Снежните кугли се вистинска забава и за децата и за возрасните. Ги има во различни големини и најчесто со зимски, божиќни и новогодишни мотиви.

Еве како на едноставен начин сами да направите снежна кугла и да ги израдувате вашите најмили.

Потребно ви е:

• тегла или стаклен сад со капаче
• зовриена и изладена вода
• глицерин
• топчиња стиропор или светки
• силиконски гел
• држач на кој ќе стои куглата
• лепило
• минијатурна украсна фигура
  
  

Подготовка:

Стаклената кугла измијте ја добро и исушете ја пред почеток на изработката. Прво со лепилото прицврстете ја фигурата која сакате да ја ставите за внатрешната страна на капачето.

Теглата наполнете ја со вода до врвот. Додајте неколку капки глицерин, а потоа додајте ги топчињата стиропор или светки. Капачето заедно со фигурата навртете го на теглата. Добро зацврстете го, а ако е потребно дополнително залепете го со силикон.

Веќе подготвената кугла може да ја залепите со силикон на украсен држач и да добиете уникатен, креативен новогодишен украс кој сами сте го изработиле.

Совет

Изберете тегла со понеобичен облик, ако немате кугла. Глицеринот е густо масло кое може да се купи во секоја аптека. Тој ја дава потребната густина на водата во теглата и така ги забавува светките да паднат брзо на дното. Во течноста по желба може да додадете и боја.

Предупредување:

Капачето мора да е добро затворено за да не истекува водата. Лепилото мора да е водоотпорен. Светките не смеат да бидат многу ситни за да не лебдат на површината.

Интересни Божиќни декорации за вашиот дом

Ѕвездата е еден од симболите на Божиќ и е навистина стилски додаток за празничната декорација. Има толку многу идеи како да ги користите ѕвездите за декорација. Освен готови од продавница, можете сами да направите убави ѕвездички. Користете различни орнаменти, од различни материјали – хартија, ткаенина, дрвени елементи. Кон декорацијата можете да додадете копчиња, камбани, гранчиња во облик на ѕвезда. Светлата во облик на ѕвезда се соодветна декорација не само за божиќните празници. Со готовите ѕвезди можете да ги украсите прозорците, ѕидовите, скалите, вратата и се разбира – ставете ја најубавата на врвот на елката! А еве и неколку фотографии кои ќе ве инспирираат!

Разубавување на старите лампиони со помош на вашите дечиња

Направи сам: Украси од портокал

Ја поврзуваме аромата од портокалот со зимата и со празниците што предстојат. Освен што е многу вкусен, портокалот може да биде материјал за многу оргинални украси кои ќе внесат празнично и пријатно расположение во домот. Освен тоа и ќе мириса прекрасно.

Со карамфил…

Од кората…

Од парчиња портокал и канела…

Направи сам: Празнични подароци за најблиските

Обидете се овие празници да бидат поразлични, потопли, поевтини, а посреќни. Со само неколку идеи сочувајте си ги парите, а изнудете широка насмевка на лицето на најблиските. Не верувате дека е изводливо?

Овие 7 идеи за „направи сам“ подароци ќе ве уверат во спротивното:

1. Нацртани чаши

Обичните бели чаши или оние во светли, пастелни тонови секогаш можете да ги украсите со маркери за керамика или со силиконски бои. Неколку маркери ќе ве чинат исто колку и една испринтана чаша, а со нив ќе може да создадете многу повеќе - за партнерот/партнерката, семејството, пријателите...

2. Сет за изработка на колачиња

Зимата е идеален период за изработка на мафини и торти со чоколадо, карамела и шлаг, па зошто да не подарите еден креативен сет? Ставете прирачник со рецепти, шарени хартиени корпи, бои, слатки трошки, какао прав, чоколадо...

3. Сет за маникир во тегла

Ако сакате евтин, а корисен подарок за вашата мајка, сестра, пријателка или партнерка - ова е најдоброто решение. Ставете неколку шарени памукчиња, ацетон со убав мирис, турпии, крема за раце, лакови и неколку декорации за нокти. Верувајте дека ова е женски подарок со кој нема да погрешите!

4. Тегла со минијатурни колачиња

Испечете некои лесни бисквити, пуслици или чоколадни колачиња и ставете ги во проѕирна тегла. Замотајте со украсна лента, декорирајте со шишарка или светкав лампион и слаткиот подарок е готов.

5. Свеќници

Украсните мали теглички и чашки измијте ги и исушете ги. Премачкајте ги со лепак, обложете ги со светки и почекајте да се залепат. Ставете една малечка свеќа во средина и спакувајте.

6. Инстант топло чоколадо во лампион

Купете празни стаклени лампиони, добро измијте ги и наполнете ги со следниве состојки: инстант топло чоколадо, чоколадни трошки, шарени трошки и пенести бонбони. Подарете среќа која се раствора во топла шолја млеко.

7. Инстант коктел

Слична идеја како претходната, но овој пат за љубителите на алкохол. Најдете малечка кригла или тегла, ставете лименка сок, а за самата тегла врзете сламка и мало шише алкохол по желба. Не заборавајте да напишете порака како „Уживај!“ или „На здравје!“