Шпанска Примера

Барселона - Херкулес 0-2

Zaragoza 1

Шпанските примералигаши одиграа ефикасно 2.коло, а гледачите на натпреварот Сарагоса - Малга имаа можност да видат дури осум голови за победа на гостите од 5:3.

Покрај овој натпревар пет голови беа постигнати и на дуелот Хетафе - Леванте 4:1.

Единствено на синоќешниот дуел меѓу Севиља и Депортиво немаше голови.

На другите вчерашни натпревари постигнати се следниве резултати:

• Спортинг - Мајорка 2:0
• Виљареал - Еспањол 4:0

Во саботата:

• Барселона - Херкулес 0:2
• Валенсија - Расинг 1:0
• Реал Мадрид - Осасуна 1:0
• Атлетик Билбао - Атлетико Мадрид 1:2

Колото ќе биде комплетирано со вечерашниот дуел меѓу Алмерија и Реал Сосиедад.

Без победник во последниот натпревар од 3.коло во Примера

Двата пенала не беа доволни екипата на Депортиво да ја постигне првата победа во новиот шампионат, синоќа пред своите навивачи оваа екипа во рамките на 3.коло одиграа 2:2 со Хетафе.

Гуардадо во 49-та и 56-та минута ги постигна двата гола за домашните, додека Колото во 33-та (автогол) и Аризменди во 69-та беа стрелци за гостинскиот тим.

Ова беше трет нерешен резултат за Депортиво и први погодоци постигнати во новата сезона.

Со освоениот бод Хетафе се наоѓа на 8.место на табелата со вкупно 4 бода, а Депортиво е 14-ти со 3 бода во исто толку одиграни кола. 

На чело на табелата е Валенсија со максимални 9 бодови, пред Севиља и Реал Мадрид кои имаат по 7, а следат Атлетико Мадрид, Виљареал, Барселона и Еспањол со по 6,...

Од денеска до четврток ќе се одиграат и натпреварите од 4.коло.

Вечерва на програмата се дуелите:

Домашни победи во шпанска Примера

Со трите победи на домашните екипи во воведните натпревари синоќа стартуваше 4.коло од Примера Дивизија.

На „Сантијаго Бернабе“ фудбалерите на Реал Мадрид беа подобри од Еспањол и победија со 3:0, а со истиот резултат Атлетик Билбао славеше над Мајорка.
Осасуна ја постигна првата овосезонска победа откако со 3:1 беше подобра од Реал Сосиедад.

Вечерва од 20 часот се играат натпреварите: Барселона – Спортинг Хихон, Сарагоса – Херкулес, Алмерија – Леванте, додека во 22 часот е почетокот на дербито на колото меѓу Валенсија и Атлетико Мадрид.

Утре на програмата се дуелите: Хетафе – Малага, Виљареал - Депортиво и Севиља – Расинг.

Со натпревар повеќе Реал Мадрид со 10 бодови е прв на табелата, Валенсија има 9, Севиља 7,...

Schatzii напиша: Во шпанска Примера синоќа се одиграа три дуели  за комплетирање на 4.коло. Севиља одигра нерешено дома со Расинг 1:1, Виљареал минимално со 1:0 го победи Депортиво, додека Хетафе загуби од Малага со 0:2 Виљареал со трите бодови е на третата позиција со вкупно 9 колку што има и Барселона, а зад Реал Мадрид и Валенсија кои имаат по 10.

Барселона има шест проблеми

Многу работи не одат - Пеп Гвардиола...

Иако пред почетокот на сезоната прв фаворит за титулите и во Примера и во Лигата на шампионите, Барселона на стартот од новата кампања се соочува со големи проблеми, многу поголеми отколку лани. Каталонскиот клуб е далеку од убедлив во домашното првенство иако сите познавачи на фудбалот беа сигурни дека ќе се прошета до 21. титула во Примера и четврта во елитното европско натпреварување. Еден месец по почетокот на сезоната Барселона веќе има два "кикса", двата на домашен терен и шпанските медиуми веќе најдоа шест проблеми кои го мачат тимот на Гвардиола во досегашниот дел од сезоната.

