат дека цигарите се на Македонија табак, додека пак на границата со СРЈ се покажувала друга фактура во која стоело дека камионот е товарен со опинци, кикиритки, салама и друга стока. Од самата граница цигарите ги преземала СДБ на Црна Гора и ги носела до директорот на Зета - на Мило Ѓукановиќ”, раскажува шефот на македонското подземје.
Имено, сите директори на Македонија табак (меѓу кои и Страшо Нелковски, висок функционер во СДСМ и кандидат за пратеник во 1998 г.) свесно испорачувале цигари на фирми од други држави, без притоа да обезбедат гаранции за наплатата. Според книговодствената состојба од 30 јуни 1999 г., вкупните побарувања на Македонија табак од фирми во Србија, Босна, Хрватска, Словенија и други деловни партнери од странство, изнесуваат 5,55 милијарди денари, или околу 179 милиони германски марки (90 милиони евра). Главните актери во “тутунскиот мост” преку кој од Македонија табак, односно од Македонија, се одлеани милиони марки наводно биле бившиот генерален директор Нелковски, Шутурков и Љупчо Настевски (кој од октомври 1992 г. до февруари 1994 г. раководел со службата за извоз на цигари на поранешниот ЈУ-пазар, а потоа сè до 1999 г. бил директор на Секторот за увоз-извоз на цигари).
На долгиот список странски фирми од кои Македонија табак има побарувања, покрај постоечките се наоѓаат и “фантомски” фирми кои никогаш не биле ниту регистрирани во трговскиот регистар во тие земји. Една од нив, преку која во мај 1998 г. е направена “трговија” со цигари во вкупна вредност од 5.598.840 марки (речиси 3 милиони евра), е фирмата Еуропрогрес од Подгорица. Тоа го потврдуваат податоците до кои дојде македонското биро на Интерпол во соработка со Министерството за внатрешни работи на СР Југославија. Во известувањето од полицијата на СРЈ се наведува дека фирма со такво име никогаш не била регистрирана во Стопанскиот суд, ниту, пак, ја има во евиденцијата на регистрирани претпријатија во Заводот за платен промет во Подгорица.
Црвенковски е поврзан со Аме и преку Соколиќ, сопственик на Интерфалко и пријател на Б.Ц. кој за времето на српското ембарго шверцувал нафта, цигари и хемикалии. Петрит Аме во својот исказ кажува и за перењето пари, т.е. криминал со цигари, што се вршело преку братот на поранешниот министер за внатрешни работи Љубомир Фрчкоски, Владимир Данаилов, кој го раководи бизнисот во фри-шопот Челебија, за време на неговото министерување.
Сведоштво за тоа дека и денес актуелната бизнис-елита е вмешана во шверцот на СДСМ е поврзаноста на матните зделки со Илија Димитров, сопруг на Савка Димитрова (Европа), а потоа и управник на Царинарница Скопје.

Извор:http://www.forum.com.mk/index.php?option=com_content&task=view&id=8025&Itemid=176

orlov напиша: Сторијата на Бранко се вика: ,,ИГРИ БЕЗ ГРАНИЦИ,,.

Како што стојат работите навистина ќе нема граници,

kultuzin напиша: orlov напиша: Сторијата на Бранко се вика: ,,ИГРИ БЕЗ ГРАНИЦИ,,. Како што стојат работите навистина ќе нема граници,

За жал не стојат, веќе се дефинирани. Македонија доколку опстане ќе биде монархија на чело со ајатолахот Бранко Црвенковски.