Ватерполо

ВАТЕРПОЛО - МАК ВАТЕРПОЛИСТИТЕ ПОДГОТВЕНИ ГО ДОЧЕКУВААТ ЕП ВО МАЛАГА

Утре се лета за Шпанија

До почетокот на ЕП (3 - 14 јули) во ватерполо за сениори и за сениорки во Малага во Шпанија остануваат уште два дена. Тоа во превод значи дека сите 12 селекции во машка меѓу кои и нашата и 8 во женска конк*ренција, во претстојните два дена ќе слетаа во Шпанија. Нашата за Шпанија лета утре во 6,30 часот.

Изминаиот период, кој повеќе кој помалку, во зависност од условите и финансиските можности надополнето со амбициите ја минаа фазата на подготовки, што значи подготвени го дочекуваат првенството.

Во таквата слика совршено се вклопи и нашата репрезентација со таа разлика што имавме само триесетина дена на располагање, што според сите оценки е кус период за успешен настап на вака големо и значајно натпреварување, што впрочем го потврди и селекторот Мечкиќ на последнта прес конференција одржана во Гевѓелија, пред неколку дена, со напомена дека за вака значајни натпревари потребна е програма која ќе се реализира во еден подолг период.

Сепак, позитивна страна е фактот што сите наши репрезентативци доаѓаат од реномирани клубови во странските лиги, клубови кои до скоро се натпреваруваа во националните првенства.

Последните десетина дена македонската селекција ги мина во Гевѓелија, заедно со комбинираниот состав на Црна Гора, каде одиграа неколку контролни натпревари првенствено за воигрување на некои тактики, односно ситуации како што е одбрана со играч помалку, напад со играч повеќе и обратно. Впрочем во најголем дел епилогот на натпреварот го крои токму оваа ситуација - играч повеќе односно помалку.

И кога сме кај натпреварите, оние официјалните, со селекцијата на Црна Гора беа одиграни два. Првиот го добивме со 15:11, а вториот заврши нерешено 7:7. Воедно ова беа првите официјални средби на Македонија со некоја селекција, независно дали станува збор за прв, втор или за комбиниран состав. Ваквиот епилог никако несмее да се свати и незначи дека ние сме подобри од репрезентацијата на Црна Гора која важи за еден од сериозните кандидати за освојување на медал на ЕП.

Инаки, денес нашите ватерполисти ќе го одработата и послендиот тренинг пред утрешното заминување за Малага.

Д. Ѓенчевски

МКД СОСТАВ

Далибор Перчиниќ

Милош Урошевиќ

Еди Бркиќ

Даниел Бениќ

Небојша Милиќ

Марко Мичиќ

Марко Башиќ

Ристо Маљковиќ

Душан Крстиќ

ненад Петровиќ

Милорад Крстовиќ

Иван Вуксновиќ

Сашо Поповски (к)

Љ. Мечкиќ (селектор)

С. Нонковиќ (теренер)

Б. Кузмановски (теренер)

ПАРТИЦИПИЕНТИ НА ЕП

МАЖИ

"А"

Унгарија

Шпанија,

Грција

Хрватска

Словачка

Црна Гора

"Б"

Србија

Романија

Италија

Русија

Германија

Македонија

ЖЕНИ

"А"

Холандија

Шпанија

Русија

Германија

"Б"

Италија

Грција

Франција

Унгарија

ВАТЕРПОЛО - НАШИТЕ ВАТЕРПОЛИСТИ ЗАМИНАА ЗА ШПАНИЈА

На стартот со Романија

Македонската ватерполо репрезентација денеска со утринскиот лет нешто пред 7 часот, од аеродромот "Алекснадар Велики", од Скопје, замина за Малага, во Шпанија, каде во следните 15 - тина дена ќе учествува во завршницата на ЕП.

Амбициите со оглед дека ова е наш прв настап на едно ЕП во ватерполо, што би рекле историски, не се големи. Според изјавите на компетентните ќе се оди на добра игра, игра убава за око, што само по себе би требало да донесе и адекватни резултати.

Како своевиден хендикеп се споменува сатницата за игра. Сите натпревари нашата селекција ги игра во утринската програма од 9,30 до 12,30 часот, што не е случај со останатите репрезентации каде термините се од 18 - 21 часот. Ваквиот распоред донекаде е очекуван, наспроти селекцијата на Шпанија, која се наоѓа во групата "А", која како домаќина постојано игра во 21 часот.

Во делот на остварувањата првиот натпревар со Романија в петок на 4 јули и во 3. коло со Русија в недела на 6 јули се чини ќе бидат клучни бидејќи во останатите мечеви играме со поквалитетни селекции, во кои изнанедувањето би било научна фантастика.

Со евентуални две победи дефинитивно ќе бидеме хит на шампионатот, што значи на крајот би се пласирале 7 - 10 место. Можеби звучи амбициозно, но се е возможно. Имаме одлични играчи, искусни, кои знаат да повлечат кога е најпотребно, играчи кои имаат богато искуство, а богами имаме и докажан стратег, стратег кој е добро познат ширум светот, статег со богато искуство на евро сцената.

Според пропозициите најпривелгирани репрезентации ќе бидат оние кои после првиот круг кој завршува во вторник на 8. јули ќе успеат да се пласираат на првото (1) односно четвртото (4) место во групите. Првите одат директно во 1/2 финалето каде ги чекаат победниците меѓу второ и третопасираните екипи, со вкрстување, додека четвртопласираните ќе играат исто така против победниците од петто и шетопласираните селекции од групите, со вкрстување. При тоа имаат и еден ден слободен - четврток (10 јули). Ден порано в среда на 9 јули на програмата се 1/4 финалните дуели.

