Планирате забава во брзо време?

Потребни состојки:

За кората:

• 6 јајца
• 6 лажици кафеав шеќер
• 6 лажици брашно
• 2 лажици какао

За првиот слој крем:

• 500 грама пире од костен
• 200 грама шеќер во прав
• 200 грама путер
• 1 мала лажичка екстракт од ванила
• 50 милилитри рум

За вториот слој крем:

• 500 милилитри слатка павлака
• 1 кесичка зацврстувач за шлаг

За филот:

• 100 грама црно чоколадо
• 50 грама путер

Начин на подготовка:

Жолчките измешајте ги со шеќерот, па додајте им го брашното и какаото, а потоа постепено турајте ги и белките додека мешате. Префрлете ја смесата во сад за печење, обложен со мрсна хартија и ставете ја во рерна на 180 степени. Оставете да се пече сè додека не добие златна боја.

За првиот фил, измешајте ги путерот и шеќерот во прав, па потоа додајте го пирето од костен, румот и екстрактот од ванила, добро измешајте и нанесете го на оладеното тесто.

Со помош на миксер, изматете го шлагот од слатката павлака, додадете го зацврстувачот за шлаг и нанесете го врз првиот фил.

Стопете ја чоколадата со путерот, а потоа во тенок слој сипете ја на мрсна хартија, оставете ја 10-тина минути да се олади во фрижидер, а потоа исецкајте ја коцки. Декорирајте ја тортата со овие чоколадни коцки и сервирајте.

Состојки
100 гр путер
50 гр шеќер во прав
пола пакетче од 7 гр рум шеќер
130 гр брашно
1 лажица густин
по потреба суви кајсии

1. Омекнатиот путер го мешаме со шеќер во прав и со рум шеќер. Потоа се додава брашно и густин и се промешува.
2. Од приготвеното тесто се прават цвеќиња ( може со кујнски шприц) и врз нив се ставаат парчиња од суви кајсии. Колачите се редат во плех обложен со пекарска хартија и се печат во загреана рерна околу 10-15 минути на 180 степени.

Во истите колачи може да се додаде наместо рум шеќер, рендана кора од лимон или портокал.

Неверојатно вкусно чоколадно доживување!
 
Состојки:

За тесто:
6 белки
10 лажици шеќер
7 лажици брашно
3 лажици гриз
печиво, ванила
1/3 од филот
 
За фил:

Фил 1
100 гр. какао
250 гр. шеќер
100 мл. млеко
5 лажици рум

Фил 2
6 жолчки
3 лажици шеќер во прав
1 маргарин

Подготовка:

Фил 1 - млекото и шеќерот ставете ги на оган, кога шеќерот ќе се стопи додадете го какаото и румот и со постојано мешање оставете смесата да зоврие. Прилично е густа, па внимавајте да не загори и да не се направат грутки. Не е потребно да вари, штом ќе зоврие тргнете го садот од оган.

Фил 2 - жолчките пенесто изматете ги со шеќерот, па смешајте ги со претходно изматениот маргарин.
Кога првиот фил убаво ќе се излади, измешајте ги двата фила и издвојте 1/3 за тестото.

Тестото се подготвува на следниот начин: белките и шеќерот изматете ги во цврст снег, па додадете ги другите состојки, и внимателно измешајте со 1/3 од филот.

Смесата за тесто ставете ја во намрснета правоаголна тава за печење и печете на 180 степени ( или на онаа температура на која обично печете колачи и торти).

Испеченото и изладено тесто прелијте го со 150 мл. засладено топло млеко.

Над тестото ставете го филот, а над него шлаг крем или декорирајте по желба.

Бара малку повеќе време за подготовка, но толку е вкусно што ќе заборавите колку труд сте вложиле. Едноставно ќе уживате во вкусот.

(ФОТО) Торта од чоколадо и рум на Филипа Гомеш