Кругови во жито

Феникс во полето го најавува крајот на светот?

Во полето во областа Вилтшир, Англија, се пронајдени кругови што ја прикажуваат митската птица Феникс како се издигнува од пепел. Според луѓето што се занимаваат со проучување на круговите во поле, цртежот претставува предупредување за крај на светот, пренесува Макфакс. Оваа невообичаена слика, со големина од околу 122 метра, е откриена во поле со јачмен во Јејтсбери во Вилтшир. Истражувачите тврдат дека оваа формација е во врска со можната катаклизма, што би требало да се случи на 21 декември 2012 година, последниот ден од календарот на цивилизацијата на Маите.

Според верувањето на старите Маи, времето на животот на човештвото на земјата се одвива во 13 циклуси од 144 илјади дена, а 13-тиот циклус завршува во декември 2012 година по што ќе се случи апокалипсата. Карен Александер, истражувач на круговите во поле од Госпорт истакнува дека Фениксот е митско битие, кое ги симболизира воскресението и новата доба.

- Многу истражувачи на овие невообичаени појави веруваат дека тие се однесуваат на 21 декември и на Армагедон. Секоја нова откриена шара е се' посложена и којзнае колку тие шари ќе еволуираат до 2012 година - изјавила Карен Александер, додавајќи дека оваа појава би можела да се интерпретира како издигнувањето на човечката раса по судбоносниот миг.

Заслужува аплауз, нели? Ем уметник-ем зафркант.