Вицотека

Господ им делел на живите суштества, кој колку и како ќе живее. Прво, му одредил на магарето.

- Ти магаре, ќе живееш 20 години, ќе работиш цел живот и нема да имаш многу памет.

- Уф, тоа не звучи како убав живот, може ли барем да живеам само 5 години.

И Господ се согласил. Потоа му одредил на кучето:

- Ти куче, ќе живееш 35 години, ќе јадеш она што ќе остане од другите и целиот живот ќе бидеш врзан на ланец и потчинет.

- О Боже, тоа не звучи како добар живот, може ли барем да скратиш на 15 години?

И Господ и за него се согласил. Потоа на ред дошол папагалот.

- Ти папагалу, ќе живееш 40 години, ќе седиш во аголот, ќе повторуваш се што ќе каже човекот и ќе ги нервираш сите.

- Ух, тоа и не е толку убаво, може ли да живеам барем 15 години?

И Господ се сложил и за ппагалот. Потоа на ред дошол човекот.

- Ти човеку, ќе живееш 20 години. Ќе бидеш надарен со ум и разум, ќе владееш и ќе одлучуваш на овој свет.

- Ох Боже, тоа е прекрасно, но може ли барем да ги искористам и овие години коишто другите ги одбија за да поуживам на овој свет?

И Господ се согласил. Затоа човекот ужива додека наполни 20 години, потоа запознава жена и `рмба следните 15 години и сите му велат дека е глупав. Потоа добива деца и јаде само она што ќе остане на масата и ја чува куќата како куче, а на крајот завршува седејќи сам во аголот од собата повторувајќи ги зборовите на другите коишто не му обрнуваат внимание додека не ги изнервира.