Трансфери 09-10

ПРЕТСЕДАТЕЛОТ НА ГАЛАКСИ АЛЕКСИ ЛАЛАС ФРЛИ РАКАВИЦА

Бекам за 100 мил. долари може да остане во Реал

Американците, како вистински бизнисмени, се подготвени да ја разгледаат понудата, ако е официјална, иако не веруваат дека "кралевите" ќе го направат тоа

Има надеж и постои шанса репрезентативецот на Англија, Дејвид Бекам, својата професионална кариера, сепак, да ја продолжи во редовите на "кралскиот клуб" од Мадрид. Таквата вест лично беше соопштена од претседателот на Лос Анџелес Галакси, Алекси Лалас. Поранешниот репрезентативец на САД, за познатиот таблоид на Островот, "Мирор", изјави дека е запознаен со интересот на Реал (М) и додаде дека договорот на Бекам може да се откупи за 100 милиони долари.

"Не се сомневам во интересот на Реал (М) за Дејвид Бекам. Ние имаме многу инвестирано во овој трансфер. Сепак, пред се, ние сме бизнисмени и сме подготвени да ја разгледаме секоја понуда. За да го привлечат нашето внимани тие треба да испратат официјална понуда од 100 милиони долари. Моментално не гледам никакви шани тоа да го направат", изјави Лалас.

Освен изјавата на Лалас, медиумите во Шпанија и Англија на големо пишуваат и за сензационалната понуда што ќе биде испратена од "кралевите" на адресата на фудбалерот на Барселона, Самуел Ето. Спортскиот весник "Дарио Спорт" пишува дека официјалните преговори ќе започнат во моментот кога раководството на каталонскиот гигант ќе соопшти дека Камерунецот е ставен на трансфер листата.

Претседателот на Реал (М), Рамон Калдерон, е убеден дека фудбалерот нема веднаш да ја одбие нивната понуда и дека ќе ја разгледа со голема сериозност како што ќе ги разгледа предлозите на Милан, Интер и Арсенал.

Освен на Ето, примамлива понуда најтрофејниот клуб во Шпанија, ќе испрати и до шведскиот интернационалец во редовите на Интер, Златан Ибрахимовиќ.

ПОРАДИ КАКА ПРОПАДНА ТРАНСФЕРОТ НА ЕМЕРСОН

Мота и Едмилсон во фокусот на Милан

Росонерите не преговараат со Реал (М) поради тајниот состанок со Кака. Бронѕети најавува преселба во Милано или на Роналдињо или на Ето

Репрезентативецот на Бразил и стандарден првотимец во редовите на Реал (М), Емерсон, нема да биде најново засилување на новиот европски клупски шампион, Милан.

Главна причина за таквата промена во ставот на "росонерите" е минатонеделниот таен состанок помеѓу челниците на Реал (М) и таткото на главната ѕвезда во редовите на Милан, Кака.

Потпретседателот на "росонерите", Адријано Галијани за медиумите во Италија, изјави дека се запознаени со тајниот состанок и со нивната понуда од 80 милони евра и додаде дека нема шанси да го ослободат Кака и дека нема да преговара со раководството на Реал (М) за услугите на Емерсон.

Со пропаѓањето на овој трансфер, повторно во преден план излезе ангажирањето на бразилскиот двоец од редовите на Барселона, Тијаго Мота и Едмилсон.

Слично како и Галијани и познатиот италијански менаџер во Шпанија, Енѕо Бронѕети, изјави дека претседателот на Реал (М), Рамон Калдерон нема шанси да го ангажира Кака и додаде дека Милан ќе се засили или со Роналдињо или со Ето.

Фудбалски вести

Фредерик Кануте огорчен на ФИФА

Напаѓачот на Севилја, Фредерик Кануте, остро ја нападна Меѓународната фудбалска федерација, откако му е наредено да го напушти кампот на репрезентацијата на Мали и да се врати во Шпанија, за да настапи во последното вчерашно коло против Вилјареал.