Тоа пак значи дека сите останати играат за пласман од 5 - 12 место, со таа разлика што за некои ЕП може да заврши уште на 11 јули в петок, а за некои в недела (13. јули), кога на програмата се два меча, финалето и натпреварот за освојување на 3. односно за 4. место.

Инаку, во истиот термин на истото место се одржува ЕП за жени каде учествуваат 8 селекции (Холандија, Шпанија, Русија, Германија - група "А", Италија, Грција, Франција и Унгарија - група "Б"), со таа разлика што тие имаат два дена слободни (среда - 9. јули и петок - 11 јули), а завршуваат ден порано, в сабота на 12 јули.

Инкау, на листата на луѓето кои ќе ја делат правдата во Шпанија, на ЕП, се наоѓа и името на нашиот судија Небојша Станковиќ.

РАСПОРЕД НА НАТПРЕВАРИТЕ

ПЕТОК (4. ЈУЛИ)

9,30 ч Словачка - Грција

11,00 ч Македонија - Романија

12,30 ч Србија - Германија

18,00 ч Русија - Италија

19,30 ч Унгарија - Хрватска

21,00 ч - Шпанија - Црна Гора

САБОТА (5. ЈУЛИ)

9,30 ч Македонија - Србија

11,00 ч Унгарија - Словачка

12,30 ч Германија - Русија

18,00 ч Романија - Италија

19,30 ч Црна Гора - Грција

21,00 ч Шпанија - Хрватска

НЕДЕЛА (6. ЈУЛИ)

9,30 ч Русија - Македонија

11,00 ч Србија - Романија

12,30 ч Унгарија - Грција

18,00 ч Хрватска - Црна Гора

19,30 ч Италија - Германија

21,00 ч Словачка - Шпанија

ПОНЕДЕЛНИК (7 ЈУЛИ)

9,30 ч Романија - Германија

11,00 ч Хрватска - Словачка

12,30 ч Македонија - Италија

18,00 ч Србија - Русија

19,30 ч Унгарија - Црна Гора

21,00 ч Шпанија - Грција

ВТОРНИК (8 ЈУЛИ)

9,30 ч Словачка - Црна Гора

11,00 ч Германија - Македонија

12,00 ч Русија - Романија

18,00 ч Грција - Хрватска

19,30 ч Италија - Србија

21,00 ч Унгарија - Шпанија

ВАТЕРПОЛО - ПОЧЕТОКОТ НА ЕП СЕ ОЧЕКУВА СО НЕТРПЕНИЕ

Романија може да падне

Со денешниот прв натпревар меѓу Словачка и Германија, во 9,30 часот и официјално ќе стартува ЕП во ватерполо код до 13 јули се одржува во Малага, во Шпанија.

Меѓу 12 најквалитетни селекции од Стариот континент кои се надигруваат за титулата европски првак за прв пат се наоѓа и нашата репрезентација која мораше да мине трнлив пат. Но тоа е сега минато.

Денеска, нашите ватерполисти веќе со мислите се насочени кон првиот натпревар против Романија кој почнува во 11,00 часот, натпревар кој може да биде добра отскочна штица за следните предизвици. Доколку се мине првата пречка тогаш ќе се "дише" полесно. А шансите за победа се 50:50.

Романија иако е земја во која ватерполото има долга традиција не се на нивото од пред десетина години. Неминовните смени на генерациите, отворањето на границите што значеше одлив на квалитетот, си оставија трага, во негативна смисла. Сега тоа се некои нови момчиња. И токму тоа може да биде меч со две острици. Момчиња кои сакаат да се афирмираат или пак момчиња кои можат многу лесно да изгорат. А тоа е огромен прихолошки притисок кој можат да го понесат само искусни и докажани спортисти.

Од друга страна во нашиот тим таков проблем нема. Сите играчи се свесни за значењето, за квалитетот на првенството како и за шансите кои Македонија ги има на ЕП, што значи апетитите се умерени. Затоа ветуваат само добра игра, убава за око. За искуството и не треба да говориме бидејќи сите до еден со исклучок на јуниорот Милановиќ кој буквално влета во црвено-жолтиот дрес во последен момент, по откажувањето на Маљковиќ, се интернационалци, играчи кои долги години играат во странски клубови, во лиги кои негуваат високо квалитетно ватерполо. Значи и од таа страна проблем немаме. Што се однесува до подготовките тие се завршена работа. Иако беа кратки планираното се реализираше се разбира со нешто зголемен интензитет. Можеби недостасуваше напревар повеќе, во фазата на подготовки. Два меча беа премалку за добар настап на ЕП. Но што е тука е.

Сепак, во едно сите се истомисленици. На победа!

Најголемата пречка, за која мора да бидеме свесни како земја која има малку лобисти во ватерполото или воопшто ги нема, ќе бидат судиите. А против нив тешко се игра.

Д. Ѓенчевски

МКД СОСТАВ

Далибор Перчиниќ

Милош Урошевиќ

Еди Бркиќ

Даниел Бениќ

Небојша Милиќ

Марко Мичиќ

Марко Башиќ

Игор Милановиќ

Душан Крстиќ

ненад Петровиќ

Милорад Крстовиќ

Иван Вуксновиќ

Сашо Поповски (к)

Љ. Мечкиќ (селектор)

С. Нонковиќ (тренер)

Б. Кузмановски (тренер)