1. НОУ КАМП ПОВЕЌЕ НЕ Е ТВРДИНА

Минатата сезона Барселона имаше само едно реми на 19 натпревари на домашен терен и ги доби другите 18. Сега е далеку од тоа. По само три натпревари, Барса веќе загуби пет бода и тоа доживеа и еден пораз пред своите гледачи од новиот член на Примера, Херкулес.

2. ПОВРЕДИ НА МУСКУЛИТЕ

Дури шестмина повредени фудбалери имаше Гвардиола досега и сите со проблеми со мускулите. Карлес Пујол и Жефрен Суарез се повредија играјќи за репрезентацијата, додека Хозе Пинто, Адриано Кореја, Чави и Педро за време на натпреварите за својот тим.

Лео Меси исто така имаше потреба од пауза, но не поради замор, туку како последица на бруталниот старт на Томаш Ујфалуши во дербито против Атлетико во третото коло. На ниеден натпревар досега Пеп Гвардиола не можеше да смета на сите фудбалери и тоа се одрази на резултатите.

3. ЛОШ ТЕРЕН НА НОУ КАМП

И Давид Виља во својата вчерашна изјави го посочи теренот на Ноу Камп како најголем проблем. Барселона игра фудбал за око, а за да се исполнат условите за такво нешто потребно е теренот да биде како тепих. Тревата на Ноу Камп се оштети во текот на летото како последица на високите температури и се уште не може да се доведе во ред.

4. НАМАЛЕН РАСТ

Во летниот преоден рок од Барселона си заминаа "џинови" како: Дмитро Чигрински, Јаја Туре, Тиери Анри и Златан Ибрахимовиќ, сите играчи над 185 сантиметри. Сега просечната висина е намалена од 180 на 177 сантиметри и против Мајорка најдобро се забележа колкав проблем е тоа во воздушните дуели. Единствениот гол противникот го постигна со глава, а потоа имаше уште неколку шанси и за втор погодок на истиот начин.

5. ГОЛГЕТЕРСКА НЕМОЌ

Шпанскиот првак е екипата со најмал број постигнати голови на домашен терен во досегашниот дел од сезоната (со Ла Коруња, Сантандер и Леванте) - само два. "Каталонците" не успеаја да реализираат повеќе од еднаш и тоа во дуели со далеку послаби тимови како Херкулес, Хихон и Мајорка.

Колку и да звучи чудно, евидентен е недостатокот на Златан Ибрахимовиќ, кој во првите седум кола од првенството лани имаше шест погодоци. Беше донесен Виља за кого се претпоставуваше дека брзо ќе се снајде на играта на Барселона, но тој досега има само два гола. Мора да се потенцира и тоа дека од почетокот на сезоната во катастрофална форма се Кркиќ и Педро, двајцата млади фудбалери од школата на Барса кои лани со своите голови на почетокот и крајот на сезоната беа меѓу најзаслужните што титулата остана на Ноу Камп.

6. КРАТКА КЛУПА

За да се скратат трошоците за плати на фудбалерите и со тоа да се намалат долговите на клубот, Барселона пред почетокот на сезоната одлучи да продаде голем број фудбалери, а се засили само со Маскерано, Виља и Адриано. Сега, бројот на првотимци изнесува 19 место 21 колку што Гвардиола имаше на располагање минатата сезона.

Тоа значи дека нема доволен број играчи во ротацијата, а кај дел од главните фудбалери полека се јавува замор по напорното лето во кое настапуваа за шпанската репрезентација на Светското првенство. За мечот против Мајорка, Гвардиола мораше да ангажира и фудбалери од Б-екипата кои од "немајкаде" дури и заиграа во второто полувреме.