Мали требаше да игра со Сиера Леоне во квалификациите за африканското првенство. „ФИФА уште еднаш покажа дека воопшто не го цени и почитува африканскиот фудбал. Ние воопшто не сме битни, бидејќи ако беше поинаку немаше да донесат ваква одлука“, изјави Кануте, кој уште во петокот се врати во Севилја. Со него во авионот беше и неговиот сонародник, инаку, играч на Реал Мадрид, Диара.

Иста одлука ФИФА донесе и во случајот со бразилскиот репрезентативец Робињо, исто така, член на Реал Мадрид.

Многумина сметаат дека ФИФА се одлучила за ваков потег поради огромниот притисок на „кралскиот клуб“, кој во вчерашното последно коло не сакаше да игра без Робињо и Диара. „ФИФА поради Реал М. ја жртвуваше нашата репрезентација. Сето тоа поради потребите на еден клуб“, додаде Кануте.

Милан одби рекордни 75 милиони евра од Реал М. за Кака



Челниците на Реал М. се сретнаа со ѕвездата на Милан, Кака и неговиот татко и така уште еднаш потврдија дека не отстапуваат од доведување на еден од најдобрите фудбалери во светот во моментов.

Потпретседателот на Милан, Адријано Галијани, изјави дека знаел за состанокот, бидејќи за тоа ги известил таткото на Кака. Според италијанските медиуми „кралскиот клуб“ го предводел Предраг Мијатовиќ, а на масата е фрлена фантастична понуда. Бразилскиот репрезентативец би добивал 10 милиони евра по сезона, ако дојде на „Сантијаго Бернабе“. Исто така во насока кон Апенинскиот полуостров би тргнале 75 милиони евра, колку што во Мадрид се подготвени да платат отштета.

Без оглед на тоа што се понудени најголемите пари во историјата за некој играч, во Милан останаа тврди на својот став: „Понудата е огромна, но јас можам само да го потврдам тоа што и пред тоа го зборувавме. Кака не е за продажба“, порача Галијани.

Гигс трет играч од Манчестер Ј. награден со орден



Капитенот на Манчестер Ј., Рајан Гигс, стана третиот фудбалер во историјата на клубот кој е награден со Орден на Британската империја. Гигс годинава ја освои деветтата титула во дресот на Јунајтед. Тој е само вториот играч во клубот кој одиграл повеќе од 700 натпревари. Првиот е големиот Боби Чарлтон. Покрај Гигс, Орден ќе добијат и Брајан Робсон и Дејвид Бекам.

Гудјонсен сака во Манчестер Ј.



Напаѓачот на Барселона, Ејдур Гудјонсен, изјави дека е заинтересиран за можноста да премине во Манчестер јунајтед. Исланѓанецот мина тешка година во Барселона, откако дојде од Челзи за осум милиони фунти. „Дојдов во Барселона за да играм, а не да бидам на клупата. Сакам да играм во Англија. Приоритет за мене ќе биде клуб кој игра во Лигата на шампионите, а Манчестер Ј. е тој клуб“, потенцира 29 годишниот Гудјонсен.

Лион ги купи Бомер и Кеита од Лил



Шампионот на Франција Лион ги купи фудбалерите на Лил, халфот Метју Бомер и крилото Кадер Кеита. И двајцата потпишаа четиригодишни договори за вкупна сума од 24,5 милиони евра.

Манчестер Сити преговара со Дешамп и Тигана



Манчестер Сити преговара со бившиот француски репрезентативец Жан Тигана и со Дидие Дешамп за нов менаџер на тимот. И двајцата се без работа, откако Тигана беше избркан од Фенербахче, а Дешамп си поднесе оставка во Јувентус. Потенцијални кандидати се и Жерар Улие и Роналд Куман.

Тотенхем го очекува Дарен Бент



Тотенхем се надева дека во наредните 24 часа и официјално ќе го прогласи напаѓачот на Чарлтон, Дарен Бент, за ново засилување. Тотенхем предложи 12,5 милиони евра, но ќе треба да ја качи сумата до оние 17 милиони што ги понуди Вест Хем. Бент ја откажа понудата на Вест Хем, која ќе му носеше 75.000 евра неделно. Чарлтон веќе најде замена за Бент во името на Енди Џонсон од Евертон.