Темно мохито

Наместо бел рум, употребете 60 мл. темен рум.

Потребни ви се уште:

• 8 ливчиња свежо нане,
• 2 лажички кафеав шеќер,
• сок од половина лимета и
• газирана вода.

Ливчињата нане, сокот од лимета и кафеавиот шеќер нежно се гмечат со помош на толчник на дното од поголема чаша. Се додава кршен мраз, рум и газирана вода или Спрајт.

Декорирајте со ливчиња нане и/или парченца зелена лимета.

Мохито јагода

Време е да се искористи сезоната на јагодите. Поради слаткоста на вкусното овошје и ликерот, во оваа варијација Мохито пожелно е да ги изоставите кафеавиот шеќер и Спрајтот.

Потребни ви се:

• 6 свежи јагоди,
• 15 ml ликер од јагода,
• 60 ml бел рум,
• нане, сок од лимета, мраз.

На дното од изладена чаша со поголемо дно се гмечат свежите јагоди со нането, сокот од лимета и ликерот од јагоди.

Се додава мраз, бел рум и газирана вода. Декорирајте со ливчиња нане и парченца јаготки.

Мохито кокос

Кога ќе го вкусите неизбежно ќе помислите на плажа, море и сонце. Идеално избалансиран вкус на кокос и основната верзија Мохито, а ова е сé што ви треба за подготовка:

• 6 ливчиња свежо нане,
• 3 парчиња лимета,
• 1 лажичка кафеав шеќер,
• 40 ml бел рум,
• 20 ml Малибу кокосов рум (или ликер од кокос во количина од 15 ml.),
• мраз, газирана вода.

Измешајте ги ливчињата нане со лиметата и кафеавиот шеќер на дното од чашата со гмечење. Додадете бел рум, кокосов рум или ликер од кокос, многу кршен мраз и добро измешајте. На крајот додадете газирана вода и декорирајте по желба.

Мохито

• Сок од 2 лимети
• 4 мали лажички шеќер
• 12 свежи листови од мента
• 4 големи лажици бел рум
• 4 големи лажици тоник
• Искршен мраз

Начин на подготовка:

Во висока чаша ставете ги сокот од лимета и шеќерот и мешајте додека не се растопи шеќерот. Искинете ги листовите мента на половина и ставете ги во чашата. Со дрвено стапче, нежно истискајте ги листовите во течноста за да се испушти малку сок од нив. Додадете го румот, мразот и тоникот. Измешајте и на крај додадете ги останатите ливчиња мента на врвот на чашата.

Мадслајд

• 3 големи лажици ликер од кафе
• 3 големи лажици вотка
• 3 големи лажици ликер од ирски крем, како што е Baileys

Начин на подготовка:

Ставете ги сите состојки во шејкер и протресете ги со многу мраз. Ставете ја течноста во чаша и послужете со многу мраз.

Летото може да почне: Рецепти за 6 коктели со вино

Летото е веќе на прагот, а освежителните коктели се нешто кое секој од нас би сакал да го има до себе во топлите летни денови.

Коктелите се одличен начин да ја изгасите жедта и да се освежите, особено ако тие се направени од свежо овошје и вашето омилено вино.

Следните рецепти ќе ви дадат идеи како да направите освежителни коктели од вино и сезонско овошје.

Коктел од јагоди и праска

Состојки:

• 750ml бело вино
• 2 праски (излупени, без семки, исечени на парчиња и замрзнати)
• 2 чаши јагоди (исечени на мали парчиња и смрзнати)

Начин на подготовка:

Измешајте во блендер 2 чаши вино и исечените праски.

Потоа истото направете го со јагодите и преостанатото вино.

Ставете ги двете смеси во фрижидер, вадејќи ги и мешајќи ги на секои 15 минути, сè додека не забележите дека станале помалку течни.

Наполнете ја чашата до половина со едната смеса, а потоа додадете ја другата. Декорирајте со малини, капини или парчиња друго овошје.

Белини

Состојки:

• 5 праски
• 750 ml пенливо вино

Начин на подготовка:

Излупете ги праските и отстранете ги семките.

Ставете ги во блендер и убаво измешајте.

Наполнете ја чашата до пола со смесата и додадете вино или шампањ.

Декорирајте со парче праска.

Коктел од шумско овошје

Состојки:

• 50g замрзнати малини, капини, боровиники...
• 750ml црвено вино
• 1 чаша лимонада
• 1 лажица шеќер (по вкус)

Начин на подготовка:

Ставете ги сите состојки во блендер и мешајте додека не добиете хомогена смеса.

Добиената смеса ставете ја во замрзнувач најмалку 6 часа.

Смрзнатата течност ставете ја кратко во блендер, колку да се исечка и претурете ја во чаша, декорирајќи со малини, капини, боровинки и лист нане.

Коктел од боровинки

Состојки:

• 750ml бело вино
• 4 чаши смрзнати боровинки
• 200g сладолед (најдобро одговара ванила)
• 100ml сируп (по избор)

Начин на подготовка:

Ставете ги во блендер боровинките, виното и сладоледот и мешајте додека не добиете хомогена смеса.

Додадете го сирупот.

Послужете во изладени чаши.

Овошен коктел

Состојки:

• 150g замрзнати јагоди
• 5 замрзнати праски
• 150g замрзнато грозје
• 2 чаши бело вино

Начин на подготовка:

Ставете ги сите состојки во блендер и мешајте додека на добиете хомогена смеса.

Послужете во чаша, украсувајќи со парче овошје.

Сангрија

Состојки:

• 300ml црвено вино
• 70ml бренди
• 70ml сок од портокал без пулпа
• 250g замрзнато овошје или бобинки (праски, ананас или мешавина од шумско овошје)

Начин на подготовка:

Ставете ги сите состојки во блендер и мешајте додека на добиете хомогена смеса.

Послужете во чаша, украсувајќи со свежо нане.