Убаво деколте...

Градите се најсексапилниот дел од женското тело, така тврдат многу мажи. Ви претставуваме неколку совети кој ќе ви помогнат вашето деколте да добие нов сјај и секси изглед.

Хранливи препарати

После туширање наместо лосион за тело на градите нанесете крема за наменета нежност на изразито нежна и осетлива кожа. Кремата треба да содржи витамини А, Е, Ц и Б5 бидејќи тие, како што тврдат козметичарите и дерматолозите, ја хидрираат кожата. Некои од препаратите за нега на градите содржат посебни состојки кои, ако редовно ги користите, ги ублажуваат брчките кои се јавуваат после бременоста и големите осцилации во тежината.

Хидротерапија

Хидротерапијата т.н. наизменично туширање на градите со топла и ладна вода, ја подобрува циркулацијата. Тушот насочете го према градиет и туширајте ги со кружни движења неколку минути. Туширањето завршете го со ладна вода, но тоа не би требало да трае подолго од 10 секунди. Топлата вода ги шири крвните садови, а ладната ги собира, па вашата кожа ќе биде јадровита, румена и затегната.

Разладете се со лимон

Често покрај големи жештини и зголемените потења на кожата се јавува осип во вид на ситни мозолки, кој го нарушуваат изгледот на деколтето. Пред спиење на проблематичните места намачкајте парче свеж лимон кој ќе ја дезинфицира кожата и воедно ќе ја разлади.

Вежби

Неколку пати дневно изведете ја едноставната и многу ефикасна вежба која ги затегнува мускулите под градите. Можете да ја работите и додека стоите и додека седите, без никакви помагала. Рацете подигнете ги во висина на градите и притискајте ги дланките неколку минути, додека не почувстувате како ви се затегнуваат мускулите. Истотака, одлични се и вежбите за правилно држење кои ја спречуваат згрбавеноста и вовлекувањето на градниот кош, поради што градите делуваат опуштени отколку што се.

Заштита од сонце

Чувствителната кожа на градите брзо гори на сонце. Дури и кога црвенилото ќе исчезне на кожата, остануваат ситни брчки кои со годините се продлабочуваат и размножуваат. За да го спречите тоа, во текот на летото градите мачкајте ги со препарати со висок заштитен фактор, дури и кога не се изложувате на сонце.

Маска за деколте

Ако вашата кожа е значително тенка, нежна и сува, дозволете и додатна нега. Еднаш неделно на градите нанесете маска од две рендани јаболка и ставете ја на деколтето и градите. Оставете ја да делува 20 минути, а потоа, пред да ја измиете смесата, измасирајте ги градите. Оваа маска е одличен пилинг кои ги отстранува изумрените клетки од кожата.