Зошто изневеруваат и мажите и жените?

Неколку последни истражувања покажаа дека жените сé почесто ги изневеруваат своите партнери. Причините заради кои некои жени се решаваат да бидат неверни се сосема различни од причините заради кои тоа го прават мажите. Имено, понежниот пол најчесто е неверен заради осаменост и емоционална неисполнетост.

Жените многу тешко се решаваат на неверство. Кога некоја жена изневерува, обично позади тоа се кријат многу подлабоки причини кои во основа се одраз на незадоволството од моменталната врска. Осаменоста, недостатокот на самодоверба и комуникација со партнерот се само дел од причините кои ги наведуваат жените да побараат утеха во прегратките на некој друг маж.   

Недостаток на комуникација   
Жената  на која и недостасува квалитетна комуникација со партнерот не е исполнета и задоволна. Квалитетна комуникација не е онаа која ја водите секојдневно на тема семејни и деловни обврски. Вистинската комуникација подразбира разговор за интимните работи како животните цели, желби, стравови и емоции.   

Осаменост
Иако можеби е во долга врска или брак, жената понекогаш се чувствува осамена. Односот со партнерот не е таков каков што бил на почетокот и всушност и двајцата партнери водат засебен живот. Оваа состојба може да резултира со различни желби и различни погледи на животот. Осамената жена најголем дел од времето го поминува со своите пријателки, а многу често ваквата ситуација ја предизвикаува жената да побара друштво и внимание од некој друг маж.